Jemsɨ 1:6 - Mɨkan wu Fi

⁶ Lá be o tɨ tsaʼtɨ a Ŋwi, o zagɨ nɨŋ ntəm ɨgho ɨwu nkoʼ kɨ məŋnɨ tsɛʼ mɨnyiə ghe. Zɨ wa a mə́ŋnɨ́nə́ a tsi lá tsɛʼ tso nkyiɛ yiŋənɛmə a mu sagɨrə wu ngwi wa kɨfɛrɨ a tɔʼnə maʼə nɨ bagɨ nɨ bagɨ ə.

Jemsɨ 1:6 Referans Kwoze

Ɛbal 11:6

Tɨ abeməntəm o chi koʼ ghɨ á ɨnye Ŋwi bɔŋə. Mbɨ́ʼ ngə́ ŋwɔn tsum wa a ghɛnə a mbó Ŋwi, a tsi nɨ ɨ nɨŋə a mu ntəm zɨ ngə́ Ŋwi a tsi ɨwu nkə́ nkyǎŋ ɨbɛn ba bɨ lɔnə ayi ɛ.

Ɛfɛso 4:14

taŋ á bɨgɨnə keʼ bə mbvurɨ mbe tso ɨbɔ bə bɔrɨ ba bɨ bémnɨ́ ɨnu ɨtsum tsa bɨ diʼnə awa nɨ tsɛrə tə ntɔ́ʼnə́ lá. A ntám za ngaŋ ɨchwenu diʼnə keʼ shwuŋ awən nkwebtɨ ɨdiʼ nɨ bən tso kɨfɛrɨ ə. Ngaŋ ndiʼ ɨchwenu mətsiŋ tíntɨ́ ɨbɛn bɨ vwonə atám nɨ atú nɨ nkob za bo báʼnə́ ghe.

Ɛbal 10:23

A bɨgɨnə chwa tə nchiʼnə ntsiŋə nɨ ntəm tsum za bɨgɨnə sóŋnə́ ngə́ bɨgɨnə tsi nɨ zɛrə, mbɨ́ʼ ngə́ Ŋwi, zɨ wa a káʼnɨ́ awɨgɨnə a soŋ a mɔ́ʼɔ́ lá a nu mɔ́ʼɔ́ ghe.

Ɛbal 13:9

A nɨ keʼ nyɛʼtɨ á bɨ diʼ awən nɨ ɨbə́ŋ ɨnu tsədaŋ tsa tsɨ mɨ ghɨ á nɨ fə ndóm ɨwən; mbɨ́ʼ ngə́ a bɔŋ ngə́ á abɔŋəntəm a Ŋwi a nɨ̌ŋ mɨntəm ɨmən ntsa ndzúʼnɨ́ ntɨgə mbɨ́ʼ mɨdzɨ ə. Mbɨ́ʼ ngə́ ntɨgə mətsiŋ sé kwatɨ ɨbɛn ba bɨ zúʼnɨ́nɨ́ a tsɛrə ghe.

1 Timotyo 2:8

Ma lǒ ngə́ adiʼ atsum za nɨ ghotɨnɨ ɨwu a ngúʼsɨ́ Ŋwi, á mbáŋnɨ́ tsaʼtɨ a Ŋwi ə. A mətsiŋ mbáŋnɨ́ be mbáŋnɨ́ tsa tsɨ tsɔʼnɨ ɨtumbəm ɨtsa ndɛn a mbó Ŋwi ə. A nkfu za bo biʼnɨ mbó ɨma atɨ́ a ntsaʼtɨ Ŋwi, bo mɨ zagɨ ghɨ mə lan tɨ alwɛntɔŋ kə akwənkɨ bo bɨ ɨbɛn bə mɔʼɔ ghe.

2 Bita 2:17

Ɨbɛn məbiŋ tsi lá tso bɨnáŋə́bə́rə ba bɨ zomnkɨnə, tso mbaʼ za kɨfɛrə wu ntən a tíŋnə́ ngěn nɨ zɛrə; Ŋwi a lɛnə adiʼ a mbó bo a mu ndzumnɨ za ɨ fɨ́ŋnə́ ntsa mbó ə.

Matyo 14:28

Bita a chwɨ́gɨ́ a Yeso ngə́, “Maʼmbyí, be a be gho a nkənu, ghɨ á ma ntɛ́mə́ ngěn atú nkyi ngyen mbom agho.”

Ɨfaʼ 10:20

Ma lan, lo atɨ́ ɨ shiʼ ngen, koʼ kɨ njwɛrɨkɨ a ndzɔŋ bo ɨ ghɛn bɨŋ bo mbɨ́ʼ ngə́ a tyigɨ me ntyigɨ awa ghe.”

Jemsɨ 1:7

Ɨbɛn tso məba, ba bɨ mə́ŋnɨ́nə́ tsɛʼ nkfu tsum, ba ka bo ndáʼə ntsɔ́ʼə awa a mu mɨntəm ɨma anu za bo lɔnɨ ngɨə, bo mɨ zagɨ ɨ keʼ ngwíʼtə́ ngə́ bo mɨ kwarɨ azúm zə tsɛrə a mbó Maʼmbyí ɛ.

Jemsɨ 5:15

Atsaʼtɨ a Ŋwi zen za bɨ ghɨnɨ a mu abeməntəm lá, a mɨ tsuʼ a ŋwɔn nɨghɔ wa; Maʼmbyí a mɨ ghɨ á wɛrə a shwetɨ, á bɨ kɨ ndɨgɨnɨ mɨbvu ma wɛrə a ghɨnə ghe.