Kolose 2:11 - Mɨkan wu Fi

¹¹ A mbúm bɨŋ bɨ Kristo, bɨ tsə́ŋ ɨlagɨ ɨtsən, nkeʼ ntsəŋ alagɨ za a tsəŋnə ŋwɔn mɨsɔŋ a ntsu be, lá mbe be ntsəŋ alagɨ za a tsəŋnə Kristo mbáʼ lá nkyɛtɨ mɨnkɨ mɨ abuʼ ma mbəmnye zɨ ɨbvu zen ɨ korɨnɨ awən ɨwu ə.

Kolose 2:11 Referans Kwoze

Roma 2:29

Mbe ngótɨ́ ŋwɔn bə Yuda tsi lá a mu ntəm ə, ngótɨ́ ntsəŋ alagɨ a be anu za a fúnə́ be a mu ntəm ə, məzen a be lá afaʼ Azhwi a Ŋwi, nkeʼ afaʼ a Nyɔngɔŋ wu ŋwaʼnɨnɨ be. Ŋwɔn tso məwa a kwárə́ abontɨ azhi be a mbó Ŋwi, nkeʼ a mbó ɨbɛn be.

Filibi 3:3

A nɨ bɨgɨnə, nkeʼ bo be ba bɨ kwarɨnə ngótɨ́ ntsəŋ alagɨ, mbɨ́ʼ ngə́ bɨgɨnə ghúʼsə́ a Ŋwi ntsǎ lá a ndzum Azhwi azhi nkə́ ndórɨ́kə́ a mu ntsi mbyi ɨzɨgɨnə a mbúm bɨgɨnə bɨ Kristo Yeso ghe. Ka bɨgɨnə nɨŋ awɨgɨnə mɨntəm ɨmɨgɨnə a nye ɨnu tsa bɨgɨnə ghɨnə a nye mbəmnye ɨtsɨgɨnə ghe.

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Roma 6:6

Bɨgɨnə zhi ngə́ a tsi lá tso ngə́ bɨ kwémtɨ́ mbɔm tsɨ lvuŋ tsa bɨgɨnə tsínɨ́ nɨ tsɛrə bɨgɨnə bɨ Yeso atɨ abaŋnɨ-baŋnɨ lá taŋ ɨ chi tsənkɨ mbəmnye ɨtsɨgɨnə tsen tsa a nɨ tsə ngɨ̌ ɨbvu ɨ kɨ ghɨ ngə́ á bɨgɨnə keʼ ɨbuʼ a mbó ɨbvu bə nkwiʼ mbe.

Galesha 5:24

Ɨbɛn ba bɨ tsinɨ a mbó Kristo Yeso zhwitɨnə ɨnu tsa mbəmnye lɔnə nkwiʼtɨ ɨnu tsa mbəmnye bɨ́ŋnɨ́nə́ ɨwu nkə́ ndǒ lá.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

Ɛbal 9:24

Adiʼ zə Fɛmnɨ za Yeso a konɨ ɨwu lá, ka bɨ korɨ ayi a zɛrə lá nɨ mbó, nkɨ be afi a ngótɨ́ zə wu ə. Wɛrə a kón be a mu ngótɨ́ fɔməbvurə, ntiʼə fuə a ɨshe a ɨshi Ŋwi a nkfu bɨgɨnə ghe.

Ɛbal 9:11

Lá Kristo a yenə tso Ntumshe wu Ngwi wu ɨnu tsɨ shiʼnɨ tsa tsɨ binə ntsi ɨghə. Ntaŋ wa wɛrə a faʼnə wə mu nɨ wu wi ngɛn nɨ mbyi nkɨ nkɔʼ ntɛm ngə́ tsáŋ ngɛn nɨ mbyi; ka a be ayi ntaŋ wa bɨ korɨnɨ nɨ mbó mɨ ŋwɔn mɨsɔŋ, lá be ngə́, ka a be ayi abagɨ atuəshe zen za bɨ káʼnɨ́ lá.

2 Korɨnto 5:1

Bɨgɨnə zhi ngə́ a nkfu za ntaŋ wen wa bɨgɨnə tsínə́ wə mu — mbe lá mbəmnye ɨzɨgɨnə ɨghan atuəshe — bɨ kum, Ŋwi a mɨ tsi nɨ ndá a mbó bɨgɨnə a nchyɛ̌ ɨwu a fɔməbvurə, njwuʼ za a vwunɨ zɨmboŋ, za ɨ ghɨnɨ ghɔŋ nɨnkoŋ ə.

Ɨfaʼ 17:24

Ŋwi, zɨ wa a káʼnɨ́ atuəshe abɔʼnɨ ɨdzúm ɨtsum tsa tsɨ tsinɨ wə mu, a nɨ zɨ wa a nɨ Maʼmbyí fɔməbvurə abɔʼnɨ atuəshe, ka a nchyɛ̌ ayi lá a mu mɨshwim ma bɨ nyɛtɨnɨ nɨ mbó ə.

Ɨfaʼ 7:48

Lá Ŋwi Akɔ́ʼɔ́ntsɨrə ka a nchyɛ̌ ayi a mu ndá tsa mbó mɨ ŋwɔn mɨsɔŋ a ntsu vwunɨ; tso mbáʼ ntom Ŋwi ɨ soŋnɨ ngə́:

Alukasɨ 2:21

Ngabɨ ɨ kwemnə, mbáʼ nkfu ɨ kúʼnɨ́ a ntsəŋ alagɨ a mɔn wa, bɨ chwi ɨkum ɨyi nɨ Yeso, ɨkum wa Ntsendá Ŋwi za ɨ ghánɨ́ wəmbo bɔŋ á nɨmi ɨyi a ntíʼə ntɛ́mə́ nɨ wɛrə ghe.

Marɨkusɨ 14:58

“Bɨgɨ zúʼ a soŋ ngə́, ‹Ma mɨ kum Ndáŋwi zɨ Ngwi zen za mbáŋnɨ́ vwunɨ lá, ɨ bə vwu a zɛrə atú njwi tsi tárə́, lá á keʼ be za mbáŋnɨ́ vwunə.›”

Roma 7:24

Adzə́ŋnɨ a lanɨ ntsi a mu ntəm me be tɨsɨŋə! Ɨwa mɨ kwarɨ aghan a mbó ɨnyam ɨnye zen za ɨ shwuŋnə aghan ntsagə a mbó nɨvwo lá le?

Kolose 3:5

Nɨ mɨ tiʼ zagɨ zhwitɨ ɨnu atuəshe zen tsa mbəmnye ɨtsɨŋ lɔnə, tso ɨnu ntɔrɨ ɨlɛbɨ, nɨshwe, nkfǒ a mbó nji mangye kə a mbó nji mbáŋnɨ́, ntɛgɨ ntəm a ngɨ ɨnu tsɨ tɔmnɨnɨ abɔʼnɨ mbe amiɛnɨngám ə. Mbɨ́ʼ ngə́ a mbé amiɛnɨngám a nɨ ndóm wu mɔʼɔ a nguʼsɨ mɔn abe ə.