Kolose 1:12 - Mɨkan wu Fi

¹² Ɨ kə́ ghanə a mɨya a mbó Tarɨ, zɨ wa a ghɨnə nɨ chi tiʼ tsi nɨ azɨŋ azúm a mu ɨdzúm tsa Ŋwi a lɛnɨ a mbó ɨbɛn ɨbyi a mu nɨfɔ nɨ nkaʼ ə.

Kolose 1:12 Referans Kwoze

Ɨfaʼ 20:32

Tɨtsɔŋnɨ ma nɨŋ awən a mu mbó Ŋwi, nkə́ sóŋə́ a mbó bən ngə́ á nɨ waʼtɨ nkən mbɨ́ʼ abɔŋəntəm a Ŋwi za bɨgɨnə tsinɨ wə shwúrɨ́, nkən wa ɨ chinɨ ghɨ á nɨ kwi ɨ kɨ gha awən nɨ ɨfɔgə wa Ŋwi a tsinɨ nɨ wɛrə a mbó ɨbɛn ɨbyi bɨtsum lá.

Ɛfɛso 1:11

Bɨ ghɨ̌ ɨnu ɨtsum ndzɔŋə lá akyaŋtɨ a Ŋwi abɔʼnɨ ntɛgɨnɨ ɨzhi; Ŋwi a zárɨ́ awɨgɨnə ngə́ á bɨgɨnə be ɨbɛn ɨbyi mbɨ́ʼ ngə́ bɨgɨnə tsi a mbúm bɨgɨnə bɨ Yeso Kristo, nkɨ ndzɔŋ mbe mbɨ́ʼ a za wɛrə a kɨ́nə́ ndǒ, ntsa a ndzum za wɛrə a lɛ́nɨ́ a ɨshe, nchwuʼnɨ a mbiʼnɨ mbyi ɛ.

Ɛfɛso 1:18

Ndǒ ngə́ á mɨntəm ɨmɨŋ ŋaʼnɨ, á nɨ ze nkaʼ ɨyi, taŋ á nɨ zhi ɨnu tsa ntsiŋə nɨ ntəm tsum ɨzən ɨ tsinɨ mbɨ́ʼ a tsɛrə mbáʼ wɛrə a tɔŋnɨ awən lá, ɨ kɨ zhi afuʼ zə wi za Ŋwi a kaʼnɨ ɨbɛn ɨbyi nɨ zɛrə ghe.

Ɨfaʼ 26:18

O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›

Ɛfɛso 3:6

Anu za bɨ lwɛ́ʼnɨ́ lá a nɨ ngə́, a ntsǎ a ndzum Nkən wu Shiʼnɨ, ɨbɛn ba bo se bə Yuda be chintɨ bə Yuda a nkwárɨ́ ɨfɔgə Ŋwi ə. Bo tiʼ mbe ɨlam ɨnye táʼ mbəmnye za, nkɨ ntiʼ ntsi a mu akaʼ za Ŋwi a káʼnɨ́, ntsa a ndzum Kristo Yeso ghe.

2 Korɨnto 5:5

Zɨ wa a kyaŋtɨnɨ awɨgɨnə a mbó anu məzen a nɨ Ŋwi, zɨ wa a ghanɨ Azhwi zə Fɛmnɨ a mbó bɨgɨnə tso mɨntɨ ma wɛrə a bɛʼnɨ mbɨ́ʼ a za a ghɨnɨ yiŋə.

Roma 8:17

Mbáʼ bɨgɨnə nɨ ɨbɔ ɨbyi lá, bɨgɨnə mɨ tsi nɨ ɨfɔgə wa a lɛnə a mbó ɨbɛn ɨbyi ɛ. Bɨgɨnə mɨ kɨ tsi nɨ azúm za Ŋwi a lɛnɨ a mbó Kristo; mbɨ́ʼ ngə́ be bɨgɨnə ze ngɨ́ʼ bɨgɨnə bɨ Kristo, bɨgɨnə ghɨ kɨ tsi a mu nɨfáŋ ɨni ɛ.

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Nkyɛʼə 21:23

Ka ntáʼmbagə wu wi wa ndǒ ayi a nɨnyom kə a saŋ a ntá ɨwu ə, mbɨ́ʼ ngə́ nɨfáŋ nɨ Ŋwi tǎ ɨwu, Mɔn Mbyindzɨ wa be nkaʼ ɨyi ɛ.

Ɛbal 12:23

Nɨ yenə nkuʼ a nye ngǒtə za ɨ fi be ngǒtə bɨtsabɨmbyi bɨ ɨbɔ ba bɨ ŋwaʼnɨnɨ mɨkum ɨma a fɔməbvurə, a nye tabyɛn wa a nɨ Ŋwi ŋwɔn tsum, a nye ɨzhwi ɨbɛn ba bɨ chinɨnɨ, bɨ ghɨ bo kɔʼ ntɛm ngə́ tsáŋ ə.

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

Ɛfɛso 5:20

Nɨ ɨkum Maʼmbyí Yeso Kristo ɨwɨgɨnə, á nɨ ngǎ a mɨya mbɨ́ʼ anu atsum a mbó Ŋwi, zɨ wa a nɨ Tarɨ lá.

1 Korɨnto 8:6

a mbó bɨgɨnə a tsi tsɛʼ táʼ Ŋwi, Tarɨ, zɨ wa a káʼnɨ́ ɨdzúm ɨtsum, zɨ wa ntsi mbyi ɨtsigɨnə tsinɨ a nkfu zɨ; a kɨ ntsi tsɛʼ táʼ Maʼmbyí, Yeso Kristo, zɨ wa bɨ káʼnɨ́ ɨdzúm ɨtsum ntsa a ndzum zɨ, bɨgɨnə kə́ nchyɛ̌ atuəshe wen ntsǎ lá a ndzum zɨ lá.

Roma 15:27

A kɨ tsɔʼ bo ntsɔʼ a mu mɨntəm ɨma a ngɨə mə lá; lá tsɛʼ a nkənu, a nɨ adiʼ aza ngə́ bo mɨ zagɨ ɨ kwatɨ awa ghe. Tso mbáʼ bə Yuda yɛ́btɨ́nɨ́ ɨfɔgɨ azhwi wa bo bɨ ba a se bə Yuda be lá, ba a se bə Yuda be kɨ ntsi nɨ ndɔgɨ afuʼ aza ɨ kwatɨ bə Yuda nɨ zɛrə ghe.

Jemsɨ 3:9

Bɨgɨnə ghǎ a mɨya a mbó Maʼmbyí ɨwɨgɨnə abɔʼnɨ Ta ɨwɨgɨnə nɨ zɛrə, nkə́ ndɔʼə ɨbɛn bə mɔʼɔ ba Ŋwi a káʼnɨ́ a nye afi azhi tsɛʼ nɨ alɛm məza.

Ɛbal 3:1

Ma lan nə ɨbɔmbɨma ɨban a ndzum Kristo, bən ba Ŋwi a kɨnɨ nkɨ ntsɔʼ awən lá, á nɨ tɛgɨ ɨmɨgɨ ɨmən ɨ shiʼnɨ a Yeso məwiŋ ə. A nɨ zɨ wa Ŋwi a tságɨ́nɨ́ ngə́ á be ntumshe wu ngwi wu anu za bɨgɨnə nɨŋnɨ mɨntəm ɨmɨgɨnə ɨwu lá.

Kolose 3:17

Anu atsum za nɨ ghɨnə kə ɨ sóŋə́, nɨ tsi nɨ ngɨ zɛrə lá nɨ ɨkum Maʼmbyí Yeso, adzaŋ za nɨ ghánə́ a mɨya a mbó Ŋwi, zɨ wa nɨ Tarɨ ntsǎ a ndzum wɛrə lá.

Kolose 3:15

Mbɔnɨ za Kristo a ghánə́ ɨ tsi lá a ntsɨŋnɨ bən a nye ɨnu tsa nɨ tsɔ́ʼnə́ a mu mɨntəm ɨmən; mbɨ́ʼ ngə́ Ŋwi a chintɨ awən lá mbɨ́ʼ mbɔnɨ məzen a mu táʼ mbəmnye wa. A nɨ tsi nɨ mɨntəm mɨ nga mɨya ghe.

Ɛfɛso 5:4

Kə ngə́ á ɨtɨshwe mɨgham, ɨlentɨ mɨgham abɔʼnɨ mɨgham mɨ atságɨ́ a mɨ fúə a ntsu bɨŋ ə. A nɨ mbáŋnə́ ngǎ a mɨya a mbó Ŋwi ə.

Ɛfɛso 4:6

A tsi táʼ Ŋwi, mbe Ta bɨ ŋwɔn tsum, zɨ wa a tsinɨ atú ŋwɔn tsum, ntsǎ a ndzum ŋwɔn tsum ɨ faʼə, nkɨ ntsi a mu atsum ə.

1 Korɨnto 9:23

Ma ghɨə a mətsiŋ ɨnu ɨtsum lá tsɛʼ taŋ ɨ soŋ Nkən wu Shiʼnɨ taŋ ɨ ghɨ kɨ́ tsi nɨ ɨfɔgə wa ɨ tsinɨ ɨwu ə.

Roma 11:17

Bɨ chwántɨ́ mbó mɨ atɨ a olif za bɨ binɨ mə mɔʼɔ, ntiʼ nchwuʼsɨ abó atɨ a olif wu ɨmu mɨbaʼ ɨwu ə. Bɨŋ ba a se bə Yuda be fi abó atɨ a olif zə ɨmu mɨbaʼ za, tɨtsɔŋnɨ nɨ tiʼə nchyɛ̌ nɨ nkyi a nye mɨngaŋ mɨ atɨ a olif za bɨ bínɨ́ lá.

Roma 9:23

Wɛrə a kɨ chyɛ nkə́ ndǒ nkyɛʼ nɨfáŋ ɨni na nɨ ghaʼnɨ be adaŋədaŋə, na bɨ chwírɨ́nɨ́ a nye bɨgɨnə ba nɨ ɨbɛn ba wɛrə a kónə́ a mɨlɨŋnɨ a nye bo lá. Bɨgɨnə lá ba wɛrə a kyaŋtɨnə a nkwárɨ́ nɨfáŋ ɨni ɛ.

Yoane 20:17

Yeso a sóŋ wəmbo ngə́, “Njimbɨʼ o mɔmtɨ aghə, mbɨ́ʼ ngə́ ma bvurɨ tɨ bə nkɔʼ ngɛn nkon a mbó Tarɨ ə. Lá ghɛn soŋ a mbó ɨbɔmbɨma ɨban ngə́ ma tiʼnə mbɨŋə ngěn a mbó zɨ wa a nɨ Ta ɨghan nkɨ mbe Ta ɨwa, Ŋwi ɨghan nkɨ mbe Ŋwi ɨwa lá.”

Yoane 4:23

Lá nkfu ɨ yiŋə, ɨ kɨnə nkuʼə, mbáʼ a ntsǎ a ndzum mɨtən mɨ Azhwi a Ŋwi, ɨbɛn mɨ ghuʼsɨ a Tarɨ adzaŋ za wɛrə a lanɨnɨ mbe, ngǎ ngótɨ́ aghuʼsɨ wəmbo adzaŋ za a lɔnə ghe.

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.

Nkyɛʼə 22:14

Nɨdorɨ tsi a mbó ɨbɛn ba bɨ sugɨnɨ ɨtsɛʼ ɨtsa tsɨ fɛm, ma lan, ntiʼ ntsi nɨ abárɨ́ a ndzɨ́ mɨntam mɨ atɨ ma mɨ lonɨ a nye atɨ za a ghánɨ́ ntsi ntən, ɨ kɨ tsi nɨ abárɨ́ a ntsǎ a mɨntsu mɨ abuʼ ɨ kon a mu ntáʼmbagə wu wi wa.

Nkyɛʼə 22:5

Ɨtfúʼ ghɨ keʼ bə mbe, á bo keʼ mɨnkaʼ a ndó kə ntá nɨnyom, mbɨ́ʼ ngə́ Maʼmbyí Ŋwi a ghɨ be nkaʼ ɨwa, á bo tiʼə sáʼə tso bɨfɔ nɨnkoŋ nɨnkoŋ ə.

1 Yoane 1:3

Za bɨgɨ zɛnə nkɨ ndzuʼ, bɨgɨ kə́ nchwítə́ a mbó bən, taŋ á nɨ chi bumnɨ bɨgɨnə a mu ndzɨnə za bɨgɨ tsinɨ nɨ zɛrə bɨgɨ bɨ Tarɨ bo Mɔn ɨyi Yeso Kristo lá.

1 Bita 5:1

Me wa ma nɨ atú a ndáŋwi me mboŋ, ma bǔʼ mbó a mbó ɨtú ndáŋwi a tɨtərɨ bɨŋ ə. Ma nɨ atɛmə-ndzě a nye ngɨ́ʼ za Kristo a zɛ́nɨ́, ma ghɨ kɨ́ tsi a mu nɨfáŋ na bɨ ghɨnɨ kyɛʼ lá. Ma bǔʼ mbó a mbó bən ngə́

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

2 Korɨnto 11:14

Ka a be ayi anu zə tsanɨnə, mbɨ́ʼ ngə́ tsɛʼ Satan zɨmboŋ a kə́ ngwəgɨ ɨtsɛʼ taŋ ɨ fi tso ntsendá Ŋwi za ɨ yenə nɨ nkaʼ ə.

Ɛfɛso 2:18

A ntsǎ ndzum Kristo, bɨgɨnə bɨtsum, bə Yuda abɔʼnɨ ba a se bə Yuda be a mu táʼ azhwi wa, bɨgɨnə chi ghɛn a mbyi Tarɨ ə.

Ɛfɛso 5:8

Tsɛʼ bɨŋ mboŋ, a bé a nkfu tse lá nɨ tsi a ndzumnɨ ə, lá tɨtsɔŋnɨ mbáʼ nɨ tiʼnɨ mbe ɨbɛn bɨ Maʼmbyí lá, nɨ tiʼ ntsi a mu nkaʼ ə. Ma lan, nɨ tsi nɨ ɨ tiʼə chyɛnə tso ɨbɛn ba bɨ tsinɨ a mu nkaʼ,

Ɛfɛso 5:11

A nɨ keʼ tsi nɨ anu zə tse a ngɨə nɨ ɨnu tɨ ɨnu tsa ɨbɛn ghɨnə, ɨnu tsa a nɨ tsə ndzumnɨ lá. A nɨ baŋnɨ ndɔgɨ a tsɛrə ngyen nɨ tsɛrə a mu nkaʼ ə.