Jemsɨ 4:11 - Mɨkan wu Fi

¹¹ Ɨbɔmbɨma ɨban á nɨ keʼ ngǎm ɨnu tsɨ tɔmnɨnɨ mbɨ́ʼ a ŋwɔn nɨ ŋwɔn ə. Be nɨ ngǎm ɨnu tsɨ tɔmnɨnɨ mbɨ́ʼ ɨbɛn ba bɨŋ bo zɔŋnə a Kristo kə ɨ sáʼə awa, nɨ ghǎm ɨnu tsɨ tɔmnɨnɨ lá mbɨ́ʼ a Nyɔngɔŋ nkə́ sáʼə a wɛrə ghe. Be o sáʼə a Nyɔngɔŋ, lá be ngə́ ka o bvurɨ mbe agho ŋwɔn wa a zúʼnɨ́nə́ a Nyɔngɔŋ, lá mbe be ŋwɔn wa a sáʼnə́ a wɛrə ghe.

Jemsɨ 4:11 Referans Kwoze

1 Bita 2:1

Ma lan, á nɨ kyɛntɨ ɨnu tsɨ tɔmnɨnɨ ɨtsum; nkeʼ mbɨŋə nchwě ɨnu kə mbɨŋə ngɨ̌ ɨtsi kə nkwiʼə nchyɛ̌ nɨ aghɨʼnɨ kə ngǎm mɨgham mɨ ntsənkɨ ɨkum ŋwɔn wu shiʼnɨ ə.

Roma 2:1

Ma lan, gho wa mbáʼ o sáʼnə́ ɨbɛn bə mɔʼɔ, ka o tsi agho nɨ ɨshwúrɨ́ a ngɨə ma lan tsɛʼ mɨnyiə, kə o be be ɨwa kə mbe ɨwa. Mbɨ́ʼ ngə́ be o sáʼə ɨbɛn bə mɔʼɔ, lá nkə́ ngɨ̌ ndəŋndəŋ ɨnu tsa bo ghɨnə, o chɛrə lá ɨsáʼ ɨgho ngə́ o vwo ɨsáʼ ə.

Jemsɨ 5:9

Ɨbɔmbɨma ɨban, á nɨ keʼ nzhwúʼnə́ mbɨ́ʼ a ŋwɔn nɨ ŋwɔn, taŋ á Ŋwi a keʼ awən sáʼə. Zɛnə azɨŋ ə, Tabyɛn a tɛm a nkom ntsu ndá ə.

Alukasɨ 6:37

“Koʼ ɨbɛn bə mɔʼɔ sáʼə, Ŋwi a mɨ keʼ agho kɨ sáʼə; koʼ soŋ ngə́ ŋwɔn wu mɔʼɔ a vwo ɨsáʼə, Ŋwi a mɨ keʼ kɨ soŋ ngə́ o vwo ɨsáʼə; lɨgɨnɨ ɨfənu ɨbɛn bə mɔʼɔ ghe, Ŋwi a mɨ kɨ lɨgɨnɨ ɨfənu ɨtsɨŋ ə.

1 Korɨnto 4:5

Ma lan, nɨ keʼ chɛrɨ ɨsáʼ tsɛrə bɔŋ nkfu za ɨ kuʼnɨnɨ ɨ yiŋə. Ɨsáʼ tsi nɨ ɨ zagɨ zhwiʼtɨ ɨ kɔʼ kuʼ nkfu za Maʼmbyí a ghɨnɨ yiŋə. A mɨ lɔgɨ ɨnu ndzumnɨ tsə nkubə ɨ yen nɨ tsɛrə a mu nkaʼ ə, ɨ kɨ kyɛʼ ɨkyaŋtɨ tsə lwɛʼnɨ tsa tsɨ tsinɨ a mu mɨntəm mɨ ɨbɛn ə. Ŋwi a mɨ tiʼ bontɨ a ŋwɔn tsum ɨ mɔ́ʼɔ́ mɔ́ʼɔ́ tsɛʼ adzaŋ za a kuʼnɨnɨ wəmbo ə.

Ɛfɛso 4:31

A nɨ nyɛʼ ɨnu tsa tsɨ tɔ́bɨ́nɨ́ mɨntəm mɨ ɨbɛn, mɨlwi abɔʼnɨ alwɛntɔŋ, ɨŋwankə a nchyɛ́ nɨ azúm kə anu abɔʼnɨ nɨgham nɨ ntsənkɨ ɨkum ŋwɔn wu shiʼnɨ nkwiʼtɨ awiʼtɨ a kɨban atsum ə.

2 Korɨnto 12:20

Ma bɔ́gə́ ngə́ nyom wa ma mɨ yen a ndzé bən, nɨ mɨ tsi chwa a nye ndóm wa ma lɔnə ghe. A bagɨ bən, a ghagə tsɛrə nɨ mɨ kɨ ze aghan á ma tsi chwa ghe. Ma bɔ́gə́ ngə́, nyom wa ma yenɨ, azɔŋ, aghɨʼnɨ, alwɛntɔŋ, ɨkarɨ, nɨgham nɨ ntsənkɨ ɨkum ŋwɔn wu shiʼnɨ, fɨnkərɨ, kɨtɛrɨ abɔʼnɨ ndum mɨ tsi a tɨtərɨ bɨŋ ə.

2 Timotyo 3:3

bo ghɨ keʼ nɨ ntəm ngɨ ɨbɔŋ tsi, ɨ keʼ a mɨlɨŋnɨ a nkǒ, ɨ be ɨbɛn ba bɨ ghamnɨ ɨnu tɨbɔŋ a ntsənkɨ ɨkum ŋwɔn wu shiʼnɨ, ɨ be ngaŋ ngvuŋ ɨdiʼ, ɨ kɨ tsɛgɨnə tso ɨnyam mɨtsɛgɨ; bo ghɨ be ɨbɛn ba bɨ banɨ ɨnu tsɨ shiʼnɨ;

1 Timotyo 3:11

Bəngye tsi nɨ ɨ kɨ zagɨ tsi nɨ mbɔm zɨ shiʼnɨ, ɨ keʼ ɨbɛn ba bɨ sóŋnɨ́ mɨnu a ntsənkɨ ɨkum ŋwɔn wu shiʼnɨ ɨwu be; ɨ keʼ ngɨ̌ mɨnu ɨ tsǎ fəŋnɨ ɨfɨʼ, ɨ kə́ soŋənə tsɛʼ nkənu ɨza a nye ɨnu ɨtsum ə.

Roma 7:7

A nə́ bɨgɨnə mɨ tiʼ soŋ ngə́ Nyɔngɔŋ zɨmboŋ a nɨ ɨbvu le? Kə́ kə́! Lá, a nɨ Nyɔngɔŋ məwen wa a ghɨ́nɨ́ ma zhi anu za ɨbvu nɨ wɛrə ghe. Nyɔngɔŋ a bá tú sóŋ ngə́, “Koʼ tɛgɨ ntəm ɨgho a nye azúm za a nɨ zə ŋwɔn adaŋ ə”, muŋ ma sá zhi ngə́ ntɛgɨ ntəm a nye azúm a ŋwɔn daŋ a nɨ ɨbvu ə.

Roma 2:13

Mbɨ́ʼ ngə́ ka ɨbɛn nchínə́ awa a ɨshi ɨmɨgɨ Ŋwi lá tsɛʼ mbɨ́ʼ ngə́ bo zuʼ adzaŋ za bɨ tɔŋnɨ a Nyɔngɔŋ wa, a baŋnɨ mbe be ngə́ bo ghɨ ɨnu tsa Nyɔngɔŋ wa a sóŋnə́ ghe.

Jemsɨ 1:25

Lá ɨbɛn ba bɨ yɛʼnɨ ɨ shiʼnɨ a nyɔngɔŋ wa a kɔʼnɨ ntɛm ngə́ tsáŋ lá, wa a kyɛtɨnɨ mɨnkɨ mɨ abuʼ a nye ɨbɛn, nkɨ nchigɨ ntəm nɨ wɛrə, nkeʼ tsɛʼ zhwiʼtɨnɨ a njwíʼtə́ ɨ tiʼ kɨ lɨgɨnɨ, lá ngɨə anu za a sóŋnə́ — Ŋwi a mɨ fɔgɨ awa a nye za bo ghɨnə ghe.

Tɨ́tósɨ 2:3

Ndəŋndəŋ, tɨgɨtɨ bɨtankaŋ bɨ bəngye ngə́ á bo ngɨ̌ ɨnu adzaŋ za bəngye ba bɨ tsínə́ a mu ntsi mbyi zɨ fɛmnɨ ghɨnə ghe. Ka bo zagɨ ntsi awa nɨ mbe ɨbɛn ba bɨ sóŋnɨ́ mɨnu a ntsənkɨ ɨkum ŋwɔn wu shiʼnɨ kə ɨ be ɨbuʼ a mbó mɨluʼ ə. Bo tsi nɨ ɨ zagɨ diʼnɨ ɨnu tsɨ shiʼnɨ,

Jemsɨ 1:16

O ɨbɔmbɨma ɨban, á ŋwɔn tse a keʼ awən tamtə!

Jemsɨ 1:19

O ɨbɔmbɨma ɨban, á nɨ waʼtɨ aziŋ ə! A ŋwɔn tsum ɨ mɔ́ʼɔ́ mɔ́ʼɔ́ a shwaŋ ɨtoŋnɨ ɨchi a ndzúʼ atsum, nkeʼ ngyáŋnə́ ngamə, nkeʼ nkə́ ngyáŋnə́ ndwi ntɔŋ ə.

Jemsɨ 2:8

Be nɨ ndzúʼnə́ a nyɔngɔŋ Nɨfɔ na muŋ nɨ ghɨə lá anu zə shiʼnɨ tso mbáʼ a tsinɨ a mu aŋwaʼnɨ nɨ Ŋwi ngə́, “Kɔŋ a ŋwɔn nɨbarə ɨgho tso atuəmbəm azo” lá.

Jemsɨ 5:7

Ma lan nə ɨbɔmbɨma ɨban, á nɨ tsi nɨ nchigə ɨ kɔʼ kuʼ njwi za Maʼmbyí a ghɨnɨ yiŋə. A nɨ ze adzaŋ za ndyiʼ mɨshwom a tsinɨ nɨ nchigə, adzaŋ za wɛrə a zhwíʼtɨ́nə́ ngə́ á mɨdzɨ mə shiʼnɨ kwi a mu mɨshwom ɨmyi ɛ. Wɛrə a tsiŋə nɨ nchigə ngə́ á mbəŋ ntsubɨmbəŋ abɔʼnɨ mbəŋ za ɨ lónə́ mbáʼ mbəŋ tiʼnə ntsǎ ɨ loə.

Jemsɨ 5:10

Ɨbɔmbɨma ɨban, á nɨ waʼtɨ ntóm Ŋwi tsa tsɨ kɨ́nə́ ngamə nɨ ɨkum Maʼmbyí lá. A nɨ lɔgɨ awa tso ɨlisɨ tsɨ nchigə a mu ndzě ngɨ́ʼ ə.