Biblia Todo Logo
Bib sou entènèt

- Piblisite -




Jemsɨ 3:1 - Mɨkan wu Fi

1 Ɨbɔmbɨma ɨban, á bən bə ghaʼnɨ keʼ be bɨdiʼ bɨ aŋwaʼnɨ ə. Adzaŋ za nɨ zhinɨ lá, bɨ ghɨ sáʼ awɨgɨ bɨdiʼ bɨ aŋwaʼnɨ nɨ ntɛgɨ nɨdɨgɨ za ɨ ghɛnɨ nɨ mbyi ɛ.

Gade chapit la Kopi




Jemsɨ 3:1
30 Referans Kwoze  

Bo lǒ mbe bɨdiʼ bɨ nyɔngɔŋ Ŋwi, lá nkeʼ ndzúʼə nkə́ njíɛ awa mɨgham ɨma, nkeʼ nkə́ ndzúʼə nkə́ njíɛ awa ɨnu tsa bo ghamnə mbɨ́ʼ a tsɛrə nɨ mɨntəm mə fankɨnɨ lá.


A nɨ keʼ zhwəŋtɨ ɨ kɔʼ ɨ shiʼtɨ tsi atú ba bɨ lɛnɨ ngə́ á nɨ ndə̌tú a nye bo, nɨ baŋnɨ mbe be alisɨ a mbó akarɨ a mɨnyam za.


A mu ndáŋwi, Ŋwi a tsɔʼ ɨbə́ŋ ɨbɛn bɨtsum a fɨʼ a fɨʼ ɨ nanə ghe: wɛrə a tsa mbyi ntsɔʼ ntóm Yeso, ndzɔŋtɨ ntsɔʼ ntóm Ŋwi, ntiʼ nkwiʼ ndzɔŋtɨ ntsɔʼ bɨdiʼ bɨ aŋwaʼnɨ, mbə ngɛn ɨwu ɨbɛn ba bɨ ghɨnɨ ɨnu tsɨ yerɨnɨ-yerɨnɨ, ngaŋ ntsuʼ ɨbɛn, ngaŋ ngǎ akwatɨ, ngaŋ ntsɨŋnɨ ɨbɛn abɔʼnɨ ɨbɛn ba bɨ ghamnɨ mɨgham mɨ ɨtóm ɨtóm ə.


“Wei ngɨ́ʼ zɨ ngwi a nye bɨŋ bɨdiʼ bɨ Nyɔngɔŋ abɔʼnɨ bə Farisao! Bɨŋ ngaŋ ngɨ ɨtsi! Nɨ vwuʼnɨ ntsundá a mbó ɨbɛn a nkúŋə́ a mu Nɨfɔ nɨ fɔməbvurə ghe. Bɨŋ mboŋ ka nɨ kə́ nkúŋə́ awən ɨwu, nkeʼ nkə́ nyɛ́ʼtə́ á ɨbɛn ba bɨ lɔnɨ nkuŋə ɨwu, á bɨ kuŋə.


nə nɨ anu za bɨ tságɨ́nɨ́ aghan ngə́ á ma be ntom Yeso abɔʼnɨ ndiʼ aŋwaʼnɨ wu bɨ ba a se bə Yuda be a nchwítɨ́ nkən abeməntəm abɔʼnɨ nkənu ə. Ka ma nchwě aghə ɨnu; ma sǒŋ nkənu ə!


A bé wɛrə wa a “ghánɨ́ ɨdzúm tsɨ ghanɨ”; ɨdzúm tsə ghanɨ mətsiŋ be lá ngə́ a tsɔ́ʼ a bə tse ngə́ á bɨ be ntóm Yeso, á bə tse be ntóm Ŋwi, á bə tse be bɨfangɨrɨshi, á bə tse be bɨbasɨto bo bɨ bɨdiʼ bɨ aŋwaʼnɨ ə.


Mbɨ́ʼ ngə́, bɨgɨnə bɨtsum ghɨ zagɨ fú a ɨshe a ɨshi Kristo, á wɛrə a sáʼ awɨgɨnə ghe. Bɨgɨnə bɨtsum ɨ mɔ́ʼɔ́ mɔ́ʼɔ́ ghɨ kwárɨ́ a za bɨgɨnə tsinɨ nɨ nkwarə, ndzɔ̌ŋ anu atsum za bɨgɨnə ghɨnɨ, zə shiʼnɨ kə zə tɨbɔŋ, a mu ntsi mbyi za bɨgɨnə kɨ́nə́ nchyɛ̌ a mu mbəmnye ɨzɨgɨnə ghe.


A nɨ ndzúʼnɨ́ ɨbɛn ba bɨ tsagɨnɨnə a ngɨ ɨnu tsa bo sóŋnə́ ngə́ á nɨ ngɨə; mbɨ́ʼ ngə́ bo lə̌tu nɨ bɨgharɨ ɨbən tso ɨbɛn ba bo ghɨnɨ fɨʼtɨ a mbó Ŋwi adzaŋ za bo fáʼnɨ́ ɨfaʼ ɨwa ghe. Be nɨ ndzúʼnə́ awa muŋ bo mɨ faʼnɨ ɨfaʼ ɨwa nɨ nɨdorɨ; ntú lá be muŋ bo mɨ faʼnə nɨ adzə́ŋnɨ, á məzen a keʼ nɨ akwatɨ zə tsɛrə a mbó bən chyɛ.


ma lan a tíʼ ntɔ́ŋ ayi a yen a mbyi zɨ, a soŋ ngə́, ‹Ma lanə ndzúʼə lá anu ake mbɨ́ʼ agho le? Gha atyetɨ abó afaʼ azo atsum adzaŋ za o lə́ŋtɨ́nɨ́ ɨdzúm ɨtsə, mbɨ́ʼ ngə́ o mɨ koʼ ndəŋtɨ ɨdzúm ɨtsan bə nkwiʼ mbe.›


Ŋwi a tsɔʼnə aghan tso ntom Yeso abɔʼnɨ ndiʼ aŋwaʼnɨ a nchwítɨ́ Nkən wu Shiʼnɨ məwa,


Yeso a chwɨ́gɨ́ ayi ngə́, “Njingə o lá ndiʼ aŋwaʼnɨ a Izrai, lá nkoʼ ɨnu tsen zhi le?


Ka ngyɛʼ a tsa ayi a ndiʼ aŋwaʼnɨ ɨyi; abuʼ a keʼ a tabuʼ ɨyi kɨ ntsaə.


“Koʼ ɨbɛn bə mɔʼɔ sáʼə, Ŋwi a mɨ keʼ agho kɨ sáʼə; koʼ soŋ ngə́ ŋwɔn wu mɔʼɔ a vwo ɨsáʼə, Ŋwi a mɨ keʼ kɨ soŋ ngə́ o vwo ɨsáʼə; lɨgɨnɨ ɨfənu ɨbɛn bə mɔʼɔ ghe, Ŋwi a mɨ kɨ lɨgɨnɨ ɨfənu ɨtsɨŋ ə.


Bə Farisao bə tse zɛ́n a məzen mbitɨ bɨyɛʼ bɨ Yeso ngə́, “Ndiʼ aŋwaʼnɨ ɨwən a dzɨə bo bɨ bɨkwárɨ́ bɨ ashɛbɨ abɔʼnɨ ngaŋ ngɨ mɨbvu lá mbɨ́ʼ ake le?”


A ndáŋwi Antyokɨ ntóm Ŋwi tsɨ tse abɔʼnɨ bɨdiʼ bɨ aŋwaʼnɨ bə tse tsí ɨwu mbe: Banabasɨ, Simiɔn (wa bɨ kɨ́nə́ ntɔ́ŋə́ ngə́ Wu Shwi), Lushɔsɨ (wa a lónɨ́ a Sirin), Manain (wa bɨ kúgɨ́nɨ́ ayi a ndá Ɛrɔd wa a bénɨ́ gobɨna) abɔʼnɨ Sɔlɨ ə.


O ɨbɔmbɨma ɨban, á ŋwɔn tse a keʼ awən tamtə!


O ɨbɔmbɨma ɨban, á nɨ waʼtɨ aziŋ ə! A ŋwɔn tsum ɨ mɔ́ʼɔ́ mɔ́ʼɔ́ a shwaŋ ɨtoŋnɨ ɨchi a ndzúʼ atsum, nkeʼ ngyáŋnə́ ngamə, nkeʼ nkə́ ngyáŋnə́ ndwi ntɔŋ ə.


Mɨgham mɨ nga mɨya abɔʼnɨ mə ndɔʼə fúə tsɛʼ a mu táʼ ntsu ə. Ɨbɔmbɨma ɨban, á ziŋ anu a keʼ fuə!


Swiv nou:

Piblisite


Piblisite