Kolose 1:22 - Mɨkan wu Fi

²² Lá tɨtsɔŋnɨ, a ntsǎ a ndzum nɨvwo nɨ Mɔn ɨyi, Ŋwi a ghɨnə awən a nye bɨson ɨbyi, taŋ ɨ tiʼ yen nɨ bən a ɨshi zɨ á nɨ fɛm, nkeʼ nɨ alɔʼ zə tsɛrə tsi nkɨ ntsi tɨ ɨfərɨ wu tsɛrə,

Kolose 1:22 Referans Kwoze

Ɛfɛso 5:27

taŋ ɨ tsɔʼ ndáŋwi tɛgɨ a mbó atuəmbəm azhi a mu nɨbɔŋ ɨni nɨtsum ə. A ndáŋwi məzen ɨ fɛm nkɨ ntsi tɨ ɨfərɨ tse, tɨ adiʼ zə tse za a nyaʼnɨnɨ kə ɨŋabɨrɨ kə nkeʼ kɨ nkɔʼ ntɛm ngə́ tsáŋ ə.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

Ɛbal 10:10

Mbɨ́ʼ ngə́ Yeso Kristo a ghɨ́ a za Ŋwi a kɨ́nə́ ndǒ, bɨ sugɨ awɨgɨnə bɨgɨnə fɛm a nye mɨbvu ɨmɨgɨnə ntsa a ndzum mbəmnye ɨzhi za wɛrə a ghánɨ́ táʼ nkfu nɨnkoŋ tso akáŋ a Ŋwi lá.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

Roma 7:4

Ɨbɔmbɨma, nə nɨ adzaŋ za nɨ tsinɨ nɨ nchyɛ ghe. Be bɨ ghángə́ bɨ ghamə mbɨ́ʼ a Nyɔngɔŋ, nɨ kɨnə nkɨ nkfo mbɨ́ʼ ngə́ nɨ nɨ bagɨ ɨnye Kristo ghe; tɨtsɔŋnɨ nɨ tiʼ ntsi lá a mbó zɨ wa bɨ zhwémnɨ́nɨ́ a mbó nɨvwo taŋ á bɨgɨnə chi tiʼ be ngaŋ afaʼ Ŋwi ə.

Ɛbal 10:20

Yeso a ŋáʼ ndómnji wu fi a mbó bɨgɨnə, ndómnji wa ɨ ghánɨ́ ntsi ntən ɨ tosɨ tsa a nye abagɨ atsɛʼ zə nkwasə — lá be ngə́, ntsa a ndzum mbəmnye ɨzhi zɨmboŋ ə.

Ɛbal 13:21

á Ŋwi a gha awən nɨ azúm atsum zə shiʼnɨ za a kuʼnɨnɨ a ngɨ za wɛrə a lɔnə ghe. A wɛrə, a ntsǎ a ndzum Yeso Kristo a ghɨ a nye bɨgɨnə a za a bɔŋnə ayi; á nɨfáŋ tsi a mbó Kristo nɨnkoŋ ə. A be lá.

2 Korɨnto 11:2

Ma lɨ́ŋə́ awən; tsɛʼ tso mbáʼ Ŋwi a lɨ́ŋnə́ awən lá. Nɨ tsi lá tso ngo za ma kaʼnɨ ɨ zɔ́ʼ ɨ gha a mbó táʼ ndóm ə, tsɛʼ táʼ ndóm ə; Kristo zɨmboŋ ə.

2 Bita 3:14

Ma lan, nə bɨson ɨban, mbáʼ nɨ tsenɨ Njwi za lá, á nɨ ghɨ atsum a ndə́, ɨ kɨ tsi tɨ ɨfərɨ a ɨshi ɨmɨgɨ Ŋwi, ɨ kɨ tsi a mu mbɔnɨ bɨŋ bɨ wɛrə ghe.

1 Tesalonaika 4:7

Ŋwi a sé tsɔ́ʼ awɨgɨnə lá ngə́ á bɨgɨnə nchyɛ̌ a mu ɨnu ntɔrɨ ɨlɛbɨ, lá nchyɛ̌ be a mu nɨfɛm ə.

Alukasɨ 1:75

taŋ á bɨgɨnə fɛm, nkɨ nchinɨ a ɨshi zɨ a nye nkfu ɨzɨgɨnə tsum atuəshe wiŋ ə.

2 Korɨnto 4:14

Njiɛ ngə́ Ŋwi, zɨ wa a zhwémnɨ́nɨ́ a Maʼmbyí Yeso, a ghɨ zhwémnɨ́ awɨgɨ bɨ Yeso, ɨ tiʼ lɔgɨ awɨgɨ abɔʼnɨ bən ɨ yen nɨ bɨgɨnə a ɨshi zɨə.

2 Korɨnto 5:18

Ziŋ atsum a lo a mbó Ŋwi, zɨ wa a ntsǎ a ndzum Kristo a kwébtɨ́nɨ́ awɨgɨnə, bɨgɨnə lo a nye ngaŋ kɨban ɨchi ntiʼ bɨson ɨbyi, nkɨ nga afaʼ a mbó bɨgɨnə a ngɨ ɨbɛn bə mɔʼɔ á bo kɨ mbe bɨson ɨbyi ɛ.

Kolose 1:28

Ma lan, bɨgɨ sóŋə́ anu a Kristo a mbó ŋwɔn tsum ə. Nɨ zóŋ tsum wa a chinɨ tsi, bɨgɨ kwantə nkə́ ndiʼə awa taŋ ɨ lɔgɨ a ŋwɔn tsum ɨ yen nɨ wɛrə a ɨshi ɨmɨgɨ Ŋwi tso ŋwɔn wa a kwinɨ nkɨ ntsi a mbúm bo Kristo ghe.

1 Bita 3:18

A bɔŋ ngɛn nɨ mbyi a ndzé ngɨ́ʼ mbɨ́ʼ ngɨ anu zə kuʼnɨnɨ mbɨ́ʼ ngə́ Kristo a kfó mbɨ́ʼ mɨbvu táʼ nkfu wa a ghɔŋnɨ nɨnkoŋ ə. Ŋwɔn wu shiʼnɨ wa a kfónɨ́ mbɨ́ʼ atú a ngaŋ ngɨ mɨbvu, taŋ ɨ tsagɨnɨ awɨgɨnə a mbó Ŋwi ə. Bɨ zhwítɨ́ mbəmnye ɨzhi, lá bɨ ghɨ́ wɛrə a tsi ntən a mu azhwi ə.