Kolose 2:23 - Mɨkan wu Fi

²³ Tsɛʼ a nkənu, ntɨgə mətsiŋ fi tso tsɨ zɛʼtɨ awa a nye zóŋ a nye adzaŋ za tsɨ nyəmnə ngə́ á bɨ ngúʼsɨ́ ɨtsendá Ŋwi, ɨ shíʼtə́ nɨ atuəmbəm azo a ɨshe a mu ɨtsi, abɔʼnɨ ngɨə á mbəmnye ɨzo ze ngɨ́ʼ; lá ka tsɨ tsi awa nɨ ngótɨ́ akwatɨ a mbó ŋwɔn wa a lɔnɨ ngwɛmtɨ ɨnye ɨzhi a nye ɨnu tsa mbəmnye lɔnə ghe.

Kolose 2:23 Referans Kwoze

1 Timotyo 4:8

Ɨ shintɨ ɨkwɛn ɨnye ɨ tsi nɨ ɨlɨŋ tse ghe, lá ɨ mərɨsɨ atuəmbəm azo a mu azhwi tsi nɨ ɨlɨŋ bɨbagɨ bɨtsum, mbɨ́ʼ ngə́ ɨ kaʼə ntsi ntən tɨtsɔŋnɨ abɔʼnɨ nkfu za ɨ ghɨnɨ yiŋə.

Kolose 2:18

A nɨ keʼ nyɛʼtɨ ɨtumbəm ɨtsən á ŋwɔn tse a tsənkɨ awɨŋ ə. Ɨbɛn ba bɨ soŋnɨ ngə́ bo tsi atú atəntsánɨ́ mbɨ́ʼ ndzɛm nəzhwɨgɨnɨ, ba bɨ nyəmnə ngə́ á bɨ shíʼtə́ nɨ ɨnye a ɨshe a ngɨ ɨtsi nkə́ nyəmə ngə́ á bɨ ngúʼsɨ́ bɨtsen bɨ ndá bɨ Ŋwi lá. Ɨdzaŋ ɨbɛn tso mətsiŋ ŋǔʼ ɨnye tsa ɨtsum lá tsɛʼ atú adaŋədaŋə mbɨ́ʼ ngə́ bo kwaʼtɨ ɨnu lá tsɛʼ a nye ndóm wa ŋwɔn mɨsɔŋ a ntsu tsum a kwaʼtɨnə ghe.

Kolose 2:8

A nɨ tiʼ ndzɛn ngə́ á ŋwɔn tse a keʼ ghɨ awən a nye ɨbuʼ ntsa a ndzum ntam tənu zóŋ ŋwɔn mɨsɔŋ a ntsu za ɨ lonə a nye ɨnu tsa ŋwɔn mɨsɔŋ a ntsu a diʼnə ndo a mbó bɨtarɨ nkon a mbó ɨbɔ nkɨ ndo a mbó ɨzhwi tsa tsɨ sáʼnɨ́ mbyi-mbyi tsum, nkeʼ be a mbó Kristo lo lá.

1 Timotyo 4:3

Ɨbə́ŋ ɨbɛn mətsiŋ diʼə ngə́ a nɨ afənu a ndzɔ́ʼə́ abɔʼnɨ ɨ kɨ dzɨ ɨbə́ŋ mɨdzɨ tsɨ tse ghe. Lá Ŋwi a káʼ ɨbə́ŋ mɨdzɨ mətsen lá ngə́ á ɨbɛn ba bɨ nɨŋnɨ mɨntəm ɨma a nye zɨ, nkɨ nji nkənu, dzɨ mbáʼ bo mɛtɨnə atsaʼtɨ a Ŋwi zə ngǎ mɨya ghe.

Kolose 2:22

Bɨnyɔngɔŋ ben bɨtsum ghamə lá mbɨ́ʼ ɨdzúm tsa tsɨ bəŋnə ɨdzúm adaŋədaŋə mbáʼ be bɨ faʼ nɨ tsɛrə tsɛʼ táʼ nkfu; tsɨ lá tsɛʼ ntɨgə ŋwɔn mɨsɔŋ a ntsu abɔʼnɨ ɨnu tsa wɛrə a diʼnə ghe.

Ɛfɛso 5:29

Ka ŋwɔn tse a ndáʼə mbə̂ ayi atuəmbəm azhi ɛ. Wɛrə a baŋnə ndzɨ́gə́ a zɛrə nkə́ ndə̌tú nɨ zɛrə tso mbáʼ Kristo a lánə́ atú a nye ndáŋwi;

Roma 13:14

Lá, á nɨ tsi nɨ mbɔm Maʼmbyí Yeso Kristo, nkeʼ ɨtú ɨtsən tɛgɨ a nye ɨdzúm tsa mbəmnye lɔnə taŋ ɨ ghɨ ɨnu tsa mbəmnye lɔnə lá.