Kolose 1:13 - Mɨkan wu Fi

¹³ Wɛrə a fɨ́gɨ́ awɨgɨnə a mu mbó zɨ wa a sáʼnɨ́ ɨdiʼ ndzumnɨ, nkɨ ngyen nɨ bɨgɨnə tsɛʼ ɨ shiʼnɨ ɨ shiʼnɨ a mu nɨfɔ nɨ mɔn ɨyi wa wɛrə a kɔŋnɨ,

Kolose 1:13 Referans Kwoze

Ɨfaʼ 26:18

O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›

Ɛfɛso 5:8

Tsɛʼ bɨŋ mboŋ, a bé a nkfu tse lá nɨ tsi a ndzumnɨ ə, lá tɨtsɔŋnɨ mbáʼ nɨ tiʼnɨ mbe ɨbɛn bɨ Maʼmbyí lá, nɨ tiʼ ntsi a mu nkaʼ ə. Ma lan, nɨ tsi nɨ ɨ tiʼə chyɛnə tso ɨbɛn ba bɨ tsinɨ a mu nkaʼ,

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

Ɛfɛso 6:12

Mbɨ́ʼ ngə́ ka bɨgɨnə ntǒ awɨgɨnə lá ɨbɛn bɨ mɨsɔŋ a ntsu, bɨgɨnə tǒ be ɨzhwi tsɨ tən tsa tsɨ sáʼnə́ a fɔməbvurə mbe tsə abɨgəntəm lá.

1 Tesalonaika 2:12

Bɨgɨ wɔ́ŋtɨ́ awən, ndɛtɨ mɨntəm ɨmən nkeʼ kɨ nkyɛntɨ a nyíʼtɨ́ bən ngə́ á nɨ tsi nɨ abə́ŋ a ntsi mbyi za a ghɨnə ɨnye Ŋwi bɔŋənə, zɨ wa a tɔ́ŋnə́ awən ngə́ á nɨ yen nkɨ ntsi a mu Nɨfɔ ɨni abɔʼnɨ nɨfáŋ ɨni lá.

Ɛfɛso 4:18

mɨntəm ɨma kɨ ntsi a mu ndzumnɨ lá. Ka bo kɨ ntsi awa a mu ntsi mbyi za Ŋwi a ghánə́ mbɨ́ʼ ngə́ bo tsi a mu tɨzhi be tɨ́sə́n nkə́ ntɨ́ŋə́ atú ə.

Roma 14:17

Mbɨ́ʼ ngə́ nɨfɔ nɨ Ŋwi se be lá anu mbɨ́ʼ mɨdzɨ kə mɨluʼ ə. Nɨ be lá anu mbɨ́ʼ nchinə, mbɔnɨ abɔʼnɨ nɨdorɨ na Azhwi zə Fɛmnɨ a ghánə́ ghe.

1 Yoane 3:14

Bɨgɨnə zhi ngə́ bɨgɨnə funə a mu nɨvwo ntiʼ ntsa a bagɨ ntsi ntɨŋ ə; bɨgɨnə zhi a zɛrə mbɨ́ʼ ngə́ bɨgɨnə kɔŋ ɨbɔmbɨma ɨbɨgɨnə ghe. Ŋwɔn tsum wa ka a nkɔ́ŋə́ ayi, a bvurɨ ntsi a shwúrɨ́ mɨtən mɨ nɨvwo ə.

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

1 Yoane 3:8

Ŋwɔn tsum wa a ghɛnə nɨ mbyi ngɨ̌ ɨbvu a tsi lá a mbó Dəbɨrɨ, mbɨ́ʼ ngə́ Dəbɨrɨ a ghɨnɨ ɨbvu ndɔgɨnɨ a mbiʼnə ghe. Mɔn Ŋwi a fú a ɨshe lá mbɨ́ʼ anu məziŋ ə, a ntsənkɨ anu za Dəbɨrɨ a ghɨ́nə́.

Yoane 5:24

Tsɛʼ a nkənu, tsɛʼ a nkənu, ma soŋ a mbó bɨŋ ə, ŋwɔn wa a zúʼnə́ nɨgham ɨnan, ntiʼ nkɨ nɨŋ ntəm ɨyi a nye zɨ wa a tságɨ́nɨ́ aghan a tsi nɨ ntsi ntən nɨnkoŋ ə; bɨ mɨ keʼ ayi bə sáʼə; a binə ntsa a ntsu nɨvwo, nkon a mu ntsi ntɨŋ ə.

1 Yoane 2:8

Lá, ntɨgə za ma ŋwaʼnɨnə tɨtsɔŋnɨ a mbó bən, ɨ nɨ zɨ fi, mbɨ́ʼ ngə́ nkənu ɨzhi bɨ zě a nye ntsi mbyi Kristo, nkɨ mbe a nye ntsi mbyi ɨzɨŋ ə. Mbɨ́ʼ ngə́ ndzumnɨ tsǎ ngěn ayi, ngótɨ́ nkaʼ kwɛnə ntiʼə ntǎ ghe.

2 Bita 1:11

Adzaŋ məwen, Ŋwi a mɨ ghɨ á be adiʼ azən a nɨ́lónɨ́ a nkúŋə́ a mu nɨfɔ nə nɨnkoŋ nɨ Yeso Kristo, zɨ wa nɨ Maʼmbyí ɨwɨgɨnə nkɨ mbe ndoŋ ɨwɨgɨnə lá.

Alukasɨ 13:24

“Kɨ́rɨ́ adaʼ azo a ntsǎ a ntsundá wu shwɛrɨkɨnɨ; mbɨ́ʼ ngə́ ɨbɛn bə ghaʼnɨ, bɨ ghɨ lonɨ ntsǎ ɨwu, lá ɨ ghuʼ kɨ́káŋ ə.

Ɛbal 2:14

Mbáʼ ɨbɛn ba a tɔ́ŋnə́ nɨ ɨbɔ ɨbyi, a nɨ tsɛʼ ɨbɛn bɨ mɨsɔŋ a ntsu lá, nə nɨ anu za wɛrə kɨ́nɨ́ nkɨ́ mbe ŋwɔn mɨsɔŋ taŋ ɨ tsa a ndzum nɨvwo ɨ zhwi adaʼ a ŋwɔn wa a ghɨnə ɨbɛn kfonə, mbe lá Dəbɨrɨ ə.

Yoane 17:24

Tarɨ! O ghanə awa a mbó me, ma kə ntiʼə ndǒ ngə́ á bo tsi adiʼ atsum za ma tsinɨ ɨwu, taŋ á bo chi ze nɨfáŋ ɨnan, nɨfáŋ na o ghánɨ́; mbɨ́ʼ ngə́ o kɔ́ŋ aghan bɔŋ ɨ káʼ atuəshe.

Alukasɨ 22:53

Ma kɨ chyɛ nchyɛ̌ bɨgɨnə njwi tsum a Ndáŋwi zɨ Ngwi lá nɨ sé zhwəŋtɨ a nkó me ghe. Lá, nyom ɨwən a kuʼnə a ngɨ mɨnu, nkfu za mbáʼ mɨtən mɨ ndzumnɨ tíʼnə́ sáʼə ghe.”

Matyo 3:17

Nji zɨ tse tíʼ ndo a fɔməbvurə, ɨ soŋ ngə́, “Mɔn wen a nɨ mɔn ɨghan wa ma kɔŋnɨ tsɛʼ nkə, a ghɨə ɨnye ɨzə bɔŋənə ghe.”

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.

Ɛfɛso 1:6

A bɨgɨnə bontɨ a Ŋwi mbɨ́ʼ abɔŋəntəm a nɨfáŋ azhi za wɛrə a ghánɨ́ tə́ ndə́ŋtə́ mbɨ́ʼ a Mɔn ɨyi wa wɛrə a kɔ́ŋnɨ́ tsɛʼ a nkan lá.

Matyo 17:5

A kə́ mbvúrə́ ngámə́ mbáʼ mbaʼ zɨ ŋwenɨnɨ zɨ tse ɨ shíʼnɨ́ mbɔ́m awa, nji zɨ tse fu wə mu ɨ soŋ ngə́, “Nə nɨ Mɔn ɨghə wen wa ma kɔŋnɨ, ɨnye zə kə́ mbɔ́ŋə́ wə ɨnye; nɨ zuʼ wəmbo ə!”

Yoane 3:35

Tarɨ a kɔŋ a Mɔn ɨyi wu Mbáŋnɨ́, wɛrə a kɨnə nkɨ nɨŋ atsum wə mu mbó ə.

2 Korɨnto 11:14

Ka a be ayi anu zə tsanɨnə, mbɨ́ʼ ngə́ tsɛʼ Satan zɨmboŋ a kə́ ngwəgɨ ɨtsɛʼ taŋ ɨ fi tso ntsendá Ŋwi za ɨ yenə nɨ nkaʼ ə.

Ɛfɛso 5:5

A nɨ zhi ɨ shiʼnɨ ngə́ ka Ŋwɔn tse wa a nɨ wu ntɔrɨ ɨlɛbɨ, wu ɨtɨshwe ɨnu, wa a nɨ amiɛnɨngám (mbɨ́ʼ ngə́ a mbé amiɛnɨngám a nɨ ndóm wu mɔʼɔ a ngúʼsɨ́ ɨbɔ bɨ abe) a láʼ tsi nɨ anu a mu Nɨfɔ nɨ Kristo abɔʼnɨ nə Ŋwi ə.