Kolose 1:18 - Mɨkan wu Fi

¹⁸ Wɛrə nɨ atú a mbəmnye ɨzhi, mbe lá ndáŋwi; ntsi ntɨŋ mbəmnye za lǒ lá a mbó wɛrə ghe. Wɛrə nɨ ntsambyi Mɔn, wa Ŋwi a zhwémnɨ́nɨ́ a mbó nɨvwo, taŋ á be tsɛʼ zɨzɨ wa a chinɨ tsi nɨ ntsambyi adiʼ a nye ɨnu ɨtsum ə.

Kolose 1:18 Referans Kwoze

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Ɨfaʼ 26:23

Wa bɨ Zɔ́ʼnɨ́ wa a mɨ zagɨ ze ngɨ́ʼ, ɨ be ntsambyi ŋwɔn a nzhwémnə́ a mbó nɨvwo taŋ ɨ chwítɨ́ nkən wen a mbó bə Yuda abɔʼnɨ ba a se bə Yuda be ngə́ bɨ chi loŋ awa, á məzen a be lá tso nkaʼ a mbó bo ghe.”

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

1 Korɨnto 11:3

Lá ma lǒ ngə́ á nɨ zuʼ nkɨ nji ngə́ Kristo a nɨ atú a mbó ŋwɔn mbáŋnɨ́ tsum, ŋwɔn mbáŋnɨ́ tsum a be atú a mbó ngwe ɨyi, Ŋwi a be atú a mbó Kristo ghe.

Nkyɛʼə 22:13

Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe.”

Ɛfɛso 5:23

Mbɨ́ʼ ngə́ ndóm a tsi nɨ mɨtən atú ngwe ɨyi tso mbáʼ Kristo a tsinɨ nɨ mɨtən atú ndáŋwi lá; Kristo zɨmboŋ nɨ ndoŋ ndáŋwi za nɨ mbəmnye ɨzhi lá.

Nkyɛʼə 21:6

Wɛrə a kwíʼ sóŋ ngə́, “Ma ghɨnə ɨnu tsiŋ ɨtsum ə! Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe. Ma mɨ gha a mbó ŋwɔn tsum wa nji nkyi záŋnə́ ayi mɨtən ngə́ á no nkyi wa ɨ lonɨ a mu náŋə́bə́rə wa nkyi ɨyi ghánɨ́ ntsi ntən tɨgha a tfu a wɛrə ghe.

1 Korɨnto 15:25

Mbɨ́ʼ ngə́ Kristo a tsi nɨ ɨ zagɨ saʼnə atsum ɨ kɔʼ kuʼ njwi za Ŋwi a ghɨ gháʼ ngaŋ kɨban ɨtsum, ɨ tsagɨ awa a shwúrɨ́ mɨku Kristo ghe.

Nkyɛʼə 11:15

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba ɨ tɔ́ŋ ɨzhi ntaŋ ə. Nji tsə kɔʼnɨ atɨ́ tsə tsɛrə ló a fɔməbvurə ɨ sóŋə́ ngə́, “Mɨtən mɨ sáʼ atuəshe tsi tɨtsɔŋnɨ lá a mbó Maʼmbyí ɨwɨgɨnə abɔʼnɨ Wa bɨ Zɔ́ʼnɨ́ ɨyi ɛ. Wɛrə a mɨ sáʼ nɨnkoŋ nɨnkoŋ ə!”

Nkyɛʼə 1:18

A nɨ me wa ma ghánɨ́ ntsi ntɨŋ ə! Ma kɨ kfó lá tɨtsɔŋnɨ ma tsi ntən nɨnkoŋ nɨnkoŋ ə. Ma tsi nɨ mɨtən atú nɨvwo abɔʼnɨ mbyi ɨkfú ɨbɛn ə.

Nkyɛʼə 1:8

Maʼmbyí Ŋwi Tamɨtən Mɨtsum, zɨ wa a benɨ, wa a bénɨ́, wa a lo láʼ yen, a soŋ ngə́, “Ma nɨ ntsambyi nkɨ mbe ntsɨrɨndzum ə.”

Kolose 1:24

Tɨtsɔŋnɨ ma dórə́ mbɨ́ʼ ngɨ́ʼ za ma zɛ́nə́ mbɨ́ʼ awən, mbɨ́ʼ ngə́ a ntsǎ a ndzum ngɨ́ʼ məzen za ma zɛ́nə́ a mbəmnye me, ma zě ngɨ́ʼ tsum adzaŋ za Kristo a lɔnə ngə́ á ma zɛn mbɨ́ʼ atú azhi, mbe lá ndáŋwi ə.

Ɛfɛso 1:10

Akyaŋtɨ zen za Ŋwi a ghɨ ghɨ á ghɛn fu a ndwitə a nye nkfu za ɨ ghɨnɨ kuʼ lá, a be lá mbosɨ ɨdzúm ɨtsum tsa zɨə a káʼnɨ́ táʼ adiʼ; ɨdzúm fɔməbvurə abɔʼnɨ ɨdzúm atuəshe, á Kristo a tsi a mbyi tsɛrə ɨtsum ə.

Yoane 1:27

Wɛrə a yiŋə a ndzum me, lá tsɛʼ nkɨ ngobɨ ɨyi ma sa kuʼnɨ a nkyɛgə ghe.”

Yoane 1:16

Mbɨ́ʼ abɔŋəntəm azhi za a tsinɨ a nɨ́lónɨ́, wɛrə a fɔgɨnə awɨgɨnə bɨtsum, ɨfɔgɨ ghěnə zɨ mɔʼɔ zɔŋənə ghe.

Yoane 1:1

A bé a mbiʼnə Atú a Nɨgham tsí ɨwu, Atú a Nɨgham a tsí bo Ŋwi, Atú a Nɨgham a bé Ŋwi ə.

Nkyɛʼə 3:14

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Laodisia ngə́: Nə nɨ nkən wa ɨ lonɨ a mbó ‹A be lá› wa, atɛmə-ndzě wu nkənu nkɨ mbe wa a faʼnə tsɛʼ nɨ táʼ ntəm, zɨ wa a nɨ mbiʼnɨ anu atsum za Ŋwi a káʼnɨ́ lá.

1 Yoane 1:1

Bɨgɨ ŋwaʼnɨ a mbó bən lá mbɨ́ʼ Nɨgham na nɨ ghánɨ́ ntsi ntən, mbáʼ nɨ tsínɨ́ nchwuʼnɨ a mbiʼnə ghe. Bɨgɨ zuʼnə a nɛrə, nkɨ ndzɛn a nɛrə nɨ ɨmɨgɨ ɨmɨgɨ; bɨgɨ zɛnə nkɨ mɔmtɨ a nɛrə nɨ mbó ɨmɨgɨ ə.

Roma 8:29

Ɨbɛn ba Ŋwi a kwɛ́nə ntsɔʼ lá, wɛrə a kɨ́ ntíntɨ́ awa ntɛgɨ táʼ bagɨ ngə́ á bo be tso Mɔn ɨyi, taŋ á Mɔn ɨyi məwen a tiʼ ntsi a mbó bo tso asándóm a mu ngwəgɨ zɨ ngwi ə.

Matyo 23:8

Ka bɨ tsi ayi nɨ ɨ zagɨ tɔŋ agho ngə́, ‹Ndiʼ Aŋwaʼnɨ›, mbɨ́ʼ ngə́ bən bɨtsum nɨ ɨbɔmbɨma nkɨ ntsi tsɛʼ nɨ táʼ Ndiʼ Aŋwaʼnɨ ə.

1 Korɨnto 12:27

Bən bɨtsum lá mbəmnye Kristo, táʼ ŋwɔn nɨ bən a be alam a ɨnye a zɛrə ghe.

Kolose 2:19

Bo kyɛntɨnə a ndzúʼnɨ́ Kristo, zɨ wa a nɨ atú a mbəmnye za. Atú a tsɨŋnɨ mbəmnye tsum, ndzɨgə a zɛrə nkə́ mbósə́ a zɛrə táʼ adiʼ a nye mɨkyebɨnɨ mɨ ɨnye, ɨ tiʼə nkə́ nkwiə adzaŋ za Ŋwi a lɔnə ngə́ á ɨ nkwiə ghe.