Jemsɨ 5:9 - Mɨkan wu Fi

⁹ Ɨbɔmbɨma ɨban, á nɨ keʼ nzhwúʼnə́ mbɨ́ʼ a ŋwɔn nɨ ŋwɔn, taŋ á Ŋwi a keʼ awən sáʼə. Zɛnə azɨŋ ə, Tabyɛn a tɛm a nkom ntsu ndá ə.

Jemsɨ 5:9 Referans Kwoze

1 Korɨnto 4:5

Ma lan, nɨ keʼ chɛrɨ ɨsáʼ tsɛrə bɔŋ nkfu za ɨ kuʼnɨnɨ ɨ yiŋə. Ɨsáʼ tsi nɨ ɨ zagɨ zhwiʼtɨ ɨ kɔʼ kuʼ nkfu za Maʼmbyí a ghɨnɨ yiŋə. A mɨ lɔgɨ ɨnu ndzumnɨ tsə nkubə ɨ yen nɨ tsɛrə a mu nkaʼ ə, ɨ kɨ kyɛʼ ɨkyaŋtɨ tsə lwɛʼnɨ tsa tsɨ tsinɨ a mu mɨntəm mɨ ɨbɛn ə. Ŋwi a mɨ tiʼ bontɨ a ŋwɔn tsum ɨ mɔ́ʼɔ́ mɔ́ʼɔ́ tsɛʼ adzaŋ za a kuʼnɨnɨ wəmbo ə.

Jemsɨ 4:11

Ɨbɔmbɨma ɨban á nɨ keʼ ngǎm ɨnu tsɨ tɔmnɨnɨ mbɨ́ʼ a ŋwɔn nɨ ŋwɔn ə. Be nɨ ngǎm ɨnu tsɨ tɔmnɨnɨ mbɨ́ʼ ɨbɛn ba bɨŋ bo zɔŋnə a Kristo kə ɨ sáʼə awa, nɨ ghǎm ɨnu tsɨ tɔmnɨnɨ lá mbɨ́ʼ a Nyɔngɔŋ nkə́ sáʼə a wɛrə ghe. Be o sáʼə a Nyɔngɔŋ, lá be ngə́ ka o bvurɨ mbe agho ŋwɔn wa a zúʼnɨ́nə́ a Nyɔngɔŋ, lá mbe be ŋwɔn wa a sáʼnə́ a wɛrə ghe.

Matyo 24:33

Ndəŋndəŋ, be nɨ ghɨ ndzɛ́n ɨnu tsiŋ ɨtsum, muŋ nɨ mɨ zhi ngə́ wɛrə a fatɨnə, ntiʼ tsɛʼ a nkom ntsu nká ə.

1 Bita 4:9

A nɨ nkwárə́ a ŋwɔn nɨ ŋwɔn nɨ mɨndá ɨmən tə́ nzhwúʼnə́ ghe.

Galesha 5:26

Bɨgɨnə mɨ zagɨ nkeʼ ŋǔʼ ɨnye kə ɨ ghɨnə á ntɔŋ ŋwɔn nɨ ŋwɔn ndwɛ̌ kə nghɨʼnə a ŋwɔn nɨ ŋwɔn ə.

1 Bita 4:5

Lá ɨtfúʼ njwi tsi ɨwu wa bo ghɨ sóŋ á bɔŋ a mbó Ŋwi, zɨ wa a kyaŋtɨnɨ ɨnye ɨzhi a sáʼ ba bɨ tsinɨ atú ntən abɔʼnɨ bɨkfú lá.

Galesha 5:14

Mbɨ́ʼ ngə́ bɨ zumtɨ ɨnu ɨtsum a mu Nyɔngɔŋ Mǒse ɨ nɨŋ a mu táʼ ntɨgə wɛnə ngə́: “Kɔŋ a ŋwɔn nɨbarə ɨgho tsɛʼ adzaŋ za o kɔŋnɨ atuəmbəm azo ə.”

1 Korɨnto 10:11

Ɨnu tsiŋ ɨtsum fú a nye bo lá tso ɨlisɨ a mbó bə mɔʼɔ, bɨ kɨ ŋwaʼnɨ a tsɛrə a tɨshe lá taŋ ɨ kwantɨ awɨgɨnə mbɨ́ʼ ngə́ bɨgɨnə tsi a nye nkfu zɨ tse za mbáʼ ndwitə ɨ tiʼ tsɛʼ abó ə.

Marɨkusɨ 13:29

Ndəŋndəŋ, be nɨ ze ɨnu mətsen tsɨ tɨ fuə, nɨ mɨ zhi ngə́ wɛrə a yenə ntiʼə nkúŋə́, ntiʼ tsɛʼ a nkom ntsundá ə.

2 Korɨnto 9:7

Ŋwɔn tsum ɨ mɔ́ʼɔ́ mɔ́ʼɔ́ a mɨ zagɨ gha lá adzaŋ za a tsɔʼnɨ a mu ntəm zɨ, nkeʼ njwɛ́rɨ́kə́ kə tso ngə́ bɨ nyəm ayi, mbɨ́ʼ ngə́ Ŋwi a kɔŋ a ŋwɔn wa a ghánə́ nɨ ntəm wu saŋnɨnɨ ə.

Marɨkusɨ 6:19

Ma lan, Ɛrodiasɨ a tíʼ ndɛn a Yoane a ntəm zɨ, ntíʼə ndǒ njwitɨ wɛrə ghe. Lá a kɨ chi keʼ mə lá ghɨ,

Nkyɛʼə 3:20

Zuʼnə! Ma tɛm a ntsu ndá, mbúʼtə́ ghe; be ŋwɔn tse a zuʼ nji ɨzan, ɨ ŋaʼ ntsu ndá, ma kon a ndá zɨ, ntiʼ dzɨ bɨgɨ zɨə. Wɛrə mɨ kɨ dzɨ bɨgɨ zɨə.

Jemsɨ 4:12

A nɨ tsɛʼ Ŋwi zɨzɨ wa a ghánə́ a nyɔngɔŋ nkɨ mbe ɨsáʼ abyɛn ə. A nɨ tsɛʼ wɛrə zɨzɨ wa a chinɨ loŋ ɨ kɨ tsənkɨ awɨgɨnə ghe. O kwaʼtɨ ngə́ o lá ɨwa, a sáʼ ŋwɔn adaŋ le?

Jemsɨ 5:7

Ma lan nə ɨbɔmbɨma ɨban, á nɨ tsi nɨ nchigə ɨ kɔʼ kuʼ njwi za Maʼmbyí a ghɨnɨ yiŋə. A nɨ ze adzaŋ za ndyiʼ mɨshwom a tsinɨ nɨ nchigə, adzaŋ za wɛrə a zhwíʼtɨ́nə́ ngə́ á mɨdzɨ mə shiʼnɨ kwi a mu mɨshwom ɨmyi ɛ. Wɛrə a tsiŋə nɨ nchigə ngə́ á mbəŋ ntsubɨmbəŋ abɔʼnɨ mbəŋ za ɨ lónə́ mbáʼ mbəŋ tiʼnə ntsǎ ɨ loə.

Jemsɨ 5:10

Ɨbɔmbɨma ɨban, á nɨ waʼtɨ ntóm Ŋwi tsa tsɨ kɨ́nə́ ngamə nɨ ɨkum Maʼmbyí lá. A nɨ lɔgɨ awa tso ɨlisɨ tsɨ nchigə a mu ndzě ngɨ́ʼ ə.