Jemsɨ 4:6 - Mɨkan wu Fi

⁶ Lá abɔŋəntəm za Ŋwi a ghánə́ a tən ngɛn nɨ mbyi ɛ. Tso mbáʼ aŋwaʼnɨ a Ŋwi a soŋnɨ ngə́, “Ŋwi a kɨ̌ŋ ndómnji ngaŋ ŋuʼ ɨnye, lá ngǎ abɔŋəntəm a mbó ba bɨ shíʼtɨ́nə́ nɨ ɨnye ɨtsa a ɨshe.”

Jemsɨ 4:6 Referans Kwoze

Matyo 23:12

Ŋwɔn tsum wa a kɔ́ʼsɨ́nə́ atuəmbəm azhi atɨ́, bɨ ghɨ shíʼsɨ́ ayi, á ŋwɔn tsum wa a shíʼsɨ́nə́ atuəmbəm azhi a tɨshe, á bɨ kɔʼsɨ ayi ɛ.”

1 Bita 5:5

Ndəŋndəŋ, bɨŋ nkaŋ ŋwɔn mɨ zagɨ zuʼnɨnə bɨlyi ɨbɨŋ ə. Bən bɨtsum mɨ zagɨ wəgɨ ɨshíʼtə́ nɨ ɨnye a ɨshe tso ngə́ nɨ wəgɨ ɨtsɛʼ, adzaŋ za nɨ faʼnə a mbó ŋwɔn nɨ ŋwɔn; mbɨ́ʼ ngə́ aŋwaʼnɨ a Ŋwi a soŋ ngə́, “Ŋwi a furɨ ndzum ɨzhi ngǎ a mbó ɨbɛn ba bɨ ŋúʼnɨ́ ɨnye ɨtsa, lá ngǎ abɔŋəntəm a mbó ɨbɛn ba bɨ shíʼtɨ́nə́ nɨ ɨnye ɨtsa a ɨshe ə.”

Alukasɨ 14:11

Mbɨ́ʼ ngə́ ŋwɔn tsum wa a kɔ́ʼsɨ́nə́ atuəmbəm azhi, bɨ ghɨ shíʼsɨ́ ayi, á ŋwɔn tsum wa a shíʼsɨ́nə́ atuəmbəm azhi, bɨ ghɨ kɔ́ʼsɨ́ ayi ɛ.”

Alukasɨ 18:14

Yeso a sóŋ ngə́, ma sóŋə́ awɨŋ ə, ‹A nɨ nkwárɨ́ ashɛbɨ wa, nkeʼ be ŋwɔn bə Farisao wa be, mbáʼ a tɛmnɨnɨ a ɨshi ɨmɨgɨ Ŋwi a nyom wa a kwɛ́nɨ́ a ndá zɨə. Mbɨ́ʼ ngə́ ŋwɔn tsum wa a kɔ́ʼsɨ́nə́ atuəmbəm azhi, bɨ ghɨ shiʼsɨ ayi, á ŋwɔn tsum wa a shíʼsɨ́nə́ atuəmbəm azhi, bɨ ghɨ kɔ́ʼsɨ́ ayi ɛ.›”

Alukasɨ 1:52

Wɛrə a shiʼsɨnə bɨfɔ bə wi atú ɨbərɨ ɨtsa nkɨ nkɔʼsɨ ɨbɛn ba bɨ shíʼtɨ́nə́ nɨ ɨtumbəm ɨtsa a tɨshe ə.

Matyo 13:12

Mbɨ́ʼ ngə́ ŋwɔn tsum wa a tsinɨ nɨ azúm; bɨ ghɨ kwiʼtɨ, taŋ á tiʼ ntsi nɨ zɛrə á ghaʼ be tɨsɨŋə; lá ŋwɔn wa a tsinɨ mbômbô, tsɛʼ mɨnyiə wa a tsi nɨ wɛrə lá, bɨ ghɨ kwárə́.

Jemsɨ 4:10

A nɨ shíʼtə́ nɨ ɨnye ɨtsən a ɨshe a ɨshi Maʼmbyí, wɛrə a mɨ kɔʼsɨ awən atɨ́ ə.