Kolose 1:11 - Mɨkan wu Fi

¹¹ A Ŋwi a ghɨ á nɨ ntɨ́ŋə́ nɨ adaʼ za a lonɨ a mbó mɨtən ma a nɨ mə nɨfáŋ ɨni, taŋ á nɨ chi chigɨ ntəm a nye ɨnu ɨtsum nɨ nchigə abɔʼnɨ nɨdorɨ ə.

Kolose 1:11 Referans Kwoze

Ɛfɛso 3:16

Ma lɔ́ntə́ a mbó Ŋwi ngə́ á wɛrə a ghɛn a mu nɨfáŋ ɨni na nɨ ghaʼnɨ nga awən nɨ adaʼ ntsa a ndzum Azhwi azhi ngə́ á nɨ ntɨ́ŋə́ a mu azhwi azɨŋ ə.

Filibi 4:13

Ma chi ghɨ ɨnu ɨtsum a ntsǎ a ndzum Kristo, zɨ wa a ghánɨ́ adaʼ a mbó me ghe.

Ɛfɛso 4:2

A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

Ɛfɛso 6:10

A ndwɨgɨnə, á nɨ tɛm ntɨ́ŋə́ a nye ntsi ɨzən bɨŋ bɨ Maʼmbyí, ntsǎ a ndzum adaʼ azhi za ka a tsi ayi nɨ ɨfɨʼ lá.

2 Korɨnto 4:7

Lá bɨgɨ wa bɨ tsinɨ nɨ azúm atɨŋndvuŋ məziŋ be lá tso bənto bɨ ɨshe ba bɨ nɨ ɨdzúm nkfúndvuŋ, taŋ ɨ diʼ ngə́ mɨtən ma mɨ kɔʼnɨ ntsɨrɨ mɨtən mɨtsum tsi be a mbó Ŋwi, nkeʼ be a mbó bɨgɨ be.

Ɨfaʼ 5:41

Adzaŋ za ntóm Yeso lónɨ́ a ɨshi Ngaŋ Sáʼ Abyɛn lá, bo dórɨ́ mbɨ́ʼ ngə́ Ŋwi a zɛ́n ngə́ bo kúʼnɨ́ a nkwárɨ́ adɨrətú mbɨ́ʼ atú a Yeso ghe.

Nkyɛʼə 14:12

Məzen a lǒ achigəntəm a mbó ɨbɛn bɨ Ŋwi ba bɨ zúʼnɨ́nɨ́ ntɨgə Ŋwi nkɨ nɨŋ mɨntəm ɨma a nye Yeso ghe.

2 Bita 1:6

ɨ kwiʼtɨ nchwatɨ ɨnye a nye azhyɛ azən; ɨ kwiʼtɨ achigəntəm a nye nchwatɨ ɨnye ɨzən; ɨ kwiʼtɨ ngɨ ɨnu tsa Ŋwi a lɔnə a nye achigəntəm azən;

Roma 2:7

Ɨbɛn ba bɨ sě nkə̌ a ngɨ ɨnu tsɨ shiʼnɨ, ɨ faʼə ndǒ nɨghaʼ, nkɔʼsə atɨ́ abɔʼnɨ ntsi ntən za bo láʼnɨ́ keʼ kfo; Ŋwi a ghɨ gha ntsi ntən nɨnkoŋ a mbó bo ghe.

Ɨfaʼ 1:8

Lá a nkfu za Azhwi zə Fɛmnɨ a ghɨnɨ shíʼ atú bən, a ghɨ gha adaʼ a mbó bən, á nɨ be ɨbɛn ba bɨ númnə́ sóŋə́ anu azan a Yerosalɛm, a mu Yudiya tsum nɨ Samaria, ɨ ghɛn kuʼ a ndwitɨ atuəshe ə.”

Judɨ 1:25

a mbó Ŋwi, wa a nunɨ zɨzɨ, ndoŋ ɨwɨgɨnə, ɨ tsa a ndzum Yeso Kristo Maʼmbyí ɨwɨgɨnə, á nɨfáŋ, nɨfɔ, adaʼ abɔʼnɨ mɨtən tsi wəmbo, ɨ lɔgɨnɨ bɔŋ á mbyi biʼnɨ, tɨtsɔŋnɨ, ɨ ghɛn gha nɨnkoŋ ə! A be lá.

1 Korɨnto 16:13

A nɨ ŋaʼ ɨmɨgɨ ɨmən nɨ ɨtoŋnɨ ɨtsən, ntɛm ntəntɨ a mu abeməntəm, nkántɨ́ mbáŋnɨ́, nkeʼ nkə́ nchíʼnə́ ghe.