Jemsɨ 4:4 - Mɨkan wu Fi

⁴ Nɨ be lá tso ngaŋ achwurɨ ə! Nɨ se zhi ngə́ a ntɛ́gɨ́ mɨntɔŋ ɨmən a nye ɨdzúm atuəshe ghɨ awən a nye ngaŋ kɨban Ŋwi le? Ma lan, ŋwɔn tsum wa a tɛgɨnɨ ntɔŋ ɨyɨ a nye ɨdzúm atuəshe, a ghɨ atuəmbəm azhi a nye ngaŋ kɨban Ŋwi ə.

Jemsɨ 4:4 Referans Kwoze

Roma 8:7

Ma lan, ɨbɛn ba bɨ tɛ́gɨ́nɨ́ ɨtú ɨtsa a nye ɨdzúm ɨnyam ɨnye, bɨ bán a Ŋwi ə; bo chi keʼ zuʼnɨ anu za nyɔngɔŋ Ŋwi a sóŋnə́ ghe, tsɛʼ a nkənu a chi keʼ adzaŋ məwa fuə;

Galesha 1:10

Məzen a diʼ lá tsɛʼ tso ngə́ ma lɔ́btə́ ngə́ á ŋwɔn mɨsɔŋ a ntsu a bemtɨ aghan le? Kə́ kə́! Anu za ma lɔnə a nɨ ngə́ á Ŋwi a bemtɨ aghə. Ma lɔ́btə́ lá ngə́ á ɨbɛn zhinɨ aghan le? A be be ngə́ ma bvurə ndɔ́btə́ lá ngɨə mə lan, muŋ ma sa be ngaŋ afaʼ Kristo ghe.

Yoane 15:19

Be nɨ tsi a mbó ɨbɛn bɨ atuəshe, muŋ ɨbɛn bɨ atuəshe mɨ kɔŋ awən tso ɨba ɨbɛn ə. Lá ma zárɨ́ awən a tɨtərɨ ɨbɛn bɨ atuəshe, nɨ keʼ a mbó ɨbɛn bɨ atuəshe tsi; nə nɨ anu za a ghɨnɨ ɨbɛn bɨ atuəshe ban awən lá.

Matyo 6:24

“Ka ŋwɔn tse a chi faʼ ayi a mbó bɨta bɨ afaʼ bi bɨbá ghe; a mɨ ban a táʼ, ɨ baŋnɨ kɔŋ a wu mɔʼɔ kə a shíʼtɨ́nə a ɨshe a ɨshi táʼ, ɨ baŋnə tságɨ́nə a wu mɔʼɔ ghe. O chi koʼ faʼə a mbó Ŋwi nkɨ mbe abuʼ a mbó afuʼ ə.

Yoane 17:14

Ma ghá nkən ɨgho a mbó bo, ɨbɛn bɨ atuəshe tiʼ mban awa, mbɨ́ʼ ngə́ bo se bə atuəshe be, ndəŋndəŋ adzaŋ za ma sa wu atuəshe be lá.

Jemsɨ 1:27

Za Ŋwingɔŋ Tarɨ a lɔgɨnɨ ngə́ a nɨ ndóm wa o zhinɨ a Ŋwi wa ɨ fɛmnɨ nkɨ mbe ngótɨ́ wɛrə, a nɨ zɛnə: a ndə̌tú a nye bɨtyi abɔʼnɨ bɨkfugɨ bɨ bəngye a mu ngɨ́ʼ ɨza, ɨ kɨ baʼtɨ atuəmbəm azo ngə́ á atuəshe a keʼ agho shwiʼə.

Roma 5:10

Bɨgɨnə bé ngaŋ kɨban Ŋwi ə; lá bɨ ghɨ́ awɨgɨnə a nye bɨson ɨbyi ntsa a ndzum nɨvwo nɨ Mɔn ɨyi ɛ. Tɨtsɔŋnɨ wa bɨ ghɨnə awɨgɨnə a nye bɨson ɨbyi lá, bɨ mɨ loŋ awɨgɨnə ɨ ghɛn nɨ mbyi ɨ tsa a ndzum ntsi ntən Kristo ghe.

Matyo 16:4

Nɨwə nə sɨŋə nɨ nə ngaŋ ngɨ ɨbvu bo nə bɨtɨbeməŋwi be tɨsɨŋə. Nɨ lǒ ndze anu zə yerɨnɨ-yerɨnɨ, lá bɨ mɨ keʼ a zə tsɛrə diʼ a mbó bən ntsa a zə Yǒna ghe.” A tíʼ nyɛʼtɨ awa ngɛn ayi ɛ.

Yoane 7:7

Atuəshe a chi keʼ awən bə̂, lá mbán aghan, mbɨ́ʼ ngə́ nkfu tsum ma soŋə a mbó bo ngə́ ngɨnɨ mɨnu ɨma bɨ́gɨ́ ə.

Alukasɨ 19:27

Lá, tɨtsɔŋnɨ, a mbó ngaŋ kɨban ɨtsan tsa, mbáʼ bɨ kɨ chinə nkeʼ ndǒ ngə́ á ma be ɨfɔ lá, nɨ yen nɨ bɛrə ɨghə, njwitɨ awa a ɨshi ɨmɨgɨ me ghe!›”

Matyo 12:39

Yeso a chwɨ́gɨ́ awa ngə́, “Bɨŋ ɨbɛn bɨ nɨwə nə sɨŋə, nɨ ghɨ̌ ɨnu tsɨ tɔmnɨnɨ nkeʼ mɨntəm ɨmən a nye Ŋwi kɨ nɨŋə! Nɨ bitɨ aghan nɨ anu zə yerɨnɨ-yerɨnɨ le? Ngáŋ! Anu zə yerɨnɨ-yerɨnɨ za be ma gha a mbó bən a nɨ zə ntom Ŋwi Yǒna ghe.

1 Korɨnto 1:20

Ma lan, ɨbɛn ba bɨ tsinɨ nɨ zóŋ, kə ba bɨ yɛʼnɨ aŋwaʼnɨ tsɛʼ nkan, kə ba bɨ chinɨ lɨʼkɨ ɨnu tsɛʼ ɨ shiʼnɨ, aza tiʼ mbe lá ake le? Ŋwi a diʼnə ngə́ zóŋ atuəshe wen a nɨ ɨnu dzɨŋtə!

1 Korɨnto 1:21

Mbɨ́ʼ ngə́ Ŋwi a tsá a ndzum zóŋ ɨyi ngɨ ngə́ á tən be tɨ́sə́n a mbó ɨbɛn a nji zɨ ɨ tsa be a ndzum zóŋ ɨwa ghe. Ŋwi a báŋnɨ́ nɨ́ŋ a mu ntəm zɨ ngə́ zɨə mɨ loŋ ɨbɛn ba bɨ nɨŋnɨ mɨntəm ɨma a ɨnye zɨ ntsa be a ndzum nkən wen wa bɨgɨ sóŋnə́, wa bə tse sě nɨ anu zə tse a ntɔ́ŋə́ lá.