Biblia Todo Logo
Bib sou entènèt

- Piblisite -




Kolose 2:18 - Mɨkan wu Fi

18 A nɨ keʼ nyɛʼtɨ ɨtumbəm ɨtsən á ŋwɔn tse a tsənkɨ awɨŋ ə. Ɨbɛn ba bɨ soŋnɨ ngə́ bo tsi atú atəntsánɨ́ mbɨ́ʼ ndzɛm nəzhwɨgɨnɨ, ba bɨ nyəmnə ngə́ á bɨ shíʼtə́ nɨ ɨnye a ɨshe a ngɨ ɨtsi nkə́ nyəmə ngə́ á bɨ ngúʼsɨ́ bɨtsen bɨ ndá bɨ Ŋwi lá. Ɨdzaŋ ɨbɛn tso mətsiŋ ŋǔʼ ɨnye tsa ɨtsum lá tsɛʼ atú adaŋədaŋə mbɨ́ʼ ngə́ bo kwaʼtɨ ɨnu lá tsɛʼ a nye ndóm wa ŋwɔn mɨsɔŋ a ntsu tsum a kwaʼtɨnə ghe.

Gade chapit la Kopi




Kolose 2:18
42 Referans Kwoze  

A nɨ tiʼ ndzɛn ngə́ á ŋwɔn tse a keʼ ghɨ awən a nye ɨbuʼ ntsa a ndzum ntam tənu zóŋ ŋwɔn mɨsɔŋ a ntsu za ɨ lonə a nye ɨnu tsa ŋwɔn mɨsɔŋ a ntsu a diʼnə ndo a mbó bɨtarɨ nkon a mbó ɨbɔ nkɨ ndo a mbó ɨzhwi tsa tsɨ sáʼnɨ́ mbyi-mbyi tsum, nkeʼ be a mbó Kristo lo lá.


Bo lǒ mbe bɨdiʼ bɨ nyɔngɔŋ Ŋwi, lá nkeʼ ndzúʼə nkə́ njíɛ awa mɨgham ɨma, nkeʼ nkə́ ndzúʼə nkə́ njíɛ awa ɨnu tsa bo ghamnə mbɨ́ʼ a tsɛrə nɨ mɨntəm mə fankɨnɨ lá.


Tsɛʼ a nkənu, ntɨgə mətsiŋ fi tso tsɨ zɛʼtɨ awa a nye zóŋ a nye adzaŋ za tsɨ nyəmnə ngə́ á bɨ ngúʼsɨ́ ɨtsendá Ŋwi, ɨ shíʼtə́ nɨ atuəmbəm azo a ɨshe a mu ɨtsi, abɔʼnɨ ngɨə á mbəmnye ɨzo ze ngɨ́ʼ; lá ka tsɨ tsi awa nɨ ngótɨ́ akwatɨ a mbó ŋwɔn wa a lɔnɨ ngwɛmtɨ ɨnye ɨzhi a nye ɨnu tsa mbəmnye lɔnə ghe.


Azhwi a soŋ a lán ngə́ ɨbɛn bə mɔʼɔ ghɨ nyɛʼ abeməntəm aza a nkfu ndzum ə; bo ghɨ zúʼnɨ́ ɨzhwi tsa tsɨ chwɛ́nɨ́ ɨnu ɨ kɨ zɔŋ ɨnu tsa bɨdzɨŋ diʼnə ghe.


Tso mbáʼ ɨnyo za ɨ támtɨ́nɨ́ a Ifa nɨ ɨchwenu ɨchi tsa tsɨ yígɨ́nɨ́nɨ́ lá, ma bɔ́gə́ ngə́ bɨ chi ghɨ twɛfɨ ɨkwaʼtɨ ɨtsən, á nɨ kyɛntɨ ngwíʼtə́ mbɨ́ʼ a Kristo a nye ndóm wa ɨ kuʼnɨnɨ nkɨ mbe wu nkənu lá.


Bo kwébtɨ́ nkənu mbɨ́ʼ a Ŋwi nɨ ɨchwenu; bo ghúʼsə́ nkə́ fáʼə a mbó ɨdzúm tsa Ŋwi a ghɨnɨ; mbaŋnɨ nkeʼ ngúʼsə́ nkə́ fáʼə a mbó zɨ wa a káʼnɨ́ ɨdzúm ɨtsum, zɨ wa bɨ tsinɨ nɨ mbontə nɨnkoŋ ə! A be lá.


Mbɨ́ʼ ngə́ bɨ Wa Bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe, ɨ ghɨnɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ taŋ ɨ tintɨ ɨnɔ ɨbɛn ɨ tsagɨ a mɨ́tfúŋ, mbáʼ be a chi fu, ɨ kɨ tsagɨ ɨbɛn ba Ŋwi a tsɔʼnɨ awa ghe.


A bvurɨ tsɛʼ məbaŋtɨ á ma yiŋə. A nɨ ngěn nɨ mbyi ntiʼtɨ abeməntəm azən ɨ shiʼnɨ, taŋ á ŋwɔn tse a keʼ kwarɨ nɨ adaʼ ɨsáʼfɔ ɨzən za ɨ nɨ mɨkyaŋnɨ ɨmən lá.


Ma ŋwaʼnə a zen a mbó bən lá mbɨ́ʼ ɨbɛn ba bɨ zhwə́ŋtɨ́nə́ a ntámtɨ́ bɨŋ ə.


Ma lan, ma kɨə ngěn tsɛʼ adiʼ za ma mɨ yɛʼ nkaŋ taŋ ɨ tsi nɨ akyaŋə za, mbe lá adzaŋ za Ŋwi a tɔŋnɨ aghan a fɔməbvurə a mu ntsi ntən ntsa a ndzum Kristo Yeso ghe.


A ŋwɔn tse a keʼ awən nɨ ɨlentɨ mɨgham tamtə; a nɨ mbɨ́ʼ ɨdzaŋ ɨnu tso mətsen tsa tsɨ ghɨnɨ tɔ́ŋ alwɛntɔŋ a Ŋwi a nye ɨbɛn ba bɨ se ayi a ndzúʼnə́ ghe.


Tɨtsɔŋnɨ, á ma chwɨgɨ abítɨ za nɨ ŋwáʼnɨ́nɨ́ mbitɨ aghan ɨwu mbɨ́ʼ mɨdzɨ ma bɨ ghanɨ a mbó ɨbɔ bɨ abe lá. A nɨ nkənu ngə́, “bɨgɨnə bɨtsum tsi nɨ ayigɨnɨ ə”, adzaŋ za bɨ sóŋnə́ ghe. Azhyɛ məzen a ghɨə ɨbɛn ŋuʼənɨ ɨnye a mu kɨtɛrɨ ə; lá akɔŋnɨ a ghɨə ŋwɔn a kwiənɨ ɨ kwinə.


Ma vwó a mɨku zɨ a ngúʼsɨ́ zɨ, lá a sóŋ a mbó me ngə́, “Koʼ məla ghɨə! Ma kɨ mbe ngaŋ afaʼ tso gho nkwiʼtɨ ɨbɛn ba bɨ nɨŋnɨ mɨntəm ɨma a nye Ŋwi, ɨbɛn bɨtsum ba bɨ chwanɨ nkənu za Yeso a kyɛ́ʼnə́. Ghuʼsɨ be a Ŋwi ə!” Mbɨ́ʼ ngə́ nkənu za Yeso a kyɛ́ʼnɨ́ bǐtɨ̌ ɨbɛn a nchwítɨ́ nkən Ŋwi ə.


Wɛrə a támtɨ́ a ŋwɔn tsum wa a tsínə́ atuəshe ntsa a ndzum ɨnu tsɨ yerɨnɨ-yerɨnɨ tsa Ŋwi a nyɛ́ʼtɨ́nɨ́ ngə́ á wɛrə a ghɨ a ɨshi ntsambyi ɨnyam mɨbaʼ za. Ɨnyam mɨbaʼ za sóŋ a mbó bo ngə́ á bo bɔm a mɔn abe a nkɔ́ʼsɨ́ ɨnyam mɨbaʼ za bɨ lɛ́mnɨ́ nɨ lumban lá ɨ bvurɨ ntsi atú ntən lá atɨ́ ə.


Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.


Bɨ tyíŋ a tə́fəm dragɔn wa ɨ maʼ a ntáʼə — ɨnyo bənguʼ za bɨ tɔ́ŋnə́ ngə́ Dəbɨrɨ, kə Satan, mbáʼ ɨ támtɨ́nɨ́ atuəshe atsum lá. Bɨ máʼ ayi a shiʼ ngyen atuəshe, ndzɔŋ nkwiʼtɨ ɨtsendá Ŋwi ɨchi ɨtsum ə.


O chi zɛn achwurɨ a ɨmɨgɨ bo; o chi koʼ zhwurɨsɨ awa a nye ngɨ mɨbvu ɨza ghe. Bo tsagɨnɨ ɨbɛn ba mɨntəm ɨma bɔrɨkɨnɨ a mu ndab ə. Bɨ mərɨsɨ mɨntəm ɨma ngə́ á mɨ be mə amiɛnɨngám ə. Ŋwi a lɔʼ awa ghe!


Ma tiʼə sóŋə́ a mbó bɨŋ ə, á ŋwɔn tse a keʼ awən tamtɨ nɨ mɨgham mɨ ndɛgɨ ma ka anu zə tsɛrə a tsi ayi ɨwu, kɔ́ŋ mɨ fi tso mɨ bɔŋ be lə́ ghe.


Ma bɔ́gə́ ngə́ nyom wa ma mɨ yen a ndzé bən, nɨ mɨ tsi chwa a nye ndóm wa ma lɔnə ghe. A bagɨ bən, a ghagə tsɛrə nɨ mɨ kɨ ze aghan á ma tsi chwa ghe. Ma bɔ́gə́ ngə́, nyom wa ma yenɨ, azɔŋ, aghɨʼnɨ, alwɛntɔŋ, ɨkarɨ, nɨgham nɨ ntsənkɨ ɨkum ŋwɔn wu shiʼnɨ, fɨnkərɨ, kɨtɛrɨ abɔʼnɨ ndum mɨ tsi a tɨtərɨ bɨŋ ə.


Akɔŋnɨ a nɨ nchyɛ nɨ nchigə abɔʼnɨ ntəm ngɨ ɨbɔŋ ə; akɔŋnɨ a sě ngɨ́ə á ɨbɛn nchyɛ̌ nɨ aghɨʼnɨ, nkeʼ nkə́ ngɨ́ə a ɨbɛn ŋǔʼ ɨnye;


Tsɛʼ a nkənu nɨ zhi ngə́ a nye amaŋnɨ a nɨkɨə, ɨbɛn bə ghaʼnɨ kɨə, lá a dzɨə tsɛʼ táʼ ŋwɔn a tɨtərɨ bo ghe. A nɨ nkɨə a nye ndóm wa nɨ mɨ dzɨ mɨkyaŋnɨ ɨmyi ɛ.


Bən bə tse tiʼ nkɔʼsɨ abə́ŋ atságɨ́ zə tsɛrə tsɛʼ tso ngə́ ma mɨ kaʼ bə ngyen ngantɨ awɨŋ ə.


Mbɨ́ʼ ngə́ ɨkwaʼtɨ ɨtsɨŋ tsi lá tso tsɨ ɨbɛn bɨ atuəshe wiŋ ə. Aghɨʼnɨ abɔʼnɨ azɔŋ a tɨ bvurɨ kɔʼ a tɨtərɨ bən lá, məzen a keʼ diʼ lá ngə́ nɨ nɨ ɨbɛn bɨ atuəshe wen, nkə́ ngɨ̌ ɨnu ɨtsən ndzɔ̌ŋ mbɔm ɨbɛn bɨ atuəshe wen le?


Mbɨ́ʼ ngə́ ɨbɛn ba bɨ ghɨnɨ ɨbə́ŋ ɨnu mətsen se faʼə lá a mbó Kristo Maʼmbyí ɨwɨgɨnə ghe. Bo baŋnə ngɨə be ɨnu tsa tsɨ bɔŋnə tsɛʼ mɨfúʼ mɨ ntɔŋ ɨma ghe. Bo lɔgə mɨgham mɨ ndɛtɨ ɨbɛn abɔʼnɨ mɨgham mɨ ntám a shwuŋ ɨbɛn ba mɨntəm ɨma bɔrɨnɨ ɨ fɨgɨ a mu anu a Maʼmbyí ɛ.


Ma lɔgɨ alisɨ a nye bɨgɨ Abolo, á nɨ sə́ŋ ɨwu a ɨbɔmbɨma ngə́ nɨ chi yɛʼ anu ɨwu, taŋ ɨ keʼ fəŋ ɨfɨʼ za nɨgham nɨ Ŋwi soŋnɨ ngə́, “A nɨ nkeʼ ŋǔʼ ɨnye mbɨ́ʼ a táʼ ŋwɔn, ngwágɨ́nə́ a wu mɔʼɔ ghe.”


Nɨ ɨkum Maʼmbyí, ma tiʼə nkwantə awɨŋ ə: njimbɨʼ nɨ bvurə ngěn nɨ mbyi nchyɛ̌ tso ba a se bə Yuda be, mbáʼ ɨkwaʼtɨ ɨtsa nɨ tsɛʼ ɨnu adaŋədaŋə,


Swiv nou:

Piblisite


Piblisite