Kolose 2:12 - Mɨkan wu Fi

¹² Mbɨ́ʼ ngə́ a nkfu za nɨ kwárɨ́nɨ́ nkyi lá, bɨ twə́ŋ awən bɨŋ bɨ Kristo ghe. A nkwárɨ́ nkyi məwen, Ŋwi a kɨ́ nzhwémnɨ́ awən bɨŋ bɨ Kristo ntsa a ndzum abeməntəm azən a nye mɨtən mɨ Ŋwi ma mɨ faʼnə ghe. Ŋwi a zhwémnɨ́ ayi a mbó nɨvwo ə.

Kolose 2:12 Referans Kwoze

1 Bita 3:21

mbáʼ a bénɨ́ lá alɨgɨ za a kɨ́nə́ ndǐʼ nkwarɨ nkyi za ɨ loŋnə awən tɨtsɔŋnɨ ə. Ka ɨ be ayi lá ɨsɨŋ za bɨ sugɨnə a nye mbəmnye, lá ɨ be lá akaʼ za bɨ ghɨnɨ a mbó Ŋwi ndo a mu ntəm wu shiʼnɨ ə. Ɨ loŋə awən ntsǎ lá a ndzum nzhwemnə za Yeso Kristo a zhwémnɨ́nɨ́ a mbó nɨvwo

Galesha 3:27

Mbɨ́ʼ ngə́ nɨ kwárɨ́ nkyi, nɨ tíʼ ntsi a mbúm bɨŋ bɨ Kristo, ma lan, a tiʼ ntsi lá tsɛʼ tso ngə́ nɨ wəgɨ ntsi mbyi Kristo zɨmboŋ a nye bən tso ɨtsɛʼ ə.

Ɨfaʼ 2:24

Lá Ŋwi a zhwémnɨ́ ayi a mbó nɨvwo, nɨvwo keʼ bə mbvurɨ ntsi nɨ mɨtən mə tse atú zɨ, mbɨ́ʼ ngə́ ndóm sé tsi wa nɨvwo chínɨ́ chwa ayi tso ŋwɔn atsáŋ ə.

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Roma 4:24

Bɨ kɨ́ ŋwaʼnɨ a mɛrə lá a mbó bɨgɨnə ba bɨ tsinɨ nɨ ndɔgɨ bɨgɨnə tso ba bɨ chinɨnɨ, mbɨ́ʼ ngə́ bɨgɨnə nɨŋ mɨntəm ɨmɨgɨnə a nye zɨə. A nɨ zɨ wa a zhwémnɨ́nɨ́ a Yeso Maʼmbyí ɨwɨgɨnə a mbó nɨvwo ə.

Ɛfɛso 4:5

A tsi tsɛʼ táʼ Maʼmbyí, táʼ abeməntəm abɔʼnɨ táʼ nkwarɨ nkyi ɛ.

Ɛfɛso 2:8

Mbɨ́ʼ ngə́ a ndzum abeməntəm azən, a loŋ awən ntsa a ndzum abɔŋəntəm azhi; nkeʼ be be a ngɨ bɨŋ ə, a nɨ be azúm zə ghanɨ za Ŋwi a ghanɨ adaŋədaŋə ghe.

1 Korɨnto 15:20

Lá nkənu za ɨ tsinɨ ɨwu ɨ nɨ ngə́ Ŋwi a zhwémnɨ́ a Kristo a mbó nɨvwo tso mɨntɨ mə bɛʼnɨ ngə́ zɨə ghɨ kɨ zhwémnɨ́ ɨbɛn ba bɨ kfonɨ a mbó nɨvwo ə.

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

Ɛbal 6:2

a ndiʼ ɨbɛn mbɨ́ʼ sugɨ ɨnye ndzɔ̌ŋ mbɔm tse abɔʼnɨ ngɨə ngə́ á Azhwi zə Fɛmnɨ a lo a mbó táʼ ŋwɔn ngɛn a mbó wu mɔʼɔ ntsa a ndzum ɨnyɔŋ mbó wu atú; mbɨ́ʼ nzhwemnɨ ɨbɛn a mbó nɨvwo abɔʼnɨ nkyɛgɨnɨ abyɛn a Ŋwi za a ghɨ ghɔŋ nɨnkoŋ lá.

Filibi 1:29

Mbɨ́ʼ ngə́ Ŋwi a ghanə abárɨ́ a mbó bən ngə́ á nɨ faʼ a mbó Kristo, nkeʼ be tsɛʼ a nɨ́ŋ ntəm wə ɨnye, lá nkɨ mbe a ndzé ngɨ́ʼ mbɨ́ʼ ayi ɛ.

Ɛfɛso 5:14

mbɨ́ʼ ngə́ anu atsum za a fúnə́ a ɨshe asaŋəsaŋ, a nɨ nkaʼ ə. Nə nɨ anu za bɨ soŋnɨ ngə́: “O, gho wa o lyénə́, vwukɨ a fɨlye nkɨ nzhwemnɨ a mbó nɨvwo, á nkaʼ Kristo ɨ tá a nye gho ghe.”

Ɛfɛso 3:7

Ŋwi a ghɨ́ aghan ma be ŋwɔn afaʼ Nkən wu Shiʼnɨ ntsa a ndzum azúm zə ghanɨ mbe abɔŋəntəm azhi za a ghanɨ a mbó me ntsa a ndzum adzaŋ za mɨtən ɨmyi faʼnə ghe.

1 Korɨnto 12:13

Ndəŋndəŋ, bɨgɨnə bɨtsum, kə nɨ be be bə Yuda kə nɨ be be ba a se bə Yuda be, kə nɨ be be ɨbuʼ kə ɨbɛn nɨ ɨtú ɨtsa muŋ, ndəŋndəŋ Azhwi məzen a nɨŋnə nkyi atú bɨgɨnə bɨtsum a mu táʼ mbəmnye za, bɨgɨnə bɨtsum kɨnə nkɨ no ndəŋndəŋ Azhwi məza.

Roma 7:4

Ɨbɔmbɨma, nə nɨ adzaŋ za nɨ tsinɨ nɨ nchyɛ ghe. Be bɨ ghángə́ bɨ ghamə mbɨ́ʼ a Nyɔngɔŋ, nɨ kɨnə nkɨ nkfo mbɨ́ʼ ngə́ nɨ nɨ bagɨ ɨnye Kristo ghe; tɨtsɔŋnɨ nɨ tiʼ ntsi lá a mbó zɨ wa bɨ zhwémnɨ́nɨ́ a mbó nɨvwo taŋ á bɨgɨnə chi tiʼ be ngaŋ afaʼ Ŋwi ə.

Ɨfaʼ 14:27

Bo ghɨnə ngyén fu Antyokɨ, ngǒtɨ ndáŋwi táʼ adiʼ ntiʼ fɨʼtɨ a mbó bo ɨnu ɨtsum tsa Ŋwi a ghɨ́nɨ́ ntsa a ndzum bo ghe. Bo kɨ́ fɨʼtɨ adzaŋ za Ŋwi a ŋáʼnɨ́ ndóm a mbó ba a se bə Yuda be a nɨ́ŋ mɨntəm ɨma a nye Kristo ghe.

Alukasɨ 17:5

Ntóm Yeso sóŋ a mbó Maʼmbyí ngə́, “Ghɨ á abeməntəm azɨgɨ a faŋtə.”

Ɨfaʼ 2:32

Ŋwi a zhwemnɨnə a Yeso məwen a mbó nɨvwo, bɨgɨnə bɨtsum kɨ mbe bətɛmə-ndzě mbɨ́ʼ anu məziŋ ə.

Kolose 1:29

A ngɨə á məzen a fu, ma faʼə nɨ adaʼ azə atsum, ɨ faʼə nɨ adaʼ zə wi za Kristo a ghánə́, a tsi a mu ɨnye me ɨ faʼə ɨwu lá.

Kolose 2:13

A nkfu tse nɨ bé tso nɨ kfókɨ́ mbɨ́ʼ mɨbvu ɨmən nkɨ mbe mbɨ́ʼ ngə́ nɨ bé ba a se bə Yuda be nkeʼ nɨ Nyɔngɔŋ wa chyɛ. Lá Ŋwi a lɔgɨnə awən ngyen nɨ bən a mu ntsi mbyi bɨŋ bɨ Kristo ghe. Ŋwi a lɨ́gɨ́nɨ́ mɨbvu ɨmɨgɨnə mɨtsum;