Kolose 2:13 - Mɨkan wu Fi

¹³ A nkfu tse nɨ bé tso nɨ kfókɨ́ mbɨ́ʼ mɨbvu ɨmən nkɨ mbe mbɨ́ʼ ngə́ nɨ bé ba a se bə Yuda be nkeʼ nɨ Nyɔngɔŋ wa chyɛ. Lá Ŋwi a lɔgɨnə awən ngyen nɨ bən a mu ntsi mbyi bɨŋ bɨ Kristo ghe. Ŋwi a lɨ́gɨ́nɨ́ mɨbvu ɨmɨgɨnə mɨtsum;

Kolose 2:13 Referans Kwoze

Ɛfɛso 2:1

Bən, a ghɨ́ awən nɨ tsi ntən, a nkfu za nɨ kfónɨ́ mbɨ́ʼ atɨŋətú azən abɔʼnɨ mɨbvu ɨmən

Roma 8:11

Be Azhwi a Ŋwi, zɨ wa a zhwémnɨ́nɨ́ a Yeso a mbó nɨvwo a tsi a mu ɨnye ɨtsən, zɨ wa a zhwémnɨ́nɨ́ a Kristo Yeso a mbó nɨvwo a mɨ gha ntsi ntən a mbó mbəmnye ɨtsən tsa tsɨ kfókɨ́nə́, ɨ tsa a ndzum Azhwi azhi za a tsinɨ a mu ɨnye ɨtsɨŋ ə.

2 Korɨnto 3:6

Ŋwi a ghɨ ngə́ á bɨgɨ be ngótɨ́ ngaŋ afaʼ a mu akan zə fi, nkeʼ be mu nyɔngɔŋ wa bɨ ŋwaʼnɨnɨ a mu aŋwaʼnɨ be, lá mbe be a mu Azhwi; mbɨ́ʼ ngə́ nyɔngɔŋ wa bɨ ŋwaʼnɨnɨ a mu aŋwaʼnɨ a zhwítə́, lá Azhwi a ghanɨ ntsi ntɨŋ ə.

Ɛbal 9:14

Mbáʼ məzen a nɨ nkənu lá, a ghɨ tíʼ be ɨ lə́ a mbó alɛm a Kristo le? A ntsǎ a ndzum Azhwi a nɨnkoŋ, wɛrə a ghá atuəmbəm azhi tso mɨtsuʼnɨ mɨ atú ma mɨ tsinɨ tɨ alɔʼ a mbó Ŋwi ə. Alɛm a wɛrə a mɨ sugɨ mɨntəm ɨmɨgɨnə a nye mbɔm alaʼ tsa tsɨ se nɨ ɨlɨŋ tse tsi, taŋ á bɨgɨnə faʼə a mbó Ŋwi, zɨ wa a tsinɨ atú ntən lá.

2 Korɨnto 5:19

Nkən ɨwɨgɨ nɨ ngə́ Ŋwi a kə́ ngɨ̌ ngwəgɨ ŋwɔn mɨsɔŋ a ntsu tsum a nye bɨson ɨbyi a ntsǎ a ndzum Kristo ghe. Ŋwi a sě nkwǎʼ mɨbvu ɨma ghe, wɛrə a kɨnə nkɨ nga a mbó bɨgɨ nkən wa, wa ɨ fɨʼtɨnə adzaŋ za wɛrə a ghɨnə awa a nye bɨson ɨbyi ɛ.

Ɛfɛso 2:11

A nɨ waʼtɨ ngə́ a nkfu tse, bən wa nɨ nɨ ɨbɛn ba a se bə Yuda be a mbəmnye, ba bə Yuda tɔ́ŋnə́ ngə́ bɨtɨtsəŋ alagɨ, ntɔŋ ɨtumbəm ɨtsa ngə́ ba bɨ tsəŋnɨ ɨlagɨ ɨtsa; anu zə tse za bɨ ghɨnə a nye mbəmnye nɨ mbó —

Alukasɨ 15:32

Lá bɨgɨnə ló ndzágɨ́ ntsí nɨ ngɨ nɨdorɨ ɨ dorɨkɨ, mbɨ́ʼ ngə́ mɨma ɨgho wu mbáŋnɨ́ a kɨ kfô, lá tɨtsɔŋnɨ a tsi ntɨŋ ə; a kɨ byê, lá tɨtsɔŋnɨ bɨ bə ndzɛn ayi ɛ.›”

Alukasɨ 15:24

Mbɨ́ʼ ngə́ mɔn ɨghan wu mbáŋnɨ́ wen a kfô, lá tɨtsɔŋnɨ a bə ntsi ntɨŋ ə; a byê, lá tɨtsɔŋnɨ bɨ bənə ndzɛn ayi ɛ.› Nɨdorɨ na tíʼ mbiʼnə.

Jemsɨ 2:26

Ma lan, adzaŋ za mbəmnye tɨ azhwi ɨ kfonɨ lá, ndəŋndəŋ abeməntəm tɨ ɨfaʼ kɨ nkfoə.

Ɛfɛso 5:14

mbɨ́ʼ ngə́ anu atsum za a fúnə́ a ɨshe asaŋəsaŋ, a nɨ nkaʼ ə. Nə nɨ anu za bɨ soŋnɨ ngə́: “O, gho wa o lyénə́, vwukɨ a fɨlye nkɨ nzhwemnɨ a mbó nɨvwo, á nkaʼ Kristo ɨ tá a nye gho ghe.”

1 Korɨnto 15:45

Mbɨ́ʼ ngə́ aŋwaʼnɨ a Ŋwi soŋ ngə́, “Ŋwi a káʼ ntsambyi ŋwɔn wa a bénɨ́ Adam lá tso ŋwɔn wa a tsinɨ nɨ ntsi ntɨŋ ə”; lá ntsɨrɨndzum Adam a nɨ Azhwi za a ghánɨ́ ntsi ntɨŋ ə.

Roma 6:13

Nɨ keʼ bə ndɔgɨ ɨlam ɨnye ɨtsən a nye ɨdzúm afaʼ a ngɨ ɨbvu, lá nɨ baŋnɨ ngyen nɨ ɨtumbəm ɨtsən a mbó Ŋwi tso ɨbɛn ba Ŋwi a kwarɨnɨ awa a mbó nɨvwo ngɨ bɨ tsi ntən, ntiʼ ndɔgɨ ɨtumbəm ɨtsən tsə fɨgɨnɨ ngɛn nɨ tsɛrə a mbó Ŋwi tso ɨdzúm afaʼ tsə ngɨ̌ ɨnu tsɨ chinɨnɨ ə.

1 Yoane 2:12

Ma ŋwaʼnə a mbó bən, nə ɨbɔ ɨban, mbɨ́ʼ ngə́ bɨ lɨgɨnɨnə mɨbvu ɨmən mbɨ́ʼ atú a Kristo ghe.

1 Korɨnto 15:36

Adzɨŋtɨ! O ghɨ mbi ngwəgɨ azúm a tɨshe lá, ɨ chi keʼ tom tɨgha ɨ fom nkfoə.

Yoane 5:21

Tso mbáʼ Tarɨ a zhwémnɨ́nə́ ɨbɛn ba bɨ kfokɨnɨ, ngǎ ntsi ntən a mbó bo lá, ndəŋndəŋ Mɔn Mbáŋnɨ́ a ghǎ ntsi ntən a mbó ɨbɛn ba zɨə lɔnɨ ngǎ a mbó bo ghe.

Alukasɨ 9:60

Yeso a chwɨ́gɨ́ ngə́, “Nyɛʼtɨ á ɨkfú ɨbɛn twəŋ a tsə mɔʼɔ ghe. Gho, ghɛn ɨ soŋ anu a Nɨfɔ nɨ Ŋwi ə.”

Ɛbal 6:1

A bɨgɨnə fu a mu ɨnu tsɨ biʼnɨnɨ tsɨ ɨnu tsa bɨ diʼnə mbɨ́ʼ a Kristo ngɛn nɨ mbyi nɨ ndiʼ ɨnu tsa bɨ diʼnɨ bɨləmə nɨ tsɛrə ghe. Bɨgɨnə keʼ bə ngɛn mbvurɨ ntsi tsɛʼ a ndiʼ ɨbɛn ngə́ á bɨ furɨ ndzum ɨtsa a ngɨ ɨkfurɨ ɨfaʼ abɔʼnɨ ɨ nɨŋ mɨntəm ɨma a nye Ŋwi;

1 Timotyo 5:6

Lá nkfugɨ mangye wa a tsagɨnɨ nkfu ɨzhi a ndǒ ɨdzúm mbəmnye, a baʼtɨ ntsi ntən ɨ tsinɨ lá, a kfonə ghe.

Roma 4:17

Aŋwaʼnɨ a Ŋwi a soŋ ngə́, “Ma ghɨ agho a nye ta bɨ ɨtom tsɨ ghaʼnə” — a ɨshi Ŋwi, zɨ wa wɛrə a nɨ́ŋnɨ́ ntəm ɨyi wə ɨnye, wa a ghánɨ́ ntsi ntən a mbó bɨkfú nkə́ ngɨə ɨdzúm tsa tsɨ kwɛ́nɨ́ keʼ tsi, á tsɨ chyɛ.

Yoane 6:63

Azúm za a ghɨnə o ntsi ntən a nɨ Azhwi ə; ka adaʼ a ŋwɔn mɨsɔŋ a tsi ayi nɨ ɨlɨŋ tse, kə́ tsɛʼ mɨnyiə ghe. Mɨgham ma ma ghamnə a mbó bən lá, mɨ yiŋə nɨ Azhwi a ntsi ntən za a lonɨ a mbó Ŋwi ə.

Jemsɨ 2:20

Adzɨŋtɨ! O lǒ ngə́ á bɨ diʼ a mbó gho ngə́ abeməntəm tɨ ɨfaʼ nɨ ɨnu adaŋədaŋə le?

Jemsɨ 2:17

Nə nɨ adzaŋ za abeməntəm a benə: be a tsi zɛrə zɛrə, nkeʼ ɨfaʼ kwiʼtɨ muŋ a kfoə.

1 Timotyo 6:13

A ɨshi Ŋwi, zɨ wa a ghánɨ́ ntsi ntən a mbó ɨdzúm ɨtsum, nkɨ mbe a ɨshi Kristo Yeso, zɨ wa a sóŋnɨ́ abeməntəm azhi nɨ ntəm ɨyi ɨtsum a ɨshi Bonto Branto, ma ghǎ ntɨgə zen a mbó gho ngə́

Kolose 2:12

Mbɨ́ʼ ngə́ a nkfu za nɨ kwárɨ́nɨ́ nkyi lá, bɨ twə́ŋ awən bɨŋ bɨ Kristo ghe. A nkwárɨ́ nkyi məwen, Ŋwi a kɨ́ nzhwémnɨ́ awən bɨŋ bɨ Kristo ntsa a ndzum abeməntəm azən a nye mɨtən mɨ Ŋwi ma mɨ faʼnə ghe. Ŋwi a zhwémnɨ́ ayi a mbó nɨvwo ə.