Jemsɨ 4:12 - Mɨkan wu Fi

¹² A nɨ tsɛʼ Ŋwi zɨzɨ wa a ghánə́ a nyɔngɔŋ nkɨ mbe ɨsáʼ abyɛn ə. A nɨ tsɛʼ wɛrə zɨzɨ wa a chinɨ loŋ ɨ kɨ tsənkɨ awɨgɨnə ghe. O kwaʼtɨ ngə́ o lá ɨwa, a sáʼ ŋwɔn adaŋ le?

Jemsɨ 4:12 Referans Kwoze

Roma 14:4

O nɨ ɨwa a sáʼ ŋwɔn afaʼ ŋwɔn adaŋ le? A nɨ tsɛʼ Tafaʼ ɨyi wa a mɨ soŋ ngə́ a ghɨ anu zə shiʼnɨ kə zə tɨbɔŋ ə. Wɛrə mɨ ghɨ anu zə shiʼnɨ mbɨ́ʼ ngə́ Maʼmbyí a chi ghɨ a wɛrə á ghɨ anu zə shiʼnɨ ə.

Roma 2:1

Ma lan, gho wa mbáʼ o sáʼnə́ ɨbɛn bə mɔʼɔ, ka o tsi agho nɨ ɨshwúrɨ́ a ngɨə ma lan tsɛʼ mɨnyiə, kə o be be ɨwa kə mbe ɨwa. Mbɨ́ʼ ngə́ be o sáʼə ɨbɛn bə mɔʼɔ, lá nkə́ ngɨ̌ ndəŋndəŋ ɨnu tsa bo ghɨnə, o chɛrə lá ɨsáʼ ɨgho ngə́ o vwo ɨsáʼ ə.

Matyo 10:28

A nɨ keʼ mbɔ́gɨ́ ɨbɛn ba bɨ zhwítɨ́nɨ́ mbəmnye lá nchi keʼ a gharɨ zhwitə; nɨ baŋnɨ mbɔgɨ be a Ŋwi, zɨ wa a chinɨ zhwitɨ mbəmnye bo gharɨ a mu ɨmugɨ nɨnkoŋ ə.

Jemsɨ 5:9

Ɨbɔmbɨma ɨban, á nɨ keʼ nzhwúʼnə́ mbɨ́ʼ a ŋwɔn nɨ ŋwɔn, taŋ á Ŋwi a keʼ awən sáʼə. Zɛnə azɨŋ ə, Tabyɛn a tɛm a nkom ntsu ndá ə.

Ɛbal 7:25

Ma lan, wɛrə a tsi nɨ mɨtən a ndoŋ ɨbɛn ba bɨ yenə a mbó Ŋwi ntsa a ndzum zɨ, tɨtsɔŋnɨ abɔʼnɨ nkfu tsum, mbɨ́ʼ ngə́ a tsi ntən nɨnkoŋ lá a mbúʼtɨ́ mbó a mbó Ŋwi a nkfu bo ghe.

Roma 14:13

Ma lan, ŋwɔn nɨ bɨgɨnə á keʼ a wu mɔʼɔ bə sáʼə. Bɨgɨnə baŋnɨ ntsɔʼ a mu mɨntəm ɨmɨgɨnə be ngə́ bɨgɨnə mɨ keʼ anu zə tse ghɨ á mɨma ɨwɨgɨnə a kɔmnkɨ ɨwu kə ngɨ ɨbvu ə.

Roma 9:20

Lá, o lá ɨwa, mbe ŋwɔn mɨsɔŋ a ntsu, ndɨʼkə bɨŋ Ŋwi le? Anto a chi bitɨ a ŋwɔn wa a bɔmnɨ ayi ngə́ o bɔm aghan adzaŋ wɛnə lá ngə́ ke le?

Alukasɨ 12:5

Ma mɨ mɨtɨ a ŋwɔn wa nɨ mɨ bɔgɨ a mbó bɨŋ ə: nɨ bɔgɨ a Ŋwi, wa, a mɛtɨ a njwítə́, a tsi nɨ mɨtən a maʼə a mu ɨmugɨ nɨnkoŋ ə. Tsɛʼ nkənu ə, a nɨ wɛrə wa nɨ tsinɨ nɨ mbɔgə ghe!