Jemsɨ 2:8 - Mɨkan wu Fi

⁸ Be nɨ ndzúʼnə́ a nyɔngɔŋ Nɨfɔ na muŋ nɨ ghɨə lá anu zə shiʼnɨ tso mbáʼ a tsinɨ a mu aŋwaʼnɨ nɨ Ŋwi ngə́, “Kɔŋ a ŋwɔn nɨbarə ɨgho tso atuəmbəm azo” lá.

Jemsɨ 2:8 Referans Kwoze

Galesha 5:14

Mbɨ́ʼ ngə́ bɨ zumtɨ ɨnu ɨtsum a mu Nyɔngɔŋ Mǒse ɨ nɨŋ a mu táʼ ntɨgə wɛnə ngə́: “Kɔŋ a ŋwɔn nɨbarə ɨgho tsɛʼ adzaŋ za o kɔŋnɨ atuəmbəm azo ə.”

Jemsɨ 2:12

A nɨ ngámə́ nkə́ ngɨ̌ mɨnu tso ɨbɛn ba bɨ ghɨ sáʼ awa nɨ nyɔngɔŋ wa a kyɛtɨnɨ mɨnkɨ mɨ abuʼ a nye bɨgɨnə ghe.

Matyo 22:39

Za ɨ zɔŋtɨnɨ ɨ fi a məza, ɨ nɨ ngə́, ‹Kɔŋ a ŋwɔn nɨbarə ɨgho tso atuəmbəm azo ə.›

Galesha 6:2

A nɨ nkwátɨ́ ngɨ́ʼ a nye ŋwɔn nɨ ŋwɔn ə. Adzaŋ məwen, nɨ mɨ zúʼnɨ́nə́ a nyɔngɔŋ Kristo ghe.

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

Jemsɨ 1:25

Lá ɨbɛn ba bɨ yɛʼnɨ ɨ shiʼnɨ a nyɔngɔŋ wa a kɔʼnɨ ntɛm ngə́ tsáŋ lá, wa a kyɛtɨnɨ mɨnkɨ mɨ abuʼ a nye ɨbɛn, nkɨ nchigɨ ntəm nɨ wɛrə, nkeʼ tsɛʼ zhwiʼtɨnɨ a njwíʼtə́ ɨ tiʼ kɨ lɨgɨnɨ, lá ngɨə anu za a sóŋnə́ — Ŋwi a mɨ fɔgɨ awa a nye za bo ghɨnə ghe.

1 Tesalonaika 4:9

Ka bɨgɨ tsi awɨgɨ nɨ ɨŋwaʼnə a mbó bən mbɨ́ʼ nkɔ̌ŋ ɨbɔmbɨma ɨbən ba bɨŋ bo nɨŋnɨ mɨntəm ɨmɨŋ bo a nye Ŋwi ə. Bɨŋ mboŋ, Ŋwi a diʼnə awən nɨ adzaŋ za nɨ tsinɨ nɨ nkɔŋ ŋwɔn nɨ ŋwɔn ə.

Filibi 4:14

Lá a kɨ chi mbɔŋ tsɛʼ a nkan a mbó bən a nkwátɨ́ me a mu ngɨ́ʼ ɨzə.

Matyo 25:23

Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya ɨ shiʼnɨ, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›

Jemsɨ 2:19

O nɨŋ ntəm ɨgho ɨwu ngə́ a tsi tsɛʼ táʼ Ŋwi le? A bɔŋ ə. Tsɛʼ bɨdzɨŋ kɨ nɨŋ mɨntəm ɨwu — nkə́ mbɨ́ŋnə́ nɨ nɨbɔgɨ ə.

Matyo 25:21

Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya nɨ táʼ ntəm ə, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›

Matyo 7:12

Ghɨ a mbó ɨbɛn bə mɔʼɔ tsɛʼ adzaŋ za o lɔnə ngə́ á bɨ ghɨ a mbó gho ghe: nə nɨ ɨnu tsa Nyɔngɔŋ Mǒse abɔʼnɨ ntóm Ŋwi kɨ́nə́ ndiʼə ghe.”

Roma 13:10

Ka akɔŋnɨ a ngɨə ayi anu a tɨbɔŋ zə tsɛrə a nye ŋwɔn nɨbarə ghe; be o nkɔ́ŋə́ a ŋwɔn wu mɔʼɔ, lá be ngə́ o lěn lá a Nyɔngɔŋ wa.

Jemsɨ 4:11

Ɨbɔmbɨma ɨban á nɨ keʼ ngǎm ɨnu tsɨ tɔmnɨnɨ mbɨ́ʼ a ŋwɔn nɨ ŋwɔn ə. Be nɨ ngǎm ɨnu tsɨ tɔmnɨnɨ mbɨ́ʼ ɨbɛn ba bɨŋ bo zɔŋnə a Kristo kə ɨ sáʼə awa, nɨ ghǎm ɨnu tsɨ tɔmnɨnɨ lá mbɨ́ʼ a Nyɔngɔŋ nkə́ sáʼə a wɛrə ghe. Be o sáʼə a Nyɔngɔŋ, lá be ngə́ ka o bvurɨ mbe agho ŋwɔn wa a zúʼnɨ́nə́ a Nyɔngɔŋ, lá mbe be ŋwɔn wa a sáʼnə́ a wɛrə ghe.