Jemsɨ 1:9 - Mɨkan wu Fi

⁹ Ɨbɛn ba bɨ zɔŋnə a Kristo ba bədaŋ zɛ́nə́ awa tso ɨbɛn ba bɨ se azúm zə tsɛrə be, mɨ zagɨ tsi nɨ kɨtɛrɨ a nkfu za Ŋwi a kɔʼsɨnɨ awa atɨ́ ə.

Jemsɨ 1:9 Referans Kwoze

2 Korɨnto 6:10

bɨ báʼtə́ nɨ́ŋə́ adzə́ŋnɨ a nye bɨgɨ ɨ nɨŋnɨ lá, bɨgɨ dorɨnɨ nkfu tsum; bɨgɨ tsi tso ngə́ bɨgɨ nɨ ɨfúm lá bɨgɨ ghanə afuʼ a mbó ɨbɛn bə ghaʼnɨ a ntsǎ a ndzum nkən wu shiʼnɨ wa bɨgɨ sóŋnə́ a mbó bo; ntsi tso ngə́ bɨgɨ nɨ bɨ mbômbô tɨ azúm lá ntsi nɨ azúm atsum ə.

Nkyɛʼə 2:9

Ma zhi ngɨ́ʼ ɨzɨŋ ə; ma zhi ngə́ nɨ nɨ ɨfúm ə — lá nɨ lanɨ mbe lá ngaŋ nkáb ə! Ma zhi ɨnu tsɨ tɔmnɨnɨ tsa ba bɨ soŋnɨ ngə́ bo nɨ bə Yuda tɨ be bə Yuda, a bɨ sóŋnə́ mbɨ́ʼ awɨŋ ə; bo nɨ ngǒtə Satan ə!

Alukasɨ 1:52

Wɛrə a shiʼsɨnə bɨfɔ bə wi atú ɨbərɨ ɨtsa nkɨ nkɔʼsɨ ɨbɛn ba bɨ shíʼtɨ́nə́ nɨ ɨtumbəm ɨtsa a tɨshe ə.

Filibi 3:14

Ma lan, ma kɨə ngěn tsɛʼ adiʼ za ma mɨ yɛʼ nkaŋ taŋ ɨ tsi nɨ akyaŋə za, mbe lá adzaŋ za Ŋwi a tɔŋnɨ aghan a fɔməbvurə a mu ntsi ntən ntsa a ndzum Kristo Yeso ghe.

Filibi 3:3

A nɨ bɨgɨnə, nkeʼ bo be ba bɨ kwarɨnə ngótɨ́ ntsəŋ alagɨ, mbɨ́ʼ ngə́ bɨgɨnə ghúʼsə́ a Ŋwi ntsǎ lá a ndzum Azhwi azhi nkə́ ndórɨ́kə́ a mu ntsi mbyi ɨzɨgɨnə a mbúm bɨgɨnə bɨ Kristo Yeso ghe. Ka bɨgɨnə nɨŋ awɨgɨnə mɨntəm ɨmɨgɨnə a nye ɨnu tsa bɨgɨnə ghɨnə a nye mbəmnye ɨtsɨgɨnə ghe.

Roma 8:17

Mbáʼ bɨgɨnə nɨ ɨbɔ ɨbyi lá, bɨgɨnə mɨ tsi nɨ ɨfɔgə wa a lɛnə a mbó ɨbɛn ɨbyi ɛ. Bɨgɨnə mɨ kɨ tsi nɨ azúm za Ŋwi a lɛnɨ a mbó Kristo; mbɨ́ʼ ngə́ be bɨgɨnə ze ngɨ́ʼ bɨgɨnə bɨ Kristo, bɨgɨnə ghɨ kɨ tsi a mu nɨfáŋ ɨni ɛ.

Alukasɨ 10:20

Lá á nɨ keʼ ndórə́ be mbɨ́ʼ ngə́ ɨzhwi tsɨ tɔmnɨnɨ zúʼnə́ awɨŋ ə, nɨ ndórə́ be mbɨ́ʼ ngə́ bɨ ŋwaʼnɨnə mɨkum ɨmən a fɔməbvurə ghe.”

Alukasɨ 9:48

ntiʼ soŋ a mbó bo ngə́, “Ŋwɔn tsum wa a kwarɨnɨ a mɔn wen ɨ shiʼnɨ nɨ ɨkum ɨghan, a kwarɨ aghə ɨ shiʼnɨ ə; ŋwɔn tsum wa a kwarɨnɨ aghan ɨ shiʼnɨ, a kɨ nkwarɨ a ŋwɔn wa a tságɨ́nɨ́ aghan ɨ shiʼnɨ ə. Mbɨ́ʼ ngə́ ndwɨgɨnɨ a tɨtərɨ bən bɨtsum a nɨ ŋwɔn wu ngwi ə.”

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

Alukasɨ 14:11

Mbɨ́ʼ ngə́ ŋwɔn tsum wa a kɔ́ʼsɨ́nə́ atuəmbəm azhi, bɨ ghɨ shíʼsɨ́ ayi, á ŋwɔn tsum wa a shíʼsɨ́nə́ atuəmbəm azhi, bɨ ghɨ kɔ́ʼsɨ́ ayi ɛ.”