Kolose 1:4 - Mɨkan wu Fi

⁴ Mbɨ́ʼ ngə́ bɨgɨ zuʼnə mbɨ́ʼ abeməntəm azən a nye Kristo Yeso abɔʼnɨ akɔŋnɨ azən a nye ɨbɛn bɨ Ŋwi bɨtsum ə.

Kolose 1:4 Referans Kwoze

Ɛfɛso 1:15

Mbɨ́ʼ a məzen, mbáʼ ma zuʼnə mbɨ́ʼ abeməntəm azən a nye Maʼmbyí Yeso abɔʼnɨ akɔŋnɨ za nɨ tsinɨ nɨ zɛrə a nye ɨbɛn bɨ Ŋwi bɨtsum lá,

2 Tesalonaika 1:3

Ɨbɔmbɨma ɨbɨgɨ, bɨgɨ mɨ zagɨ ghanə a mɨya a mbó Ŋwi nkfu tsum mbɨ́ʼ awɨŋ ə. A kuʼnɨ a mbó bɨgɨ a ngɨə mə lan, mbɨ́ʼ ngə́ abeməntəm azən a kwiə tsɛʼ a nkan, akɔŋnɨ za ŋwɔn nɨ bɨŋ tsum a tsinɨ nɨ zɛrə a nye bə mɔʼɔ a kə́ ngháʼ ɨ ghaʼnɨ ə.

1 Tesalonaika 1:3

Bɨgɨ wáʼtə́ a ɨshi Ŋwi ɨwɨgɨnə, zɨ wa nɨ Tarɨ, adzaŋ za abeməntəm azən a ghɨnə nɨ faʼnə, adzaŋ za akɔŋnɨ azən a ghɨ́nɨ́ nɨ faʼnə nɨ adaʼ azɨŋ atsum, abɔʼnɨ adzaŋ za ntsiŋə nɨ ntəm tsum ɨzɨŋ ɨ tɛmnɨ ntɨŋə ngə́ twə́ŋ a nye Maʼmbyí ɨwɨgɨnə Yeso Kristo ghe.

Ɛbal 6:10

Ka Ŋwi a ndiʼə ayi nkyerɨ ə. Wɛrə a mɨ keʼ lɨgɨnɨ ɨfaʼ wa nɨ fáʼnɨ́ kə akɔŋnɨ za nɨ díʼnɨ́ wəmbo a nye adzaŋ za nɨ ghánɨ́ akwatɨ nkə́ mbvúrə́ ngǎ akwatɨ a mbó ɨbɛn ba bɨŋ bo nɨŋnɨ mɨntəm ɨmən a nye Kristo lá.

1 Yoane 4:16

Ma lan, bɨgɨnə zhi nkɨ nɨŋ mɨntəm ɨmɨgɨnə a nye akɔŋnɨ za Ŋwi a tsinɨ nɨ zɛrə a nye bɨgɨnə ghe. Ŋwi a nɨ akɔŋnɨ ə, ɨbɛn ba bɨ tsínə́ a mu akɔŋnɨ, bo chyɛ̌ a mbúm bo bɨ Ŋwi, Ŋwi a kə nchyɛ̌ a mbúm bo bo ghe.

Firɨmɔn 1:5

Mbɨ́ʼ ngə́ ma zúʼə mbɨ́ʼ akɔŋnɨ azo a nye ɨbɛn bɨ Ŋwi bɨtsum, nkə́ ndzúʼə mbɨ́ʼ abeməntəm azo a nye Maʼmbyí Yeso ghe.

1 Yoane 3:14

Bɨgɨnə zhi ngə́ bɨgɨnə funə a mu nɨvwo ntiʼ ntsa a bagɨ ntsi ntɨŋ ə; bɨgɨnə zhi a zɛrə mbɨ́ʼ ngə́ bɨgɨnə kɔŋ ɨbɔmbɨma ɨbɨgɨnə ghe. Ŋwɔn tsum wa ka a nkɔ́ŋə́ ayi, a bvurɨ ntsi a shwúrɨ́ mɨtən mɨ nɨvwo ə.

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

1 Yoane 3:23

Ntɨgə za wɛrə a ghanɨ ɨ nɨ ngə́ á bɨgɨnə nɨŋ mɨntəm ɨmɨgɨnə a nye Mɔn ɨyi Yeso Kristo nkɨ nkɔŋ a ŋwɔn nɨ ŋwɔn, tsɛʼ adzaŋ za Kristo a tɨ́gɨ́nɨ́ a mbó bɨgɨnə lá.

1 Tesalonaika 3:6

Tɨtsɔŋnɨ Timotyo a bənə mbən, nkɨ ngyen nɨ nkən nɨdorɨ wa ɨ sóŋnə́ anu mbɨ́ʼ abeməntəm azən abɔʼnɨ akɔŋnɨ azɨŋ ə. A soŋ a mbó bɨgɨ ngə́ nɨ wíʼtə́ tsɛʼ ɨ shiʼnɨ mbɨ́ʼ awɨgɨ nkfu tsum nkə́ ndánə́ ndǒ ndze bɨgɨ tso mbáʼ bɨgɨ kɨ́nə́ nkə́ ndánə́ ndǒ ndze bɨŋ ə.

Kolose 1:9

Mbɨ́ʼ a məzen, bɨgɨ tsaʼtə a Ŋwi nkfu tsum mbɨ́ʼ awən nchwuʼnɨ mbáʼ bɨgɨ zúʼnɨ́ a məzen mbɨ́ʼ awɨŋ ə. Bɨgɨ lɔ́ntə́ a mbó Ŋwi ngə́ á wɛrə a lwɨgɨ awən nɨ azhyɛ ɨnu tsa zɨə lɔnə, ndwɨgɨ awən nɨ zóŋ nkɨ ndwɨgɨ awən nɨ ndzuʼ kɨ zhi za Azhwi zə Fɛmnɨ a ghánə́ ghe.

2 Korɨnto 7:7

Bɨgɨ sé dorɨ lá tsɛʼ mbɨ́ʼ ngə́ a yén, a kɨ́ mbé mbɨ́ʼ nkən mbɨ́ʼ adzaŋ za nɨ lɛ́tɨ́nɨ́ ayi ɛ. A sóŋ a mbó bɨgɨ ngə́ nɨ kə́ mbɛ́bə́ a ndzé me, ngə́ nɨ dzə́ŋnɨ́ be tɨ́sə́n, abɔʼnɨ adzaŋ za nɨ bɛ́bɨ́nə́ a ndɨʼtɨ me ghe. Ma lan, nɨdorɨ tiʼə faʼkə a mu ntəm me ghe.

Galesha 3:26

Nɨ nɨ ɨbɔ bɨ Ŋwi bɨtsum ba bɨ tsinɨ a mbúm bo bɨ Yeso Kristo ntsa lá a ndzum abeməntəm ə.

Galesha 3:28

Adzaŋ məwen, ka líʼ a tsi ayi ɨwu a tɨtərɨ bə Yuda bo bɨ ba a se bə Yuda be, a tɨtərɨ ɨbuʼ bo bɨ ɨbɛn ba a se ɨbuʼ be, a tɨtərɨ mbáŋnɨ́ bo bɨ bəngye; bən bɨtsum nɨ táʼ azúm mbɨ́ʼ ngə́ nɨ tsi a mbúm bɨŋ bɨ Yeso Kristo ghe.

Ɛfɛso 6:18

A nɨ ngɨə a məzen a mu atsaʼtɨ a Ŋwi, mbítə́ akwatɨ a Ŋwi ə. A nɨ ntsáʼtə́ a Ŋwi nkfu tsum adzaŋ za Azhwi a tsɨŋnɨnə awɨŋ ə. Mbɨ́ʼ a məzen, nɨ lə̌tú ɨtsən, nkə́ nchigɨ ntəm a nye ɨnu ɨtsum; ntsaʼtə a Ŋwi nkfu tsum mbɨ́ʼ ɨbɛn bɨ Ŋwi bɨtsum ə.