Kolose 1:5 - Mɨkan wu Fi

⁵ A nkfu za nkən wu nkənu wa, Nkən wu Shiʼnɨ wa bɨ fómnɨ́ sóŋ a mbó bən, nɨ zúʼ mbɨ́ʼ ntsiŋə nɨ ntəm tsum za ɨ ghánə́ ghe. Ma lan, abeməntəm azən abɔʼnɨ akɔŋnɨ azən a tɛm lá atú anu za nɨ tsenə nɨ mɨntəm ɨmən mɨtsum, mbáʼ Ŋwi a lɛnɨ ɨ shiʼnɨ a mbó bən a fɔməbvurə lá.

Kolose 1:5 Referans Kwoze

Ɛfɛso 1:13

Ntsa a ndzum zɨ, bən ba nɨ kɨnə nkɨ ndzuʼ nɨgham nɨ nkənu, Nkən wu Shiʼnɨ wu ndoŋ bɨŋ ə. Nɨ kɨnə nkɨ nɨŋ mɨntəm ɨmən a nye Kristo, Ŋwi a lyigɨ awən nɨ Azhwi zə Fɛmnɨ za wɛrə a káʼnɨ́ lá.

2 Timotyo 4:8

Azúm za a zhwíʼtɨ́nə́ aghan tɨtsɔŋnɨ a nɨ ndɔ́ŋ ayanguʼ mbɨ́ʼ ngə́ ma tsinə ntsi mbyi za ɨ chinɨnɨ a ɨshi ɨmɨgɨ Ŋwi, zɛrə za Maʼmbyí, zɨ wa a nɨ Tabyɛn, a ghɨnɨ gha a mbó me a Njwi wa. Wɛrə a mɨ keʼ tsɛʼ a mbó me gha, lá ɨ kɨ gha a mbó ŋwɔn tsum wa a tsenə a wɛrə nɨ akɔŋnɨ ngə́ á wɛrə a ghɨ fú a ɨshe lá.

Tɨ́tósɨ 1:2

ndóm məwen wa bɨgɨnə zhinɨ a Ŋwi a nɨ wɛrə wa ɨ ghɨnə bɨgɨnə tsinə nɨ ntsiŋə nɨ ntəm tsum ngə́ bɨgɨnə ghɨ tsí nɨ ntsi ntən nɨnkoŋ ə. Ŋwi, zɨ wa a se ɨnu a nchwě, a káʼ awɨgɨnə nɨ ntsi ntən məzen bɔŋ á Ŋwi a káʼ atuəshe ə.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

1 Bita 2:2

A nɨ be tso ɨbɔ bə bɔrɨ, ndzǎŋ nji nɨbə́n nɨ azhwi na nɨ lánɨ́ nkfu tsum, taŋ a ntsǎ a ndzum adzaŋ za nɨ nyɔ́ŋnə́ a nɛrə nɨ mɨ kwi á bɨ loŋ awɨŋ ə.

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

1 Korɨnto 15:19

Be a be ngə́ ntsiŋə nɨ ntəm tsum ɨzɨgɨnə a nye Kristo ɨ tsi lá tsɛʼ a nye ntsi mbyi ɨzɨgɨnə atuəshe wen muŋ bɨ tsi nɨ nko mɨlɨŋnɨ a nye bɨgɨnə ɨ tsa a ŋwɔn mɨsɔŋ a ntsu tsum atuəshe wiŋ ə.

Ɛbal 7:19

(Nyɔngɔŋ Mǒse a kɨ chi keʼ ghɨ anu zə tsɛrə á kɔʼ ntɛm ngə́ tsáŋ ə); lá tɨtsɔŋnɨ, bɨ ghɨnə bɨgɨnə tsi nɨ ntsiŋə nɨ ntəm tsum za ɨ bɔŋtɨnɨ, za bɨgɨnə mɨ tsa ɨwu ɨ yen fatɨ a Ŋwi ə.

1 Tesalonaika 2:13

Anu zə mɔʼɔ a tsi ɨwu za a ghɨnə ngə́ á bɨgɨ ngǎ a mɨya a mbó Ŋwi nkfu tsum ə. A nkfu za bɨgɨ yénɨ́ nɨ nkən Ŋwi a mbó bən lá, nɨ zúʼ a wɛrə nkɨ mbem a wɛrə, nkeʼ be be tso nkən wa ɨ lonɨ a mbó ŋwɔn mɨsɔŋ a ntsu lá mbe be tso nkən Ŋwi, mbáʼ tsɛʼ a nkənu ɨ kɨnɨ mbe wɛrə ghe. Mbɨ́ʼ ngə́ Ŋwi a faʼə a mu ɨnye ɨtsən, bən wa nɨ nɨŋnɨ mɨntəm ɨmən a nye wɛrə lá.

1 Yoane 3:3

Ŋwɔn tsum ɨ mɔ́ʼɔ́ mɔ́ʼɔ́ wa a tsinɨ nɨ ntsiŋə nɨ ntəm tsum məzen a nye Kristo, a lěn atuəmbəm azhi a lán, tso mbáʼ Kristo a kɨnɨ nkɨ ndán lá.

Galesha 5:5

A mbó bɨgɨ, ntsiŋə nɨ ntəm ɨzɨgɨ tsum ɨ nɨ ngə́ Ŋwi a mɨ ghɨ á bɨgɨ tɛmnɨ a ɨshi ɨmɨgɨ zɨə; a nɨ zɛrə za bɨgɨ zhwíʼtɨ́nə́ ntsǎ a ndzum mɨtən mɨ Azhwi a Ŋwi ma mɨ faʼnə ntsǎ a ndzum abeməntəm azɨgɨ ə.

2 Korɨnto 5:19

Nkən ɨwɨgɨ nɨ ngə́ Ŋwi a kə́ ngɨ̌ ngwəgɨ ŋwɔn mɨsɔŋ a ntsu tsum a nye bɨson ɨbyi a ntsǎ a ndzum Kristo ghe. Ŋwi a sě nkwǎʼ mɨbvu ɨma ghe, wɛrə a kɨnə nkɨ nga a mbó bɨgɨ nkən wa, wa ɨ fɨʼtɨnə adzaŋ za wɛrə a ghɨnə awa a nye bɨson ɨbyi ɛ.

Ɨfaʼ 23:6

Mbáʼ Baolo a zɛ́nɨ́ ngə́ abagɨ zə tse a bé bə Sadukai, zə mɔʼɔ a be bə Farisao lá, wɛrə a tɔ́nkɨ́ a ɨshi Ngaŋ Sáʼ Abyɛn tsa ngə́, “Ɨbɔmbɨma ɨban, bə Izrai! Ma nɨ ŋwɔn bə Farisao, mɔn Farisao wu mbáŋnɨ́ ə. Bɨ sáʼə aghan ɨghan lá mbɨ́ʼ ntsiŋə nɨ ntəm tsum ngə́ bɨkfú ghɨ zhwémnɨ́ a mbó nɨvwo ə!”

1 Bita 3:15

Lá á nɨ nkɔ́ʼsə́ a Kristo atɨ́ a mu mɨntəm ɨmən tso Maʼmbyí ntsi mbyi ɨtsɨŋ ə. A nɨ kyaŋtɨ ɨnye ɨtsən a nchwɨ́gɨ́ ŋwɔn tsum nkfu tsum mbáʼ be a soŋ ngə́ á nɨ fɨʼtɨ ntsiŋə nɨ ntəm tsum za ɨ tsinɨ a mu ɨnye ɨtsɨŋ ə,

1 Korɨnto 13:13

Adzaŋ za a benɨ lá, tsenə tsi tárə́ tsi ɨwu ə: abeməntəm, ntsiŋə nɨ ntəm ɨtsum abɔʼnɨ akɔŋnɨ ə; lá za a kɔʼnɨ nɔŋ atú tsɛrə ɨtsum a nɨ akɔŋnɨ ə.

Ɨfaʼ 24:15

Ma tsi nɨ ndəŋndəŋ ntsiŋə nɨ ntəm tsum a nye Ŋwi za bo məbenə tsinɨ nɨ zɛrə ngə́ ɨbɛn bɨtsum, bə shiʼnɨ abɔʼnɨ bə tɨbɔŋ ghɨ zhwémnɨ́ a mbó nɨvwo ə.

1 Timotyo 1:15

Zen a nɨ anu za bɨ sóŋnə́ a be nkənu, anu za bɨ tsinɨ nɨ mbemə ɨ kɨ nɨŋ ntəm ɨwu tə́ njwɛrɨkə ngə́: Kristo Yeso a yén a mu mbyi a ndoŋ ngaŋ ngɨ mɨbvu ə. Ma bɨ́gɨ́ ntsa awa bɨtsum,

2 Tesalonaika 2:16

A Maʼmbyí ɨwɨgɨnə, Yeso Kristo zɨmboŋ bo Ŋwingɔŋ Ta ɨwɨgɨnə, zɨ wa a kɔ́ŋnɨ́ awɨgɨnə nga awɨgɨnə nɨ nkotɨ mbáŋnɨ́ za ka ɨ nkyɛ́ntə́ ayi abɔʼnɨ ntsiŋə nɨ ntəm tsum za ka ɨ nchíʼnə́ ayi a mu abɔŋəntəm azhi,

Kolose 3:16

A nkən mbɨ́ʼ a Kristo ɨ tsi a mu mɨntəm ɨmən tsɛʼ ɨ shiʼnɨ ɨ shiʼnɨ ə. A nɨ ndíʼə nkə́ ntɨ́gɨ́tə́ a ŋwɔn nɨ ŋwɔn nɨ abə́ŋ a zóŋ atsum ə. A nɨ ndzɔ́bə́ ɨzɔbɨ nkyi tsa tsɨ tsinɨ a mu aŋwaʼnɨ a Ŋwi abɔʼnɨ ɨzɔbɨ nkyi azhwi nɨ ɨzɔbɨ nkyi tsɨ fɛmnɨ; á nɨ ndzɔ̌b mɨnkyi a mbó Ŋwi nɨ nga mɨya a mu mɨntəm ɨmɨŋ ə.

Roma 10:8

Anu za a soŋnɨ a zɛnə “Nɨgham nɨ Ŋwi tsi a mbyɛn gho, a nye ɨwəŋ ntsu ɨtso, nkɨ ntsi a mu ntəm gho ghe” (lá be ngə́, nkən abeməntəm wa bɨgɨ chwítɨ́nə́ lá).

Ɨfaʼ 10:36

Nɨ zhi nkən wa wɛrə a tságɨ́nɨ́ a mbó ɨbɛn bə Izrai lá, wɛrə a kə́ nchwítɨ́ Nkən wu Shiʼnɨ wu mbɔnɨ ntsa a ndzum Yeso Kristo, zɨ wa a nɨ Maʼmbyí ŋwɔn tsum lá.

Alukasɨ 12:33

Fenɨ ɨdzúm ɨtsɨŋ ɨtsum nga nkáb a mbó ngaŋ afúm ə. Nɨ lo ɨbɔ bɨ aban bə nɨŋ nkáb bɨ tə́ ndvúŋə́, ɨ nɨŋ afuʼ azən ɨwu ndɛn a fɔməbvurə, adiʼ wa bɨ chinɨ keʼ shwɛʼtɨ mbɨ́ʼ ngə́ ka ndzɛrə a ngěn nkuʼə ayi ɨwu, ndzɛm chi keʼ kɨ ntsənkə.

Ɨfaʼ 13:26

Ɨbɔmbɨma ɨban, ɨbɛn bɨ ɨlə̌ Abraʼm abɔʼnɨ bən bɨtsum ba bɨ ghúʼsɨ́nə́ a Ŋwi: bɨ tsagɨ nkən ɨloŋ məwen lá a mbó bɨgɨnə ghe!

2 Korɨnto 6:7

Nkən wa bɨgɨ sóŋnə́ nɨ nkən wu nkənu, nkə́ ndɔ́gə́ lá mɨtən mɨ Ŋwi ɨ sóŋə́ a wɛrə ɨwu ə. Mbɨ́ʼ ngə́ anu za bɨgɨ ghɨnə nɨ anu zə chinɨnɨ, ka ŋwɔn tse a tsi ayi nɨ anu a tɨbɔŋ zə tsɛrə a sóŋə́ mbɨ́ʼ ɨfaʼ ɨwɨgɨ ə.

Galesha 2:5

lá a ngɨə ngə́ á bɨgɨ len nkənu za ɨ tsinɨ a mu nkən wu shiʼnɨ a mbó bən tɨ ashwugɨrɨ, bɨgɨ sé a məbárɨ́ a mbó bo gha kə́ tsɛʼ a nye məkum a nkfu ə.

Galesha 2:14

Mbáʼ ma zɛ́nɨ́ ngə́ aku a nɨyen aza a sé tɛmnɨ a ngɨ ɨnu nkənu tsa tsɨ tsinɨ a mu nkən wu shiʼnɨ lá, ma sóŋ a mbó Bita a ɨshi bo bɨtsum ngə́, “O nɨ ŋwɔn bə Yuda, lá o chyɛ̌ tso wa a se ŋwɔn bə Yuda be, nkoʼ tso ŋwɔn bə Yuda be. O kwɛ ntiʼə ndɔ́btɨ́ ɨ nyəm ba a se bə Yuda be ngə́ á bo nchyɛ̌ tso bə Yuda lá ɨ nə́ le?”

Ɛfɛso 4:21

Tsɛʼ a nkənu, nɨ zúʼ anu mbɨ́ʼ ayi ɛ. Tso ɨbɛn ba bɨ nɨŋnɨ mɨntəm ɨma a nye Kristo, bɨ díʼ awən nɨ nkənu za ɨ tsinɨ a nye Yeso ghe.

2 Bita 1:12

Ma lan, nɨ baʼtɨ nji ɨnu mətsen ɨ zhinɨ nkɨ mbi mɨngaŋ ɨmən a mu nkənu za nɨ kwárɨ́nɨ́ lá, ma mɨ kwemtɨnə awən nɨ tsɛrə nkfu tsum ə.