Jemsɨ 2:5 - Mɨkan wu Fi

⁵ O ɨbɔmbɨma ɨban, zuʼnə! Ŋwi a tsɔ́ʼ ngaŋ afúm tsɨ atuəshe zen ngə́ á bo be ngaŋ afuʼ zə wi a mu abeməntəm aza, ɨ kɨ tsi nɨ nɨfɔ na wɛrə a káʼnɨ́ a mbó ɨbɛn ba bɨ kɔŋnɨ ayi ɛ.

Jemsɨ 2:5 Referans Kwoze

Matyo 5:3

A díʼ awa ngə́, “Nɨdorɨ tsi a mbó ɨbɛn ba bɨ nyɛʼtɨnɨ ɨnu ɨtsa ɨtsum a mu mbó Ŋwi; Nɨfɔ nɨ fɔməbvurə tsi lá a mbó bo ghe!

Alukasɨ 6:20

Yeso a líŋ bɨyɛʼ ɨbyi ɨ soŋ ngə́, “Nɨdorɨ tsi a mbó bɨŋ, ɨfúm; mbɨ́ʼ ngə́ Nɨfɔ nɨ Ŋwi nɨ ɨnɨŋ ə!

Nkyɛʼə 2:9

Ma zhi ngɨ́ʼ ɨzɨŋ ə; ma zhi ngə́ nɨ nɨ ɨfúm ə — lá nɨ lanɨ mbe lá ngaŋ nkáb ə! Ma zhi ɨnu tsɨ tɔmnɨnɨ tsa ba bɨ soŋnɨ ngə́ bo nɨ bə Yuda tɨ be bə Yuda, a bɨ sóŋnə́ mbɨ́ʼ awɨŋ ə; bo nɨ ngǒtə Satan ə!

2 Korɨnto 8:9

Nɨ zhi abɔŋəntəm a Maʼmbyí Yeso Kristo ɨwɨgɨnə ghe; wɛrə a tsí nɨ afuʼ tsɛʼ nkə, lá ngɨ atuəmbəm azhi a nye afúm mbɨ́ʼ atú azən, taŋ ɨ ghɨ awən a nye ngaŋ afuʼ ɨ tsa a ndzum afúm azhi ɛ.

Alukasɨ 12:21

Yeso a tíʼ ndwɨgɨnɨ ngə́, “Lə nɨ adzaŋ za a bénə́ a mbó ɨbɛn ba bɨ kwɛ́ʼnɨ́ ɨdzúm a ɨnɔ a mbó ɨtumbəm ɨtsa, lá mbe ɨfúm a ɨshi ɨmɨgɨ Ŋwi ə.”

1 Bita 1:4

ma lan, bɨgɨnə ghɨ tsí nɨ afuʼ zə wi za Ŋwi a lɛnə a mbó ɨbɛn ɨbyi lá. Wɛrə a len afuʼ zə wi məzen lá a mbó bən a fɔməbvurə, afuʼ za a chinɨ keʼ bye, kə á bɨ tsənkɨ a zɛrə, kə ɨ shwetɨ lá.

Jemsɨ 1:12

Nɨdorɨ tsi a mbó ba bɨ chigɨnɨ ntəm a nkfu za bɨ zhwəŋtɨnɨ awa, mbɨ́ʼ ngə́ be bo tsa abə́ŋ a njwəŋtə məza muŋ bo mɨ kwarɨ mɨkyaŋnɨ ma mɨ lá ntsi mbyi za Ŋwi a kaʼnɨ a mbó ba bɨ kɔŋnɨ ayi ɛ.

Ɛbal 11:26

Wɛrə a kwáʼtɨ́ ngə́ a nkwárɨ́ ndzɔm mbɨ́ʼ atú a zɨ wa bə Izrai kɨ́nə́ ntsiŋə, a bé afuʼ zə wi ntsatɨ afuʼ Alaʼ Gyibto atsum mbɨ́ʼ ngə́ wɛrə a kə́ ntsiŋə akyaŋə za a láʼ yiŋə.

Alukasɨ 12:32

“Nɨ lá tsɛʼ ɨbɛn a nɨ́sháŋnɨ́ ə, nɨ keʼ bɔgə, mbɨ́ʼ ngə́ nɨdorɨ tsi a ntəm Ta ɨwən a ngá nɨfɔ ɨni a mbó bɨŋ ə.

1 Korɨnto 2:9

Lá aŋwaʼnɨ a Ŋwi soŋ ngə́: “Za ŋwɔn tse a láʼnɨ́ nkeʼ zɛn kə ndzuʼ, za ŋwɔn tse a láʼnɨ́ nkeʼ kwaʼtɨ ngə́ a chi fu, a nɨ tsɛʼ zɛrə mbáʼ Ŋwi a kyáŋtɨ́nɨ́ a mbó ɨbɛn ba bɨ kɔŋnɨ ayi ɛ.”

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.

Nkyɛʼə 21:7

Ɨbɛn ba bɨ tsinɨ nɨ ayanguʼ məziŋ mɨ kwarɨ a məzen a mbó me: ma mɨ be Ŋwi ɨwa, á bo tiʼ kɨ mbe ɨbɔ ɨbə.

Jemsɨ 1:9

Ɨbɛn ba bɨ zɔŋnə a Kristo ba bədaŋ zɛ́nə́ awa tso ɨbɛn ba bɨ se azúm zə tsɛrə be, mɨ zagɨ tsi nɨ kɨtɛrɨ a nkfu za Ŋwi a kɔʼsɨnɨ awa atɨ́ ə.

2 Timotyo 4:8

Azúm za a zhwíʼtɨ́nə́ aghan tɨtsɔŋnɨ a nɨ ndɔ́ŋ ayanguʼ mbɨ́ʼ ngə́ ma tsinə ntsi mbyi za ɨ chinɨnɨ a ɨshi ɨmɨgɨ Ŋwi, zɛrə za Maʼmbyí, zɨ wa a nɨ Tabyɛn, a ghɨnɨ gha a mbó me a Njwi wa. Wɛrə a mɨ keʼ tsɛʼ a mbó me gha, lá ɨ kɨ gha a mbó ŋwɔn tsum wa a tsenə a wɛrə nɨ akɔŋnɨ ngə́ á wɛrə a ghɨ fú a ɨshe lá.

2 Korɨnto 6:10

bɨ báʼtə́ nɨ́ŋə́ adzə́ŋnɨ a nye bɨgɨ ɨ nɨŋnɨ lá, bɨgɨ dorɨnɨ nkfu tsum; bɨgɨ tsi tso ngə́ bɨgɨ nɨ ɨfúm lá bɨgɨ ghanə afuʼ a mbó ɨbɛn bə ghaʼnɨ a ntsǎ a ndzum nkən wu shiʼnɨ wa bɨgɨ sóŋnə́ a mbó bo; ntsi tso ngə́ bɨgɨ nɨ bɨ mbômbô tɨ azúm lá ntsi nɨ azúm atsum ə.

Nkyɛʼə 3:18

Ma tiʼə ntɨ́gɨ́tə́ awən ngə́ á nɨ zon a ŋwaʼŋwaʼ wa a lonɨ a mbó me, ŋwaʼŋwaʼ wa ɨmugɨ ɨ ghɨnɨ a fɛm, taŋ ɨ be ngaŋ afuʼ zə wi ə. Nɨ kɨ ndzuŋ ɨtsɛʼ tsɨ fú ngwəgɨ a ɨnye bən, ntiʼ mbɔmtɨ ntyigɨnɨ adɨrətú ɨzɨŋ ə. Nɨ kɨ ndzuŋ mɨvwurɨ mə tse a nɨ́ŋə́ a ɨmɨgɨ bən, taŋ ɨ chi zɛn ɨdiʼ ə.

1 Timotyo 6:18

Soŋ a mbó bo ngə́ á bo ngɨ̌ ɨbɔŋ, ngɨ̌ ɨnu tsɨ shiʼnɨ tsɛʼ a nkan, ngǎ abó, nkɨ ntsi nɨ ntəm ngyɛbtɨ ɨdzúm ɨtsa bo bɨ ɨbɛn bə mɔʼɔ ghe.

Alukasɨ 16:25

Lá, Abraʼm a chwɨ́gɨ́ ngə́, ‹Mɔn ɨghan, waʼtɨ ngə́ a mu ntsi mbyi ɨzo, bɨ ghá ɨdzúm tsɨ shiʼnɨ ɨtsum a mbó gho, Lǎtsorə baŋnɨ ntsi nɨ tsɨ tɨbɔŋ ɨtsum ə. Lá, a tsi ɨ shiʼnɨ ɨghan o baŋnə ndzǔʼ ndzaŋə ghe.

Matyo 11:5

bɨfɨgɨ bɨŋə ndzě ɨdiʼə, bɨtə́ngórə́kuʼ bɨŋə ntɛ̌m ɨ shiʼnɨ, ɨtɨchwen bɨŋə shwétə́ ghe, ɨkfo ɨtú bɨŋə ndzǔʼ ɨnu, bɨkfú bɨŋə nzhwémnə́, bɨ kə sǒŋ Nkən wu Shiʼnɨ a mbó ɨfúm ə.

2 Bita 1:11

Adzaŋ məwen, Ŋwi a mɨ ghɨ á be adiʼ azən a nɨ́lónɨ́ a nkúŋə́ a mu nɨfɔ nə nɨnkoŋ nɨ Yeso Kristo, zɨ wa nɨ Maʼmbyí ɨwɨgɨnə nkɨ mbe ndoŋ ɨwɨgɨnə lá.

2 Timotyo 4:18

Maʼmbyí a mɨ fɨgɨ aghan a mu ɨnu tsɨ tɔmnɨnɨ ɨtsum, ɨ lɔgɨ aghan ɨ ghɛn nɨ me tsɛʼ ɨ shiʼnɨ ɨ shiʼnɨ ɨ ghɛn kon nɨ me a mu Nɨfɔ nɨ fɔməbvurə ɨni ɛ. A nɨfáŋ tsi a mbó wɛrə nɨnkoŋ ə! A be lá.

2 Tesalonaika 1:5

Məzen atsum a diʼə lá ngə́ nɨsáʼ nɨ Ŋwi tɛmnɨ, ndzɔŋə a məzen, nɨ ghɨ kón a mu Nɨfɔ ɨni na mbáʼ nɨ zɛ́nɨ́ ngɨ́ʼ mbɨ́ʼ a nɛrə lá.

Ɛfɛso 3:8

Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

Roma 8:17

Mbáʼ bɨgɨnə nɨ ɨbɔ ɨbyi lá, bɨgɨnə mɨ tsi nɨ ɨfɔgə wa a lɛnə a mbó ɨbɛn ɨbyi ɛ. Bɨgɨnə mɨ kɨ tsi nɨ azúm za Ŋwi a lɛnɨ a mbó Kristo; mbɨ́ʼ ngə́ be bɨgɨnə ze ngɨ́ʼ bɨgɨnə bɨ Kristo, bɨgɨnə ghɨ kɨ tsi a mu nɨfáŋ ɨni ɛ.

Alukasɨ 16:22

Lǎtsorə a kfó, bɨtsen bɨ ndá bɨ Ŋwi lɔgɨ a wɛrə ngɛn nchwem a mbyɛn Abraʼm a mu nɨdorɨ a fɔməbvurə ghe. Ŋwɔn nkáb wa a kɨ́ nkfó bɨ twəŋə,

Jemsɨ 1:16

O ɨbɔmbɨma ɨban, á ŋwɔn tse a keʼ awən tamtə!

1 Tesalonaika 2:12

Bɨgɨ wɔ́ŋtɨ́ awən, ndɛtɨ mɨntəm ɨmən nkeʼ kɨ nkyɛntɨ a nyíʼtɨ́ bən ngə́ á nɨ tsi nɨ abə́ŋ a ntsi mbyi za a ghɨnə ɨnye Ŋwi bɔŋənə, zɨ wa a tɔ́ŋnə́ awən ngə́ á nɨ yen nkɨ ntsi a mu Nɨfɔ ɨni abɔʼnɨ nɨfáŋ ɨni lá.

Ɛfɛso 1:18

Ndǒ ngə́ á mɨntəm ɨmɨŋ ŋaʼnɨ, á nɨ ze nkaʼ ɨyi, taŋ á nɨ zhi ɨnu tsa ntsiŋə nɨ ntəm tsum ɨzən ɨ tsinɨ mbɨ́ʼ a tsɛrə mbáʼ wɛrə a tɔŋnɨ awən lá, ɨ kɨ zhi afuʼ zə wi za Ŋwi a kaʼnɨ ɨbɛn ɨbyi nɨ zɛrə ghe.

2 Korɨnto 4:15

Zen atsum a tsi lá mbɨ́ʼ atú azən, taŋ á be ngə́, tsɛʼ tso mbáʼ abɔŋəntəm a Ŋwi a lamnɨnə ngěn a mbó ɨbɛn bə ghaʼnɨ lá, a mɨ ghɨ á ɨbɛn bə ghaʼnɨ ngǎ mɨya ngěn nɨ mbyi; a ngá nɨfáŋ a mbó Ŋwi ə.

Yoane 7:48

Nɨ zhi a táʼ ɨsáʼ alaʼ kə a táʼ ŋwɔn bə Farisao wa a nɨŋnɨ ntəm ɨyi wə nye le?

Alukasɨ 22:29

ndəŋndəŋ mbáʼ Ŋwi a ghanə mɨtən a mbó me a sáʼə lá, ma mɨ kɨ gha ndəŋndəŋ mɨtən a mbó bɨŋ ə.

Marɨkusɨ 7:14

Yeso a bə́ ntɔ́ŋ ɨnɔ wa a mbyɛn zɨ ɨ soŋ a mbó bo ngə́, “Bən bɨtsum nɨ zhwiʼtɨ a mbó me, nkɨ ndzuʼ nkɨ nji anu za nɨ zhwíʼtɨ́nə́ ghe.

Ɨfaʼ 7:2

Sɨtifa a chwɨ́gɨ́ ngə́, “Ɨbɔmbɨma abɔʼnɨ bɨtarɨ, á nɨ zuʼ anu za ma sóŋnə́ ghe! Bɔŋ á ta ɨwɨgɨnə wu kɔ́ʼɔ́nguʼ Abraʼm a ndáʼə ngěn Araŋ, ɨ tiʼə tsinə ɨwu lá, Ŋwi, zɨ wa a nɨ wu nɨfáŋ a fú a ɨshi zɨ a mbuʼ Mesobotemia

Jemsɨ 1:19

O ɨbɔmbɨma ɨban, á nɨ waʼtɨ aziŋ ə! A ŋwɔn tsum ɨ mɔ́ʼɔ́ mɔ́ʼɔ́ a shwaŋ ɨtoŋnɨ ɨchi a ndzúʼ atsum, nkeʼ ngyáŋnə́ ngamə, nkeʼ nkə́ ngyáŋnə́ ndwi ntɔŋ ə.