Kolose 2:16 - Mɨkan wu Fi

¹⁶ Ma lan, á ŋwɔn tse a keʼ ghɨ ntɨgə tsɨ tse mbɨ́ʼ azúm za nɨ dzɨ́nə́ kə ɨ nǒ kə njwi tsɨ fɛmnɨ kə mbɨ́ʼ Nɨdorɨ nɨ Saŋ wu Fi kə Njwi Alaʼ Ŋwi ə.

Kolose 2:16 Referans Kwoze

Roma 14:10

O sáʼə a mɨma ɨgho lá ngə́ ke le? Kə o nyáŋə́ a mɨma ɨgho lá ngə́ ke le? Mbɨ́ʼ ngə́ bɨgɨnə bɨtsum ghɨ tɛm a ngɔʼ abyɛn Ŋwi á wɛrə a sáʼ awɨgɨnə ghe.

Galesha 4:10

Nɨ kɔ́ʼsɨ́ njwi tsɨ tse, bɨsaŋ bə tsɛrə, nkfu tsɨ tsɛrə a mu alom abɔʼnɨ ɨlom tsɨ tsɛrə atɨ́ ə.

Ɛbal 13:9

A nɨ keʼ nyɛʼtɨ á bɨ diʼ awən nɨ ɨbə́ŋ ɨnu tsədaŋ tsa tsɨ mɨ ghɨ á nɨ fə ndóm ɨwən; mbɨ́ʼ ngə́ a bɔŋ ngə́ á abɔŋəntəm a Ŋwi a nɨ̌ŋ mɨntəm ɨmən ntsa ndzúʼnɨ́ ntɨgə mbɨ́ʼ mɨdzɨ ə. Mbɨ́ʼ ngə́ ntɨgə mətsiŋ sé kwatɨ ɨbɛn ba bɨ zúʼnɨ́nɨ́ a tsɛrə ghe.

Matyo 15:11

Ka a be ayi azúm za ŋwɔn a dzɨ́nə́ mbáʼ a ghɨnə ŋwɔn a keʼ fɛm a ɨshi ɨmɨgɨ Ŋwi; a baŋnɨ mbe be za ŋwɔn a fɨ́gɨ́nə́ sóŋə́ nɨ ntsu ɨyi mbáʼ a ghɨnə a keʼ fɛm a ɨshi ɨmɨgɨ Ŋwi ə.”

Ɛbal 9:10

mbɨ́ʼ ngə́ tsɨ tsi nɨ anu tsɛʼ mbɨ́ʼ mɨdzɨ, mɨluʼ abɔʼnɨ ɨ sugɨ ɨnye ɨ fɛm a mu mbɔm ə. Mətsiŋ lá mbɔm abyɛn abyɛn tsa tsɨ tsinɨ ɨ kuʼ nkfu za Ŋwi a ghɨnɨ kyaŋtɨ mbɔm zɨ fi za.

Jemsɨ 4:11

Ɨbɔmbɨma ɨban á nɨ keʼ ngǎm ɨnu tsɨ tɔmnɨnɨ mbɨ́ʼ a ŋwɔn nɨ ŋwɔn ə. Be nɨ ngǎm ɨnu tsɨ tɔmnɨnɨ mbɨ́ʼ ɨbɛn ba bɨŋ bo zɔŋnə a Kristo kə ɨ sáʼə awa, nɨ ghǎm ɨnu tsɨ tɔmnɨnɨ lá mbɨ́ʼ a Nyɔngɔŋ nkə́ sáʼə a wɛrə ghe. Be o sáʼə a Nyɔngɔŋ, lá be ngə́ ka o bvurɨ mbe agho ŋwɔn wa a zúʼnɨ́nə́ a Nyɔngɔŋ, lá mbe be ŋwɔn wa a sáʼnə́ a wɛrə ghe.

Marɨkusɨ 7:19

mbɨ́ʼ ngə́ a kon be a mu mɨto nkeʼ a mu ntəm be, ntiʼ ntsa ɨ fu ayi a mu ɨnye ŋwɔn le?” (Yeso a sóŋ ma lan, ndiʼ lá ngə́ mɨdzɨ mɨtsum fɛmə.)

Ɨfaʼ 15:20

Bɨgɨnə baŋnɨ ŋwaʼnɨ aŋwaʼnɨ a mbó bo ɨ sóŋə́ a mbó bo ngə́ á bo keʼ mɨdzɨ mə tse ma mɨ se fɛm a mu mbɔm dzɨ mbɨ́ʼ ngə́ bɨ gha a mɛrə a mbó ɨbɔ bɨ abe; ngə́ á bo keʼ ɨnu ntɔrɨ ɨlɛbɨ a ngɨə; nkeʼ kɨ nkfurɨ ɨnyam za bɨ se kyem; nkeʼ kɨ no alɛm ə.

Kolose 2:20

Nɨ kfonə bɨŋ bɨ Kristo ghe. Wɛrə a kɨnə nkɨ nkyɛtɨ mɨnkɨ mɨ abuʼ ma ɨzhwi tsa tsɨ sáʼnɨ́ mbyi-mbyi tsum korɨnɨ awən ɨwu ə. Ntsi mbyi ɨzɨŋ tiʼ ntsi tso nɨ tsi a mbó mbyi zen lá ngə́ ke le? Nɨ zúʼnɨ́ ntɨgə tsenə ngə́: