Kolose 1:9 - Mɨkan wu Fi

⁹ Mbɨ́ʼ a məzen, bɨgɨ tsaʼtə a Ŋwi nkfu tsum mbɨ́ʼ awən nchwuʼnɨ mbáʼ bɨgɨ zúʼnɨ́ a məzen mbɨ́ʼ awɨŋ ə. Bɨgɨ lɔ́ntə́ a mbó Ŋwi ngə́ á wɛrə a lwɨgɨ awən nɨ azhyɛ ɨnu tsa zɨə lɔnə, ndwɨgɨ awən nɨ zóŋ nkɨ ndwɨgɨ awən nɨ ndzuʼ kɨ zhi za Azhwi zə Fɛmnɨ a ghánə́ ghe.

Kolose 1:9 Referans Kwoze

Jemsɨ 3:17

Lá zóŋ wa a lonɨ a fɔməbvurə a fom ntsambyi ndán, ntiʼ ndzɔŋtɨ, ngyíŋə́ nɨ mbɔnɨ, nkwáʼtə́ mbɨ́ʼ a bə mɔʼɔ, nkɨ mbe ɨson ə; a lon nɨ akômɨlɨŋnɨ nkə́ nkónə́ a za bɨ fuʼnə a be ngɨnɨ mɨnu mə shiʼnɨ ə; a se nɨ nkyerɨ abɔʼnɨ ntamtɨ ɨdiʼ chyɛ.

Jemsɨ 1:5

Lá be ŋwɔn nɨ bən wu tse a boŋ a zóŋ, á wɛrə a tsaʼtɨ a Ŋwi, zɨ wa a mɨ gha a wɛrə wəmbo; mbɨ́ʼ ngə́ Ŋwi a ghǎ a mbó ŋwɔn tsum tə́ ndéntə́, nkə́ ngǎ a nye ndóm wa ɨ diʼnə ngə́ wɛrə a kɔŋ awɨgɨnə nkə́ ndə̌tú nɨ bɨgɨnə ghe.

Kolose 4:5

A nɨ tsi nɨ zóŋ a nye ndóm wa nɨ ghɨnɨ mɨnu bɨŋ bɨ ɨbɛn ba bo se nɨŋ mɨntəm ɨma a nye Ŋwi, ɨ fáʼə nɨ abárɨ́ atsum za nɨ tsinɨ nɨ zɛrə a nye ndóm wu shiʼnɨ ə.

Ɛbal 13:21

á Ŋwi a gha awən nɨ azúm atsum zə shiʼnɨ za a kuʼnɨnɨ a ngɨ za wɛrə a lɔnə ghe. A wɛrə, a ntsǎ a ndzum Yeso Kristo a ghɨ a nye bɨgɨnə a za a bɔŋnə ayi; á nɨfáŋ tsi a mbó Kristo nɨnkoŋ ə. A be lá.

1 Bita 2:15

Ŋwi a lǒ ngə́ á nɨ chwubtɨ mɨntsu mɨ ɨdzɨŋtɨ ɨbɛn ba bɨ ghamnɨ ɨnu tsa bo se zhi, a ntsǎ a ndzum ɨnu tsɨ shiʼnɨ tsa nɨ ghɨnə ghe.

2 Tesalonaika 1:11

Nə nɨ anu za bɨgɨ tsaʼtɨnə a Ŋwi mbɨ́ʼ awən nkfu tsum lá. Bɨgɨ lɔ́ntə́ a mbó Ŋwi ɨwɨgɨnə ngə́ á wɛrə a ghɨ á ntsi mbyi ɨzɨŋ kɔʼ nkuʼ ndvuŋ wa a tsɔʼnɨ awən ngə́ á nɨ tsi nɨ wɛrə ghe. A Ŋwi a ghɨ, ntsa a ndzum mɨtən ɨmyi, ngə́ á ɨnu tsɨ shiʼnɨ ɨtsum tsa nɨ lɔnɨ ngɨə á tsɨ fu, ɨ kɨ ghɨ ngə́ á ɨfaʼ ɨwən a mu abeməntəm kɔʼ nduŋə.

1 Tesalonaika 5:17

ntsáʼtə́ a Ŋwi tsɛʼ nkfu tsum,

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

Kolose 3:16

A nkən mbɨ́ʼ a Kristo ɨ tsi a mu mɨntəm ɨmən tsɛʼ ɨ shiʼnɨ ɨ shiʼnɨ ə. A nɨ ndíʼə nkə́ ntɨ́gɨ́tə́ a ŋwɔn nɨ ŋwɔn nɨ abə́ŋ a zóŋ atsum ə. A nɨ ndzɔ́bə́ ɨzɔbɨ nkyi tsa tsɨ tsinɨ a mu aŋwaʼnɨ a Ŋwi abɔʼnɨ ɨzɔbɨ nkyi azhwi nɨ ɨzɔbɨ nkyi tsɨ fɛmnɨ; á nɨ ndzɔ̌b mɨnkyi a mbó Ŋwi nɨ nga mɨya a mu mɨntəm ɨmɨŋ ə.

Ɛbal 10:36

Nɨ tsi nɨ nchyɛ nɨ achigəntəm taŋ ɨ chi ghɨ anu za Ŋwi a lɔnə, ɨ tiʼ kwarɨ a za wɛrə a káʼnɨ́ awən ɨwu ə.

Filibi 1:4

nkfu tsum za ma tsaʼtɨnə a Ŋwi mbɨ́ʼ awən bɨtsum, ma tsaʼtə a Ŋwi nɨ nɨdorɨ

Firɨmɔn 1:4

Mɨma, Firɨmɔn, nkfu tsum za ma tsaʼtɨnə a Ŋwi, ma kwémtə́ agho a mbó Ŋwi ɨghan nkə́ ngǎ a mɨya a mbó Ŋwi ɨghə.

Ɛfɛso 6:6

A nɨ keʼ ngɨə a məzen tsɛʼ mbáʼ bo tɛmnɨ ɨwu ndzě awən mbɨ́ʼ ngə́ nɨ lǒ ngə́ á bo bemtɨ awən; lá á nɨ ngɨ̌ ɨnu ɨtsum tsa Ŋwi a lɔnə nɨ táʼ ntəm, tso ɨbuʼ Kristo ghe.

Roma 12:2

Njimbɨʼ nɨ zɔŋnɨ ngɨnɨ mɨnu mɨ ɨbɛn bɨ atuəshe wiŋ ə, lá nɨ nyɛʼtɨ á Ŋwi a bənkɨ mɨntəm ɨmən taŋ á nɨ kwebtɨ mbɔm ɨtsɨŋ ə. Adzaŋ məwen, nɨ mɨ tiʼ zhi anu za Ŋwi a lɔnə — anu za a bɔŋnɨ, nkɔʼ ntɛm ngə́ tsáŋ nkə́ ngɨə ɨnye Ŋwi bɔŋənə ghe.

1 Tesalonaika 1:3

Bɨgɨ wáʼtə́ a ɨshi Ŋwi ɨwɨgɨnə, zɨ wa nɨ Tarɨ, adzaŋ za abeməntəm azən a ghɨnə nɨ faʼnə, adzaŋ za akɔŋnɨ azən a ghɨ́nɨ́ nɨ faʼnə nɨ adaʼ azɨŋ atsum, abɔʼnɨ adzaŋ za ntsiŋə nɨ ntəm tsum ɨzɨŋ ɨ tɛmnɨ ntɨŋə ngə́ twə́ŋ a nye Maʼmbyí ɨwɨgɨnə Yeso Kristo ghe.

1 Yoane 2:17

Atuəshe abɔʼnɨ azúm atsum za a tsinɨ ɨwu za ɨbɛn lɔnə a tsǎ ngěn ghe; lá ɨbɛn ba bɨ ghɨnɨ anu za Ŋwi a lɔnə chyɛ̌ nɨnkoŋ ə.

1 Bita 4:2

Ma lan, ɨ lɔgɨnɨ tɨtsɔŋnɨ ɨ ghenə nɨ mbyi, nɨ mɨ zagɨ tsinɨ abvuʼ a ntsi mbyi azən atuəshe wen a nye ndóm wa Ŋwi a lɔnə, nkeʼ be be a nye wa mbəmnye lɔnə ghe.

Kolose 4:12

Ebafrasɨ a kə́ ntɔ́ŋtə́ awɨŋ ə. Wɛrə nɨ táʼ ŋwɔn a mu ngǒtə ɨzən nkɨ mbe ngaŋ afaʼ Kristo Yeso ghe. Wɛrə a tsaʼtə a Ŋwi tsɛʼ nɨ ntəm ɨyi ɨtsum nkfu tsum mbɨ́ʼ awən, ndɔ́ntə́ a mbó Ŋwi ngə́ á wɛrə a ghɨ á nɨ tɛm ntɨŋə ngə́ twə́ŋ, nkwi, nkeʼ nɨ aməŋnɨ zə tsɛrə nyam ntsi mbɨ́ʼ ɨnɨŋ mɨntəm ɨzɨgɨnə a nye Kristo, nkɨ ntsi a mu ndzuʼnə a nɨ́lónɨ́ anu za Ŋwi a lɔnə ghe.

Kolose 1:6

Nkən wu shiʼnɨ yiŋə nɨ ɨfɔgə nkə́ ndzágɨ́nə́ a mu mbyi tsum, tsɛʼ adzaŋ za ɨ dzagɨnɨnə a tɨtərɨ bən nchwuʼnɨ njwi za nɨ fómnɨ́ ndzúʼ mbɨ́ʼ abɔŋəntəm a Ŋwi, ngɨ́ nkɨ́ njí a zɛrə tsɛʼ adzaŋ za a lanɨnɨ mbe lá.

Ɛfɛso 5:17

Ma lan, á nɨ keʼ ɨbərɨ be, nɨ baŋnɨ njwəŋtɨ a ntsɔ́ʼ aku a njí anu za Maʼmbyí a lɔnə ngə́ á nɨ ngɨə ghe.

Ɛfɛso 5:10

A nɨ zagɨ ndzɛn ngə́ nɨ yɛʼ ɨnu tsa tsɨ ghɨnə Maʼmbyí a dorɨtɨnə ghe.

Ɛfɛso 1:8

za a chwítɨ́nɨ́ atú bɨgɨnə tsɛʼ adaŋədaŋə lá. A ntsǎ a ndzum zóŋ tsum abɔʼnɨ azhyɛ atsum

Yoane 7:17

Ŋwɔn tsum wa ntəm ɨyi kɔŋnɨ ngɨ anu za Ŋwi a lɔnə, a mɨ zhi ngə́ a lə anu za ma diʼnə a lo a mbó Ŋwi kə ma ghamə be nɨ mɨtən ɨmə.

1 Korɨnto 1:5

Mbɨ́ʼ ngə́ nɨ tsi a mbúm bɨŋ bɨ Kristo, nɨ tsi nɨ ɨdzúm ɨtsum a nɨ́lónɨ́ nkwiʼtɨ mbúŋ mɨgham mɨtsum a nchwítɨ́ nkən ɨyi abɔʼnɨ azhyɛ atsum a njí zɨə.

Ɨfaʼ 12:5

Ma lan, bɨ lɛ́n a Bita atsáŋ, lá ndáŋwi ghɨ́ atsaʼtɨ a Ŋwi zə tən a mbó Ŋwi mbɨ́ʼ ayi ɛ.

Firɨmɔn 1:6

Ma tsaʼtə a Ŋwi ngə́ ndzɨnɨ ɨzɨgɨnə tso ɨbɛn ba bɨ nɨŋnɨ mɨntəm ɨma a nye Kristo mɨ ghɨ á bɨgɨnə zuʼ nkɨ nji ɨfɔgə ɨtsum ngɛn nɨ mbyi, ɨfɔgə wa bɨgɨnə tsinɨ nɨ wɛrə a mu ntsi mbyi ɨzɨgɨnə a mbúm bɨgɨnə bɨ Kristo lá.