Kolose 1:10 - Mɨkan wu Fi

¹⁰ Nɨ mɨ chi tiʼə tsinə adzaŋ za Maʼmbyí a lɔnə ɨ kə́ gháʼə ghɨnɨ ɨnu tsa tsɨ ghɨnə ɨnye wɛrə bɔŋənə ghe. Ntsi mbyi ɨtsɨŋ mɨ fɨgɨ ɨbə́ŋ ngɨnɨ mɨnu mə shiʼnɨ mɨtsum ə. Nɨ mɨ kɨ kwi a mu azhyɛ a Ŋwi azɨŋ ə.

Kolose 1:10 Referans Kwoze

Ɛfɛso 4:1

Me wa ma nɨ ngaŋ atsáŋ mbɨ́ʼ ngə́ ma faʼə a mbó Maʼmbyí, ma tiʼə mbúʼtɨ́ mbó a mbó bən ngə́ á ntsi mbyi ɨzɨŋ tsi a nye ɨfɨʼ za ɨ diʼnɨ ngə́ nɨ lá ɨbɛn ba Ŋwi a tsɔʼnə.

Ɛbal 13:21

á Ŋwi a gha awən nɨ azúm atsum zə shiʼnɨ za a kuʼnɨnɨ a ngɨ za wɛrə a lɔnə ghe. A wɛrə, a ntsǎ a ndzum Yeso Kristo a ghɨ a nye bɨgɨnə a za a bɔŋnə ayi; á nɨfáŋ tsi a mbó Kristo nɨnkoŋ ə. A be lá.

1 Yoane 3:22

Bɨgɨnə kwárə́ wəmbo azúm atsum za bɨgɨnə bitɨnɨ, mbɨ́ʼ ngə́ bɨgɨnə zúʼnɨ́ ntɨgə ɨchi nkə́ ngɨə a za a ghɨnə ɨnye ɨzhi bɔŋənə ghe.

Yoane 15:16

Nɨ sé aghan zarɨ; ma zárɨ́ awən nkɨ ntsɔ́ʼ awən ngə́ á nɨ ghɛn nkónɨ́ mɨntam mə ghaʼnɨ, ɨbə́ŋ mɨntam ma mɨ ghɔ́ŋnə́ nɨnkoŋ ə. Ma lan, Tarɨ a mɨ gha azúm atsum za nɨ bitɨnɨ wəmbo nɨ ɨkum ɨghə.

1 Tesalonaika 4:1

A ndwɨgɨnə nə ɨbɔmbɨma, nɨ yɛ́ʼ a mbó bɨgɨ adzaŋ za nɨ tsinɨ nchyɛ taŋ ɨ ghɨnə á ɨnye Ŋwi mbɔ́ŋə́ ghe. Tsɛʼ a nkənu, nə nɨ adzaŋ za nɨ kwɛnə nchyɛ̌ ghe. Tɨtsɔŋnɨ bɨgɨ bǔʼ mbó nkə́ nyíʼtə́ awən nɨ ɨkum Maʼmbyí Yeso ngə́ á nɨ ghɨ a za a tsanɨ a məziŋ ə.

Ɛbal 13:16

A nɨ ngɨ̌ ɨbɔŋ nkfu tsum nkə́ ngyɛbtə ɨ bə́dzúm ba nɨ tsinɨ nɨ tsɛrə: ɨbə́ŋ mɨtsuʼnɨ mɨ atú tso məmiŋ ghɨə ɨnye Ŋwi bɔŋənə ghe.

Yoane 15:8

A nɨ a ntsǎ a ndzum mɨntam mə ghaʼnɨ ma nɨ kónɨ́nə́ mbáʼ mɨ diʼnɨ nɨfáŋ nɨ Ta ɨghan; a nye ndóm məwen nɨ tiʼ mbe bɨyɛʼ ɨbə.

Tɨ́tósɨ 3:14

Ɨbɛn ɨbɨgɨnə tsi nɨ ɨ zagɨ yɛʼ a ngɨ ɨbɔŋ, taŋ ɨ chi ghanə akwatɨ za bɨ fárɨ́sɨ́nə́ ndǒ, ɨ kɨ tsi nɨ ntsi mbyi za ɨ tsinɨ nɨ ɨlɨŋ ə.

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

2 Bita 1:8

Nə nɨ ɨbə́ŋ ɨnu tsa nɨ lɔnə a mu ntsi mbyi ɨtsɨŋ ə. Be nɨ kɨ ntsi nɨ tsɛrə tsɨ ghaʼ tsɛʼ nkan muŋ tsɨ mɨ ghɨ á nɨ ngɨ̌ mɨnu, ɨ kə́ ghɨnə a mɛrə ɨ shiʼnɨ a nye adzaŋ za nɨ zhinɨ a Maʼmbyí Yeso Kristo ɨwɨgɨnə lá.

Kolose 2:6

Tso mbáʼ nɨ bemnə a Kristo Yeso tso Maʼmbyí lá, á nɨ nchyɛ̌ a mbúm bɨŋ bo ghe.

1 Tesalonaika 2:12

Bɨgɨ wɔ́ŋtɨ́ awən, ndɛtɨ mɨntəm ɨmən nkeʼ kɨ nkyɛntɨ a nyíʼtɨ́ bən ngə́ á nɨ tsi nɨ abə́ŋ a ntsi mbyi za a ghɨnə ɨnye Ŋwi bɔŋənə, zɨ wa a tɔ́ŋnə́ awən ngə́ á nɨ yen nkɨ ntsi a mu Nɨfɔ ɨni abɔʼnɨ nɨfáŋ ɨni lá.

Kolose 4:5

A nɨ tsi nɨ zóŋ a nye ndóm wa nɨ ghɨnɨ mɨnu bɨŋ bɨ ɨbɛn ba bo se nɨŋ mɨntəm ɨma a nye Ŋwi, ɨ fáʼə nɨ abárɨ́ atsum za nɨ tsinɨ nɨ zɛrə a nye ndóm wu shiʼnɨ ə.

Ɛfɛso 5:15

Ma lan, á nɨ lə ɨtú ɨtsən adzaŋ za ntsi mbyi ɨzɨŋ ɨ tsinə. A nɨ nchyɛ̌ tso ɨbɛn ba bɨ tsinɨ nɨ zóŋ, nkeʼ be be tso ɨdzɨŋtɨ ə.

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

2 Korɨnto 2:14

Lá mɨya a mbó Ŋwi ə! Mbɨ́ʼ ngə́ adzaŋ za bɨgɨnə tsinɨ a mbúm bɨgɨnə bɨ Kristo, Ŋwi a tsagɨnə awɨgɨnə a mu akwa ayanguʼ a Kristo ghe. Ŋwi a tsǎ a ndzum bɨgɨnə ngɨə anu mbɨ́ʼ a Kristo a dzagɨnɨnə nɨ ɨdiʼ ɨtsum tso ŋwíʼtə́ a mɨlwi ɛ.

Roma 6:4

Ma lan, a tsi lá tso ngə́ bɨ twə́ŋ awɨgɨnə bɨgɨnə bɨ wɛrə, ntiʼ nkɨ nkfo tso wɛrə ntsa lá a ndzum nkyi wa bɨgɨnə kwárɨ́nɨ́, taŋ á be ngə́ adzaŋ za bɨ zhwémnɨ́nɨ́ a Kristo a mbó nɨvwo ntsa a ndzum nɨfáŋ nɨ Tarɨ lá, ma lan, bɨgɨnə chi kɨ tiʼ tsi nɨ ntsi ntən zɨ fi ə.

Ɛfɛso 5:10

A nɨ zagɨ ndzɛn ngə́ nɨ yɛʼ ɨnu tsa tsɨ ghɨnə Maʼmbyí a dorɨtɨnə ghe.

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Filibi 1:27

Tɨtsɔŋnɨ, anu za a dɨtɨnɨ a nɨ ngə́ á ntsi mbyi ɨzɨŋ tsi ndzɔ̌ŋ adzaŋ za nkən wu shiʼnɨ wu Kristo lɔnə ghe. Adzaŋ məwen, kə ma chi yen ze awən kə ngáŋ, muŋ ma mɨ zuʼ ngə́ nɨ tɛm ntɨŋə ngə́ twə́ŋ a mu táʼ anu za nɨ lɔnə, nkɨ mbe ngə́ nɨ táʼ anu za nɨ lɔnə, nɨ tókə́ a mbúm mbɨ́ʼ abeməntəm za ɨbɛn ba bɨ nɨŋnɨ mɨntəm ɨma a nye nkən wu shiʼnɨ tsinɨ nɨ zɛrə ghe.

Filibi 1:11

Ntsi mbyi ɨtsɨŋ mɨ lon nɨ ngótɨ́ ngɨnɨ mɨnu mə shiʼnɨ mbáʼ mɨ lonə tsɛʼ a mbó Yeso Kristo, a ngá nɨfáŋ abɔʼnɨ mbontə a mbó Ŋwi ə.

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

Tɨ́tósɨ 3:1

Kwemtɨ a mbó ɨbɛn ɨbo ngə́ á bo ndzúʼnɨ́ bɨta bɨ ɨlaʼ abɔʼnɨ bɨsáʼ bɨ ɨlaʼ ə. A bo ndzúʼnə́ awa, nkɨ nkyaŋtɨ ɨnye ɨtsa a ngɨ ɨbɔŋ a nye mɨndóm mɨtsum ə.

Kolose 3:20

Ɨbɔ, á nɨ ndzúʼnə́ bɨta ɨbən bo bɨ bɨmá ɨbən nkfu tsum, mbɨ́ʼ ngə́ a nɨ anu za nɨ tsinɨ nɨ ngɨə tso ɨbɛn ba bɨ zɔŋnə a Kristo, mbɨ́ʼ ngə́ məzen a ghɨə ɨnye Ŋwi bɔŋənə ghe.

Ɛfɛso 4:13

Ma lan, bɨgɨnə bɨtsum ghɨ tíʼ yen bomnkɨ ɨ tsi a mbúm, ɨ be táʼ azúm a nye abeməntəm abɔʼnɨ adzaŋ za bɨgɨnə zhinɨ a Mɔn Ŋwi ə; bɨgɨnə ghɨ tíʼ be nchíkɨ́ ɨbɛn tso Kristo, ɨ kɨ be tso zɨ a nye mɨndóm mɨtsum,

Ɛbal 11:5

A ndzum abeməntəm, bɨ lɔ́gɨ́ a Ɛnɔkɨ nkɔ́ʼ nɨ wɛrə a fɔməbvurə taŋ á keʼ nɨvwo ze. Bɨ sé ayi zɛn mbɨ́ʼ ngə́ Ŋwi a lɔ́gɨ́ ayi ɛ. Aŋwaʼnɨ a Ŋwi a soŋ ngə́ bɔŋ á bɨ ndɔgə a Ɛnɔkɨ, wɛrə a ghɨ́nə ɨnye Ŋwi bɔŋə.

2 Timotyo 2:4

Gwe wa a bvurɨnɨ ntsi afaʼ a lǒ ngɨə á ɨnye tantso mbɔ́ŋə́, ma lan, a se mbvúrə́ atú azhi a nye ɨnu ntsi mbyi ɨbɛn ba bo se bɨgwe be ə.

Kolose 2:19

Bo kyɛntɨnə a ndzúʼnɨ́ Kristo, zɨ wa a nɨ atú a mbəmnye za. Atú a tsɨŋnɨ mbəmnye tsum, ndzɨgə a zɛrə nkə́ mbósə́ a zɛrə táʼ adiʼ a nye mɨkyebɨnɨ mɨ ɨnye, ɨ tiʼə nkə́ nkwiə adzaŋ za Ŋwi a lɔnə ngə́ á ɨ nkwiə ghe.

Filibi 4:18

Ma sóŋə́ lá ngə́ ma kwarɨ ɨdzúm ɨtsum tsa nɨ ghanɨ a mbó me ghe. Tsɨ ghaʼ ntsa adzaŋ za ma lɔnə ghe! Ma tsi nɨ atsum za ma lɔnə tɨtsɔŋnɨ wa Ebafrɔditusɨ a yenə nɨ ɨdzúm tsə ghanɨ ɨtsɨŋ ɨtsum a mbó me lá. Tsɨ tsi lá tso akáŋ a Ŋwi za a nyúʼtɨ́nɨ́ ɨ shiʼnɨ a mɨlwí Ŋwi, mɨtsuʼnɨ mɨ atú ma wɛrə a bemnɨ, mɨ kə́ ngɨə ɨnye wɛrə bɔŋənə ghe.

Ɛfɛso 1:17

ngə́ Ŋwi wu Maʼmbyí Yeso Kristo ɨwɨgɨnə, Ta bɨ nɨfáŋ, a chi gha Azhwi a zóŋ a mbó bən ɨ kɨ ghɨ á nɨ zhi a Ŋwi ɨ shiʼnɨ ə.

2 Korɨnto 9:8

Ŋwi a chi gha a mbó bən á ghɛn nɨ mbyi ntsa a za a kuʼnɨnɨ a mbó bən, taŋ á nɨ nchyɛ̌ nɨ atsum za a kuʼnɨnɨ a mbó ɨtumbəm ɨtsən nkfu tsum, ɨ kɨ gha á ghaʼ ntsa adzaŋ za a kuʼnɨnɨ a mbó bən a faʼ afaʼ zə shiʼnɨ atsum ə.

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

Roma 4:12

Wɛrə a kɨ mbe tá bɨ ɨbɛn ba bɨ tsəŋnɨ ɨlagɨ ɨtsa ghe. Bɨ sé ɨlagɨ məbiŋ ɨbɛn tsəŋ lá tsɛʼ tsəŋnə, bo kɨ́ ntsí nɨ abeməntəm a nye Ŋwi tsɛʼ tso mbáʼ Abraʼm a tsínɨ́ nɨ abeməntəm a nye Ŋwi bɔŋ á bɨ tsəŋ alagɨ azhi lá.

Roma 1:13

Ɨbɔmbɨma ɨban, ma lǒ ngə́ á nɨ zhi ngə́ a nye nkfu tsə ghaʼnɨ ma kwaʼtɨnə a ngántɨ́ bɨŋ ə, lá azúm zə tse a gháʼə nkɨ́ŋə́ aghan a ngyiŋə ghe. Ma lǒ ɨ kɨ tsi nɨ ɨbɛn ba bɨ bəŋnɨ mɨntəm ɨma ɨ nɨŋ a nye Yeso a tɨtərɨ bən tso mbáʼ ma tsinə nɨ bɛrə a tɨtərɨ ba a se bə Yuda be bə mɔʼɔ lá.

2 Korɨnto 5:9

Ma lan, kə bɨgɨ tsi a mu mbəmnye zɨ atuəshe zen bɨgɨ bɨ Maʼmbyí kə nkeʼ bɨgɨ bo tsi muŋ, za bɨgɨ lɔnə ntsa atsum a nɨ ngə́ á bɨgɨ ngɨə á ɨnye ɨzhi mbɔ́ŋə́ ghe.

3 Yoane 1:6

Bo mɨnə a mbó ngǒtə ɨbɛn za ɨ zɔŋnə a Kristo ɨghan mbɨ́ʼ akɔŋnɨ azo a nye ɨbɛn ə. Ma buʼ mbó, kwatɨ awa ngə́ á bo ghɛn nɨ mbyi nɨ nɨyen ɨna a nye ndómnji wa ɨ mɨ ghɨ á ɨnye Ŋwi mbɔ́ŋə́ ghe.