Jemsɨ 5:5 - Mɨkan wu Fi

⁵ Ntsi mbyi ɨzɨŋ atuəshe ɨ lon nɨ ɨdzúm mɨsom abɔʼnɨ ngɨə á mbəmnye mbɔ́ŋə́ ghe. Nɨ dzɨnə ɨ fankɨ tso bɨnkɔʼndzum ba bɨ ghɛnə nɨ bɛrə ɨ ghɛn warə.

Jemsɨ 5:5 Referans Kwoze

1 Timotyo 5:6

Lá nkfugɨ mangye wa a tsagɨnɨ nkfu ɨzhi a ndǒ ɨdzúm mbəmnye, a baʼtɨ ntsi ntən ɨ tsinɨ lá, a kfonə ghe.

Alukasɨ 16:25

Lá, Abraʼm a chwɨ́gɨ́ ngə́, ‹Mɔn ɨghan, waʼtɨ ngə́ a mu ntsi mbyi ɨzo, bɨ ghá ɨdzúm tsɨ shiʼnɨ ɨtsum a mbó gho, Lǎtsorə baŋnɨ ntsi nɨ tsɨ tɨbɔŋ ɨtsum ə. Lá, a tsi ɨ shiʼnɨ ɨghan o baŋnə ndzǔʼ ndzaŋə ghe.

Alukasɨ 16:19

“Ŋwɔn nkáb tse a tsí ɨwu ngwə́gə́ tsɛʼ ɨtsɛʼ ɨtɨŋndvuŋ, nkə́ ndzɨ́ə tsɛʼ mɨdzɨ mə shiʼnɨ njwi tsum ə.

Nkyɛʼə 18:7

A nɨ gha ndəŋndəŋ ngɨ́ʼ abɔʼnɨ asɔbɨnɨ a mbó wɛrə á tsɨ kɔʼ nkuʼ ɨfɨʼ za wɛrə a ghánɨ́ nɨfáŋ abɔʼnɨ mbɔtəte a mbó atuəmbəm azhi lá. Mbɨ́ʼ ngə́ wɛrə a sóŋə́ a mbó atuəmbəm azhi ngə́: ‹Me mangye wa a sáʼnɨ́ ɨbɛn, ma shiʼtɨ ntsi ɨghə! Ka ma be aghan nkfugɨ mangye, ma láʼ ka asɔbɨnɨ zhyɛ!›

Judɨ 1:12

Ɨbɛn biŋ be lá tso achwuʼtɨ adiʼ zə nyaʼnɨnɨ a tɨtərɨ bən a nkfu za nɨ bomnkɨnɨ a ndzɨ́ mɨdzɨ mɨ akɔŋnɨ, ndzɨə bɨŋ bo tsɛʼ tɨ mɨnya mɨ adɨrətú ə. Bo lə̌tú tsɛʼ nɨ ɨtumbəm ɨtsa ghe. Bo be lá tso mbaʼ za kɨfɛrɨ a tyíŋnə́ ngěn nɨ zɛrə, ɨ keʼ nɨ mbəŋ a ngyíŋə́ ghe. Bo be lá tso ɨtɨ tsa ka tsɨ nkónə́ awa mɨntam, ɨtɨ a nkfu alom tsa bɨ muʼtɨnə a nye mɨngaŋ ɨma, tsɨ kfokə.

2 Bita 2:13

bɨ ghɨ tfu awa nɨ ndzě ngɨ́ʼ mbɨ́ʼ ndzě ngɨ́ʼ za bo yénɨ́ nɨ zɛrə ghe. Anu za a bɔŋnə awa a nɨ ngɨ anu atsum a ntɨŋə azhwɨgɨnɨ za a zhwúrɨ́sɨ́nɨ́ ɨnu tsa ɨnyam ɨnye lɔnə lá; bo nɨ adɨrətú nkɨ mbyɛgɨ ndiʼ mbɔm zɨ shiʼnɨ za ɨ lonə a mbó ɨbɛn mbáʼ be bo tsi atú atɛkɨ a ndzɨ́ə bɨŋ bo, le buŋ bo kə́ ndórə́ awa a nye mɨndóm mɨ ntám ɨma ghe!

2 Timotyo 3:4

bo ghɨ be ngaŋ ntáŋ mɨnaŋ, ɨ be ɨjwaʼ ɨbɛn, ɨ kɔʼ lon nɨ kɨtɛrɨ; ɨ be ɨbɛn ba bɨ kɔŋnɨ ɨnu tsa mbəmnye lɔnə ɨ tsa a nkɔŋ Ŋwi ə.

Roma 13:13

Bɨgɨnə tsi nɨ ɨ zagɨ ghɨnɨ ɨnu tsɛʼ adzaŋ za bɨ ghɨnɨ ɨnu, tso ɨbɛn ba bɨ tsinɨ a mu nkaʼ — nkeʼ nchyɛ̌ nɨ afágɨ́nɨ, nkeʼ nǒ mɨluʼ mbánə́, nkeʼ ntɔrɨ ɨlɛbɨ kə ngɨ̌ ɨtɨshwe ɨnu, nkeʼ ndzɔŋnə kə nghɨ́ʼnə́ ghe.