Kolose 1:16 - Mɨkan wu Fi

¹⁶ Mbɨ́ʼ ngə́ a ntsǎ a ndzum wɛrə Ŋwi a káʼ ɨdzúm ɨtsum a fɔməbvurə abɔʼnɨ atuəshe, ɨdzúm tsa bɨ zɛ́nə́ nkeʼ kə́ ndzě, nkwiʼtɨ bɨtsen bɨ ndá bɨ Ŋwi bɨtsum abɔʼnɨ ɨzhwi tsɨ tən ɨtsum tsa tsɨ sáʼnə́ a nɨkaŋ ə. Ŋwi a káʼ mbyi-mbyi tsum ntsa lá a ndzum wɛrə nkɨ mbe a mbó wɛrə ghe.

Kolose 1:16 Referans Kwoze

Roma 11:36

Mbɨ́ʼ ngə́ ɨdzúm ɨtsum a káʼ wɛrə, ɨdzúm ɨtsum tsa tsɨ tsinɨ, tsɨ tsi ntsa lá a ndzum wɛrə, ɨdzúm ɨtsum kɨ mbe lá tsə wɛrə ghe. A nɨfáŋ tsi a mbó Ŋwi nɨnkoŋ ə! A be lá.

Yoane 1:3

bɨ káʼ azúm atsum ntsa lá a ndzum wɛrə, tɨ wɛrə bɨ kɨ chi keʼ azúm zə tsɛrə ghɨ za bɨ ghɨ́nə́.

1 Korɨnto 8:6

a mbó bɨgɨnə a tsi tsɛʼ táʼ Ŋwi, Tarɨ, zɨ wa a káʼnɨ́ ɨdzúm ɨtsum, zɨ wa ntsi mbyi ɨtsigɨnə tsinɨ a nkfu zɨ; a kɨ ntsi tsɛʼ táʼ Maʼmbyí, Yeso Kristo, zɨ wa bɨ káʼnɨ́ ɨdzúm ɨtsum ntsa a ndzum zɨ, bɨgɨnə kə́ nchyɛ̌ atuəshe wen ntsǎ lá a ndzum zɨ lá.

Ɛbal 2:10

A kwɛ́ nkuʼnɨ adzaŋ za a tsinɨ nɨ mbe ngə́ á Ŋwi, zɨ wa a káʼnɨ́ nkɨ ndɛ́n azúm atsum, á lɔgɨ ngɨ́ʼ ngɨ a Yeso á kɔʼ ntɛm ngə́ tsáŋ, taŋ á wɛrə a be ntsambyi nɨfɔ a ndɔgɨ ɨbɛn ɨ kon nɨ bɛrə a mu nɨfɔ nɨ Ŋwi, taŋ á bə ghaʼnɨ tiʼ ndzɨ nɨfɔ nɨ Ŋwi ə.

Ɛbal 1:2

Lá a nye njwi tsen tsa tsɨ lwɨgɨnɨnɨ lá, Ŋwi a ghamnə a mbó bɨgɨnə ntsǎ a ndzum Mɔn ɨyi ɛ. Ŋwi a káʼ mbyi-mbyi tsum ntsa lá wə ndzum, zɨ wa Ŋwi a tsɔʼnɨ ngə́ á ghɨ ntsí nɨ ɨdzúm ɨtsum a ndwitə lá.

Ɛfɛso 1:10

Akyaŋtɨ zen za Ŋwi a ghɨ ghɨ á ghɛn fu a ndwitə a nye nkfu za ɨ ghɨnɨ kuʼ lá, a be lá mbosɨ ɨdzúm ɨtsum tsa zɨə a káʼnɨ́ táʼ adiʼ; ɨdzúm fɔməbvurə abɔʼnɨ ɨdzúm atuəshe, á Kristo a tsi a mbyi tsɛrə ɨtsum ə.

Kolose 1:15

Kristo nɨ afi a Ŋwi za bɨ zɛ́nə́, Ŋwi, zɨ wa ka bɨ ndzě ayi ayi lá. Kristo nɨ ntsambyi Mɔn Mbáŋnɨ́, wa a tsinɨ atú ɨdzúm ɨtsum tsa Ŋwi a káʼnə́.

Kolose 2:10

Bɨ kɨnə nkɨ nga ntsi ntən a nɨ́lónɨ́ a mbó bən a mbúm bɨŋ bo ghe. Wɛrə a tsi atú ɨzhwi ɨtsum abɔʼnɨ mɨtən mɨtsum ə.

Filibi 2:10

Ma lan, a nkɔ́ʼsɨ́ ɨkum wa ngə́ Yeso atɨ́, azúm atsum za a tsinɨ nɨ ntsi ntən a fɔməbvurə, atuəshe abɔʼnɨ mbyishe a kwem mɨkwiʼtɨ ɨmyi a tɨshe,

Kolose 1:20

A ntsǎ a ndzum Mɔn məwen, Ŋwi a tíʼ ntsɔ́ʼ a mu ntəm zɨ a ndɔgɨ mbyi-mbyi tsum ɨ bə yen nɨ zɛrə a mbó atuəmbəm azhi ɛ. Ŋwi a ghɨ́ ngə́ á mbɔnɨ tsi ntsa lá a ndzum alɛm a Mɔn ɨyi za a chwínɨ́nɨ́ atɨ abaŋnɨ-baŋnɨ, ma lan, wɛrə a lɔ́gɨ́ ɨdzúm ɨtsum atuəshe abɔʼnɨ fɔməbvurə ngyen nɨ tsɛrə a mbó atuəmbəm azhi ɛ.

1 Bita 3:22

zɨ wa a kɔʼnə ngɛn a fɔməbvurə, ntiʼ ntsi a bagɨ abó Ŋwi zə maʼə, ɨ sáʼə bɨtsen bɨ ndá bɨ Ŋwi bɨtsum abɔʼnɨ bɨsáʼ bɨ ɨlaʼ bə fɔməbvurə nɨ ɨdzɔŋ ɨlaʼ tsə fɔməbvurə lá.

Kolose 2:15

Atɨ abaŋnɨ-baŋnɨ wa, Kristo a kyɛ́tɨ́ mɨnkɨ mɨ abuʼ a nye zɨmboŋ nkɨ nkwarɨ adaʼ ɨzhwi tɨbɔŋ tsa tsɨ sáʼnə́ a nɨkaŋ; ngaʼ awa ghe.

Ɛfɛso 6:12

Mbɨ́ʼ ngə́ ka bɨgɨnə ntǒ awɨgɨnə lá ɨbɛn bɨ mɨsɔŋ a ntsu, bɨgɨnə tǒ be ɨzhwi tsɨ tən tsa tsɨ sáʼnə́ a fɔməbvurə mbe tsə abɨgəntəm lá.

Roma 8:38

Mbɨ́ʼ ngə́ ma zhi tsɛʼ ɨ shiʼnɨ ngə́ anu zə tsɛrə a chi keʼ santɨ awɨgɨnə ɨ fɨgɨ a mu akɔŋnɨ azhi ɛ: nɨvwo kə ntsi ntən, ɨtsenda Ŋwi kə bɨta bɨ ɨlaʼ bə fɔməbvurə kə bɨsáʼ bɨ ɨlaʼ ba bɨ tsinɨ a fɔməbvurə, za a tsinɨ tɨtsɔŋnɨ kə za a ghɨnɨ yen,

Yoane 1:10

Atú a Nɨgham a tsí a mu mbyi ɛ. Ŋwi a báʼtɨ́ nkáʼ mbyi ntsa a ndzum wɛrə ɨ káʼnɨ́ lá, mbyi sé a wɛrə zhi tso mə lá.

Roma 9:5

bɨta ɨba bə kɔ́ʼɔ́nguʼ bé nchikɨ ɨbɛn bə Ɛbal, Kristo, zɨ tso ŋwɔn mɨsɔŋ a ntsu a ló a mbó atsé aza bə Yuda ghe. Ŋwi, zɨ wa a sáʼnə́ azúm atsum, á bɨ bontɨ ayi nɨnkoŋ ə. A be lá.