Jemsɨ 3:13 - Mɨkan wu Fi

¹³ Ɨbɛn tsi a tɨtərɨ bən ba bɨ tsinɨ nɨ zóŋ, ndzúʼə nkə́ njíɛ le? Bo mɨ diʼ a tsɛrə ɨ tsa lá a ndzum ntsi mbyi ɨza zɨ shiʼnɨ ɨ kɨ tsa a ndzum ngɨnɨ mɨnu ɨma nɨ ɨshiʼtə nɨ ɨnye a ɨshe abɔʼnɨ zóŋ ə.

Jemsɨ 3:13 Referans Kwoze

Galesha 5:23

ɨ shiʼtə nɨ atuəmbəm azo a tɨshe abɔʼnɨ nchwatɨ ɨnye ɨzo ghe. Ka nyɔngɔŋ tse a ton ayi ɨbə́ŋ ɨnu tso mətsiŋ ə.

Jemsɨ 3:17

Lá zóŋ wa a lonɨ a fɔməbvurə a fom ntsambyi ndán, ntiʼ ndzɔŋtɨ, ngyíŋə́ nɨ mbɔnɨ, nkwáʼtə́ mbɨ́ʼ a bə mɔʼɔ, nkɨ mbe ɨson ə; a lon nɨ akômɨlɨŋnɨ nkə́ nkónə́ a za bɨ fuʼnə a be ngɨnɨ mɨnu mə shiʼnɨ ə; a se nɨ nkyerɨ abɔʼnɨ ntamtɨ ɨdiʼ chyɛ.

Matyo 5:5

Nɨdorɨ tsi a mbó ɨbɛn ba bo shíʼtɨ́nə́ nɨ ɨtumbəm ɨtsa a tɨshe; bo ghɨ tsí nɨ za Ŋwi a káʼnɨ́ awa nɨ zɛrə ghe!

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

1 Bita 2:12

Mbɔm ɨzən a tɨtərɨ ba a se bə Yuda be tsi nɨ mbɔŋə be tɨ́sə́n a nye ndóm wa a nkfu za bɨ kaŋnɨ awən ngə́ nɨ nɨ ngaŋ ngɨ ɨnu tsɨ tɔmnɨnɨ, bɨ mɨ ze ngɨnɨ mɨnu ɨmən mə shiʼnɨ, ma lan, ɨ bontɨ a Ŋwi a Njwi wa wɛrə a lo bə yen lá.

Tɨ́tósɨ 3:2

Soŋ a mbó bo ngə́ á bo keʼ ngǎm ɨnu tsɨ tɔmnɨnɨ mbɨ́ʼ a ŋwɔn tse, lá á bo tsi nɨ mbɔnɨ nkə́ ngɨ̌ bɨson bo bɨ ɨbɛn bə mɔʼɔ, nkə́ ndǐʼ mbɔm zɨ mbɔnɨnɨ a mbó ŋwɔn tsum nkfu tsum ə.

2 Timotyo 2:25

ndiʼ aŋwaʼnɨ wa a lɔgɨnə mbɔnɨ nchísɨ́ ɨbɛn ba bɨ tónə́ mɨgham ɨmyi ɨwu ə. Mbɨ́ʼ ngə́ a chi be ngə́ Ŋwi a ghɨ gha abárɨ́ a mbó bo ngə́ á bo bəŋ mɨntəm ɨma a nye mɨbvu ɨma ntiʼ nji nkənu ə.

Filibi 1:27

Tɨtsɔŋnɨ, anu za a dɨtɨnɨ a nɨ ngə́ á ntsi mbyi ɨzɨŋ tsi ndzɔ̌ŋ adzaŋ za nkən wu shiʼnɨ wu Kristo lɔnə ghe. Adzaŋ məwen, kə ma chi yen ze awən kə ngáŋ, muŋ ma mɨ zuʼ ngə́ nɨ tɛm ntɨŋə ngə́ twə́ŋ a mu táʼ anu za nɨ lɔnə, nkɨ mbe ngə́ nɨ táʼ anu za nɨ lɔnə, nɨ tókə́ a mbúm mbɨ́ʼ abeməntəm za ɨbɛn ba bɨ nɨŋnɨ mɨntəm ɨma a nye nkən wu shiʼnɨ tsinɨ nɨ zɛrə ghe.

1 Timotyo 6:11

Lá gho, ŋwɔn afaʼ Ŋwi, baʼtɨ ɨnu tsiŋ ɨtsum ə. A ntókə́ a nchyɛ́ nɨ nchinə, a njí Ŋwi, a nchyɛ́ nɨ abeməntəm, a nchyɛ́ nɨ akɔŋnɨ, a nchyɛ́ nɨ achigəntəm abɔʼnɨ nchyɛ nɨ mbɔm zɨ mbɔnɨnɨ ə.

Jemsɨ 2:18

Lá ŋwɔn tse a mɨ soŋ ngə́, “Táʼ ŋwɔn a tsi nɨ abeməntəm, wu mɔʼɔ a tsi nɨ ɨfaʼ ə.” Achwɨgə azan a nɨ ngə́, “Diʼ a mbó me adzaŋ za ŋwɔn tse a chinɨ tsi nɨ abeməntəm tɨ ɨfaʼ ə. Ma mɨ diʼ abeməntəm azan a mbó gho ɨ tsa a ndzum ɨfaʼ ɨtsə.”

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

Jemsɨ 1:21

Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.

1 Timotyo 4:12

Koʼ nyɛʼtɨ á ŋwɔn tse a wagɨnɨ agho mbɨ́ʼ ngə́ o nɨ nkaŋ ŋwɔn, lá be alisɨ a mbó ɨbɛn ba bɨ nɨŋnɨ mɨntəm ɨma a nye Ŋwi a mu nɨgham ɨno, ngɨnɨ mɨnu ɨmo, akɔŋnɨ azo, abeməntəm azo abɔʼnɨ nɨfɛm ɨno ə.

2 Korɨnto 10:1

Baolo, me mboŋ, ma bǔʼ mbó a mbó bən ntsa a ndzum Yeso Kristo wa a bɔnɨnɨ nkə́ ngɨ̌ ɨbɔŋ — me wa bɨ soŋnɨ ngə́ ma ghɨ ntsí a tɨtərɨ bən ma bɔgɨnɨ ngamə lá ntsi nɨ ntəm wu faŋnɨ a ngamə a mbó bən mbáʼ ma sa abɔʼnɨ bən tsi lá.

Matyo 11:29

A nɨ kwarɨ ɨnu tsa ma diʼnə, ngyɛʼ anu a mbó me, mbɨ́ʼ ngə́ ma bɔnɨ nkaʼ nkə́ ntsɛ́gɨ́nɨ́ ntəm; nɨ mɨ tiʼ tsi nɨ ashwetɨ a ntəm ə.

Jemsɨ 3:1

Ɨbɔmbɨma ɨban, á bən bə ghaʼnɨ keʼ be bɨdiʼ bɨ aŋwaʼnɨ ə. Adzaŋ za nɨ zhinɨ lá, bɨ ghɨ sáʼ awɨgɨ bɨdiʼ bɨ aŋwaʼnɨ nɨ ntɛgɨ nɨdɨgɨ za ɨ ghɛnɨ nɨ mbyi ɛ.

Ɛfɛso 4:2

A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

Galesha 6:4

A ŋwɔn tsum a lentɨ mbɔm ngɨnɨ mɨnu ɨzhi zɨmboŋ ə. Be ɨ bɔŋ, muŋ o chi tiʼ ŋuʼ ɨnye mbɨ́ʼ anu za o ghɨnɨ gho mboŋ, tɨgha o fɨʼnɨ a zɛrə bo anu za ŋwɔn daŋ a ghɨnə.

Galesha 6:1

Ɨbɔmbɨma ɨban, be bən bə tse chwa a ŋwɔn tse wa a fanɨ anu zə tse, bən ba Azhwi a Ŋwi a tsɨŋnɨnɨ ntsi mbyi ɨzən tsi nɨ nchisɨ zɨə; lá nɨ tsi nɨ ɨ zagɨ ghɨ mə lan a nye ndómnji wu bɔnɨnə. A nɨ kɨ ntɛgɨ nɨdɨgɨ a nye ɨtumbəm ɨtsən, taŋ á bɨ keʼ awən kɨ nkwaʼnə.

2 Korɨnto 8:24

Ma lan, á nɨ diʼ akɔŋnɨ azən a mbó bo, taŋ á ndáŋwi tsiŋ ɨtsum zhi a zɛrə ɨ shiʼnɨ, nkɨ nji ngə́ ka bɨgɨ ntɛ́rə́ awɨgɨ mbɨ́ʼ awən lá adaŋədaŋə ghe.

Matyo 21:5

“Soŋ a mbó ntáʼmbagə wu wi Zayɔn ngə́, Ze azo, ɨfɔ ɨgho a yiŋə a mbó gho ghe! A shiʼtɨ nɨ ɨnye ɨzhi a ɨshe, nkɔʼ ntsi atú jakashi, abɔʼnɨ mɨmu jakashi, mɨmu jakashi ɛ.”

1 Bita 3:4

A nɨbɔŋ ɨno baŋnɨ ntsi be a nye ngótɨ́ ŋwɔn wa o nɨ wɛrə a mu ntəm ɨgho, nɨbɔŋ na nɨ sě miə, nə azhwi za a bɔnɨnɨ nkeʼ ɨfubɨ a nkə́ ndǒ, mbáʼ nɨ lá nɨbɔŋ na nɨ tsinɨ nɨ ɨlɨŋ ntsa atsum a ɨshi ɨmɨgɨ Ŋwi lá.

1 Korɨnto 6:5

Ma sóŋə́ a məzen lá a nɨ́ŋ adɨrətú a nye bɨŋ ə. Be a kwɛ mbe be ɨ nə́ muŋ, táʼ ŋwɔn wa a tsinɨ nɨ zóŋ a zagɨ ntsi a tɨtərɨ bən a ndáŋwi wa a chinɨ tɛgɨnɨ awən, ɨbɔmbɨma a ndzum Yeso Kristo ghe.

Matyo 7:24

“Ma lan, ŋwɔn tsum wa a zúʼnə́ mɨgham məmen nkə́ ndzúʼnə́ a mɛrə, a be lá tso ŋwɔn zóŋ wa a vwúnɨ́ ndá ɨzhi atú aláŋsə́ ngɔʼ ə.

Ɛbal 13:5

A nɨ keʼ nɨ ntɔŋ nkáb tsi, á nkáb za nɨ tsinɨ nɨ zɛrə ɨ kuʼ a mbó bən, mbɨ́ʼ ngə́ Ŋwi a soŋ ngə́, “Ma ghɨ láʼ kaʼ awən nyɛʼtɨ, ma ghɨ láʼ kaʼ awən nyɛʼnə.”

1 Bita 1:15

A nɨ baŋnɨ fɛm a nye ɨnu ɨtsum tsa nɨ ghɨnə, tsɛʼ adzaŋ za Ŋwi, zɨ wa a tsɔ́ʼnɨ́ awən a fɛmnɨ lá.