Jemsɨ 4:1 - Mɨkan wu Fi

¹ Fɨto fɨtsum abɔʼnɨ azɔŋ atsum a tɨtərɨ bən tsɨ lǒ lá ɨ ghé le? Tsɨ lǒ lá a nye ɨnu tsa nɨ lɔnə a ngɨə á mbəmnye ɨtsɨŋ mbɔ́ŋə́, tsa tsɨ tǒkɨ́nə́ a mu ɨnye ɨtsən lá.

Jemsɨ 4:1 Referans Kwoze

1 Bita 2:11

Bɨson ɨban, ma bǔʼ mbó a mbó bən tso ɨbɛn ba bo nɨ bɨngyen-yenɨ bɨ atuəshe abɔʼnɨ ɨbɛn ba bɨ tumnɨ nɨ fɨnyaʼ ntsagɨ atuəshe ə! A nɨ tsɔʼ mɨntəm ɨmən a nye ɨnu tsa mbəmnye lɔnə, ɨnu tsa tsɨ tónɨ́ ntso bo bɨ gharɨ ɨwən nkfu tsum lá.

Galesha 5:17

Mbɨ́ʼ ngə́ anu za mbəmnye ɨtsɨgɨnə lɔnə a se za Azhwi a Ŋwi a lɔnə be, za Azhwi a Ŋwi a lɔnə a keʼ kɨ mbe za mbəmnye ɨtsɨgɨnə lɔnə ghe. Ɨnu tsen tsi bá nɨ ngaŋ kɨban, ndiʼ lá ngə́ o chi koʼ ghɨ anu za o lɔnə ghe.

Roma 7:23

Lá nyɔngɔŋ wə daŋ a faʼnə a mu ɨnye me — nyɔngɔŋ wa a tǒkɨ́nə́ bo nyɔngɔŋ wa akwaʼtɨ azə a bémtɨ́nə́ ghe. A ghɨə ma be ngaŋ atsáŋ a mbó nyɔngɔŋ ɨbvu wa mbáʼ a tsinɨ afaʼ a mu ɨnye me ghe.

Roma 8:7

Ma lan, ɨbɛn ba bɨ tɛ́gɨ́nɨ́ ɨtú ɨtsa a nye ɨdzúm ɨnyam ɨnye, bɨ bán a Ŋwi ə; bo chi keʼ zuʼnɨ anu za nyɔngɔŋ Ŋwi a sóŋnə́ ghe, tsɛʼ a nkənu a chi keʼ adzaŋ məwa fuə;

Jemsɨ 1:14

Lá bɨ kwaʼnɨ ɨbɛn lá a nkfu za ɨnu tsɨ tɔmnɨnɨ tsa bo lɔnə sɨtɨnɨ awa nkɨ mbentɨ awa nkoə.

1 Bita 1:14

A nɨ ndzúʼnə́ a Ŋwi, nkeʼ kɨ nyɛʼtɨ á ɨnu tsa nɨ kɨ́nə́ ndǒ a nkfu za nɨ bvúrɨ́nɨ́ tɨ zhi anu zə tsɛrə á tsɨ ntsɨŋnɨ ntsi mbyi ɨtsɨŋ ə.

Kolose 3:5

Nɨ mɨ tiʼ zagɨ zhwitɨ ɨnu atuəshe zen tsa mbəmnye ɨtsɨŋ lɔnə, tso ɨnu ntɔrɨ ɨlɛbɨ, nɨshwe, nkfǒ a mbó nji mangye kə a mbó nji mbáŋnɨ́, ntɛgɨ ntəm a ngɨ ɨnu tsɨ tɔmnɨnɨ abɔʼnɨ mbe amiɛnɨngám ə. Mbɨ́ʼ ngə́ a mbé amiɛnɨngám a nɨ ndóm wu mɔʼɔ a nguʼsɨ mɔn abe ə.

2 Bita 3:3

A mbyi ɨnu ɨtsum, nɨ mɨ zagɨ zuʼ ɨ kɨ zhi ngə́ a mu njwi tsə lwitɨnɨ tsen, ɨbɛn bə tse mɨ fu a ɨshe ba ɨnu tsa mbəmnye ɨtsa lɔnə mɨ tsɨŋnɨnɨ ntsi mbyi ɨtsa ghe. Bo mɨ werɨ awən

Jemsɨ 4:3

Nɨ bítə́ nkeʼ nɨ zɛrə a nchyɛ̌ lá mbɨ́ʼ ngə́ nɨ bítə́ nɨ awiʼtɨ a tɨbɔŋ; nɨ bítɨ́ ɨdzúm a ngɨə á mbəmnye ɨtsɨŋ mbɔ́ŋə́ ghe.

2 Bita 2:18

Bo ghamə nɨ nji tsɨ tən mɨgham mɨ ŋǔʼ ɨnye mə dzɨŋtɨ, nkə́ ndɔ́gɨ́ ɨnu ntɔrɨ ɨlɛbɨ tsa mbəmnye ɨ kɔŋnɨ a mbentɨ ɨ ko ɨbɛn ba bɨ bvurɨnɨ mbiʼnɨ a fu bo a tɨtərɨ ɨbɛn ba bɨ tsínə́ awa a mu afənu ə.

Tɨ́tósɨ 3:3

Mbɨ́ʼ ngə́ bɨgɨnə mboŋ, a bé a nkfu tse lá bɨgɨnə dzɨŋtɨ, ntɨŋə atú nkə́ fə̌ ghe. Bɨgɨnə bé ɨbuʼ a mbó ɨnu tsa mbəmnye lɔnə abɔʼnɨ ɨbə́ŋ ɨnu ɨtsum tsa tsɨ ghɨnə ɨnye ŋwɔn bɔŋənə ghe. Bɨgɨnə lén ntsi mbyi ɨzɨgɨnə tsum tsɛʼ a nye abɨgəntəm abɔʼnɨ aghɨʼnɨ; ɨbɛn bə mɔʼɔ bán awɨgɨnə, bɨgɨnə kɨ mban awa ghe.

Tɨ́tósɨ 3:9

Lá baʼtɨ ɨlɨʼkɨ ɨdzɨŋtɨ, mɨnkaŋ mɨ bə kɔ́ʼɔ́nguʼ mɨ tə́ ndwitə, azɔŋ, abɔʼnɨ ashwuŋnɨ mbɨ́ʼ a Nyɔngɔŋ ə. Tsɨ nɨ ɨnu adaŋədaŋə nkeʼ nɨ abi kɨ nchyɛ.

Roma 7:5

Mbɨ́ʼ ngə́ a nkfu wa bɨgɨnə kɨ́nə́ ngɨ̌ ɨnu tsa ɨnyam ɨnye lɔnə lá, Nyɔngɔŋ a kə́ shwɛbtɨ ɨkwaʼtɨ ngɨ ɨbvu tsa tsɨ tsínɨ́ a mu ɨnye ɨtsɨgɨnə, ɨnu ɨtsum tsa bɨgɨnə ghɨ́nɨ́, tsɨ tságɨ́nɨ́ awɨgɨnə a mbó nɨvwo ə.

Matyo 15:19

Mbɨ́ʼ ngə́ ɨwiʼtɨ tsə tɔmnɨnɨ fúə lá a mu ntəm ɨyi, ntyíŋə́ ayi ntságə́ ngə́ á zhwitɨ a ŋwɔn, nchwurɨ nkɨ ngɨ ɨtɨshwe ɨnu tsɨ mɔʼɔ; ndze, nchwe ɨnu nkɨ ngam ɨnu tɨbɔŋ mbɨ́ʼ ɨbɛn bə mɔʼɔ ghe.

Yoane 8:44

Nɨ nɨ ɨbɔ bɨ ta ɨwɨŋ Dəbɨrɨ, nɨ kə́ ndǒ ndzɔŋ ɨnu tsa ta ɨwən a lɔnə ghe. A bé ngwarɨ ŋwɔn ɨ lɔgɨnɨ a mbiʼnə, a láʼnə nkeʼ nɨ anu zə tse a ngɨə nɨ nkənu tsi, mbɨ́ʼ ngə́ ka nkənu zɨ tsɛrə ɨ tsi ayi wə ɨnye. A chwe ɨnu lá, a ghamnə lá nɨgham na nɨ tsinɨ a mu mbɔm ɨzhi, mbɨ́ʼ ngə́ a nɨ ŋwɔn ɨchwenu nkɨ mbe ta bɨ ɨchwenu ə.

2 Timotyo 2:23

Tsɔʼ ntəm ɨgho a nye ɨlɨʼkɨ ɨdzɨŋtɨ abɔʼnɨ tsə bɨtɨzhi ɛ; o zhi ngə́ tsɨ láʼ ndwɨ́gɨ́nə́ lá nɨ azɔŋ ə.