Jemsɨ 1:5 - Mɨkan wu Fi

⁵ Lá be ŋwɔn nɨ bən wu tse a boŋ a zóŋ, á wɛrə a tsaʼtɨ a Ŋwi, zɨ wa a mɨ gha a wɛrə wəmbo; mbɨ́ʼ ngə́ Ŋwi a ghǎ a mbó ŋwɔn tsum tə́ ndéntə́, nkə́ ngǎ a nye ndóm wa ɨ diʼnə ngə́ wɛrə a kɔŋ awɨgɨnə nkə́ ndə̌tú nɨ bɨgɨnə ghe.

Jemsɨ 1:5 Referans Kwoze

Yoane 15:7

Be nɨ ghɔŋ a mu ɨnye me, mɨgham ɨmə kɨ nghɔŋ a mu ɨnye bən, muŋ nɨ mɨ bitɨ azúm atsum za nɨ kɔŋnɨ ɨ kɨ tsi nɨ zɛrə ghe.

Jemsɨ 3:17

Lá zóŋ wa a lonɨ a fɔməbvurə a fom ntsambyi ndán, ntiʼ ndzɔŋtɨ, ngyíŋə́ nɨ mbɔnɨ, nkwáʼtə́ mbɨ́ʼ a bə mɔʼɔ, nkɨ mbe ɨson ə; a lon nɨ akômɨlɨŋnɨ nkə́ nkónə́ a za bɨ fuʼnə a be ngɨnɨ mɨnu mə shiʼnɨ ə; a se nɨ nkyerɨ abɔʼnɨ ntamtɨ ɨdiʼ chyɛ.

Yoane 14:13

Ma ghɨ tíʼ ghɨ anu atsum za nɨ bitɨnɨ nɨ ɨkum ɨghan, taŋ á bɨ tsa a ndzum Mɔn ndiʼ nɨfáŋ nɨ Tarɨ ə.

1 Yoane 3:22

Bɨgɨnə kwárə́ wəmbo azúm atsum za bɨgɨnə bitɨnɨ, mbɨ́ʼ ngə́ bɨgɨnə zúʼnɨ́ ntɨgə ɨchi nkə́ ngɨə a za a ghɨnə ɨnye ɨzhi bɔŋənə ghe.

Jemsɨ 5:16

Ma lan, á nɨ ntiʼə sóŋə́ mɨbvu ma nɨ ghɨnɨ a mbó ŋwɔn nɨ ŋwɔn, nkə́ ntsáʼtə́ a Ŋwi atú ŋwɔn nɨ ŋwɔn, taŋ á bɨ tsuʼ awɨŋ ə. Atsaʼtɨ a Ŋwi a ŋwɔn wa a chinɨnɨ a tsi nɨ adaʼ nkə́ faʼə ghe.

Yoane 4:10

Yeso a chwɨ́gɨ́ ayi ngə́, “O lo bá be zhi azúm za Ŋwi a ghánə́ abɔʼnɨ ŋwɔn wa a bítɨ́nɨ́ nkyi wu nonɨ a mbó gho lá, muŋ o baŋnɨ mbitɨ ayi nɨ nkyi, a mɨ tiʼ gha nkyi a mbó gho, abə́ŋ a nkyi za a ghánɨ́ ntsi ntɨŋ ə.”

Jemsɨ 1:17

Azúm zə ghanɨ atsum za a bɔŋnɨ abɔʼnɨ azúm atsum za a kɔʼnɨ ntɛm ngə́ tsáŋ a lǒ lá a fɔməbvurə; a lǒ lá a mbó Tarɨ, zɨ wa a káʼnɨ́ mɨnkaʼ ma mɨ tsinɨ a fɔməbvurə lá. Ka wɛrə a ndaʼə nkwébtə́ ayi ɛ, lá mɨnkaʼ ma mɨ baŋnə lá yiŋənə nɨ kwebtɨ ə.

Matyo 11:20

Ɨbɛn ba bɨ tsínɨ́ a mu ntáʼmbagə tsa Yeso a ghɨ́nɨ́ ɨnu tsɨ yerɨnɨ-yerɨnɨ tsə ghaʼnɨ ɨwu lá, bɨ sé bəŋ mɨntəm ɨma a nye mɨbvu ɨma, ma lan, Yeso a tíʼ nkagɨ ɨbɛn bɨ ntáʼmbagə mətsa ə.

2 Korɨnto 2:16

A mbó ba bɨ ghɛnə a mu ɨmugɨ nɨnkoŋ wa, a be lá tso ɨfɔgɨ tɨbɔŋ wa ɨ zhwítɨ́nə́ awa; lá a mbó ba bɨ kwarɨnɨ ɨloŋ, a be tso ŋwíʼtə́ wa a yenə nɨ ntsi ntən nɨnkoŋ ə. Ŋwɔn wa a chinɨ faʼ a məziŋ afaʼ a nɨ ɨwa le?

Marɨkusɨ 16:14

A ntsɨrɨndzum, Yeso a fú a ɨshe a ɨshi bɨyɛʼ ba nɨghúm ntsɔb mɔ́ʼɔ́ mbáʼ bo kɨ́nə́ ndzɨ́ə ghe. Wɛrə a ghámtɨ́ awa mbɨ́ʼ ngə́ bo sé nɨ abeməntəm tsi abɔʼnɨ adzaŋ za bo kɨ́nə́ ntɨŋə atú a nɨŋ mɨntəm ɨma a nye ba bɨ zɛ́nɨ́ ayi mbáʼ wɛrə a zhwémnɨ́nə ghe.