Jemsɨ 3:10 - Mɨkan wu Fi

¹⁰ Mɨgham mɨ nga mɨya abɔʼnɨ mə ndɔʼə fúə tsɛʼ a mu táʼ ntsu ə. Ɨbɔmbɨma ɨban, á ziŋ anu a keʼ fuə!

Jemsɨ 3:10 Referans Kwoze

Roma 12:14

A nɨ fɔ́gə́ ɨbɛn ba bɨ ghágɨ́nə́ awən; á nɨ fɔ́gə́ awa nkeʼ mbáŋnə́ ndɔʼ awa ɨ lɔʼnə.

1 Bita 3:9

A nɨ keʼ ntfútɨ́ mbɔʼ anu zə tɔmnɨnɨ nɨ anu zə tɔmnɨnɨ, kə ndɔʼə nɨ ndɔʼə ghe. A nɨ mbáŋnə́ ntfútə́ nɨ ɨfɔgə, mbɨ́ʼ ngə́ ɨfɔgə nɨ azúm za Ŋwi a káʼnɨ́ awən nɨ zɛrə a nkfu wa wɛrə a tsɔ́ʼnɨ́ awən lá.

1 Korɨnto 3:3

Mbɨ́ʼ ngə́ ɨkwaʼtɨ ɨtsɨŋ tsi lá tso tsɨ ɨbɛn bɨ atuəshe wiŋ ə. Aghɨʼnɨ abɔʼnɨ azɔŋ a tɨ bvurɨ kɔʼ a tɨtərɨ bən lá, məzen a keʼ diʼ lá ngə́ nɨ nɨ ɨbɛn bɨ atuəshe wen, nkə́ ngɨ̌ ɨnu ɨtsən ndzɔ̌ŋ mbɔm ɨbɛn bɨ atuəshe wen le?

1 Timotyo 5:13

Bo mɨ kə́ yɛʼnɨ ntsənkɨ nkfu za, ɨ kárɨ́sə́ kuŋənɨ mɨndá; za a bɨ́gɨ́nɨ́ ngɛn nɨ mbyi a nɨ ngə́ bo mɨ yɛʼ a mbé ngaŋ fɨnkərɨ, ɨbɛn ba bɨ nɨ́ŋnɨ́ mɨntsu ɨma a nye ɨnu ɨbɛn bədaŋ, ngámə́ mbɨ́ʼ ɨnu tsa bo benɨ keʼ ghamə.

Jemsɨ 1:16

O ɨbɔmbɨma ɨban, á ŋwɔn tse a keʼ awən tamtə!

Jemsɨ 1:19

O ɨbɔmbɨma ɨban, á nɨ waʼtɨ aziŋ ə! A ŋwɔn tsum ɨ mɔ́ʼɔ́ mɔ́ʼɔ́ a shwaŋ ɨtoŋnɨ ɨchi a ndzúʼ atsum, nkeʼ ngyáŋnə́ ngamə, nkeʼ nkə́ ngyáŋnə́ ndwi ntɔŋ ə.

Jemsɨ 3:1

Ɨbɔmbɨma ɨban, á bən bə ghaʼnɨ keʼ be bɨdiʼ bɨ aŋwaʼnɨ ə. Adzaŋ za nɨ zhinɨ lá, bɨ ghɨ sáʼ awɨgɨ bɨdiʼ bɨ aŋwaʼnɨ nɨ ntɛgɨ nɨdɨgɨ za ɨ ghɛnɨ nɨ mbyi ɛ.

Jemsɨ 3:9

Bɨgɨnə ghǎ a mɨya a mbó Maʼmbyí ɨwɨgɨnə abɔʼnɨ Ta ɨwɨgɨnə nɨ zɛrə, nkə́ ndɔʼə ɨbɛn bə mɔʼɔ ba Ŋwi a káʼnɨ́ a nye afi azhi tsɛʼ nɨ alɛm məza.

Jemsɨ 3:11

A mu táʼ náŋə́bə́rə, nkyi wu shiʼnɨ abɔʼnɨ nkyi wu lwinɨ chi fuənə ɨwu táʼ nkfu le?