Jemsɨ 1:4 - Mɨkan wu Fi

⁴ A nɨ zɛn ngə́ achigəntəm a ghěn tsɛʼ nɨ mbyi, nkeʼ nkyɛ́ntə́, ɨ ghɛn fu a ndwitə, taŋ á nɨ kɔʼ ntɛm ngə́ tsáŋ nkɨ ndon, nkeʼ a zə tsɛrə a mbóŋə́ ghe.

Jemsɨ 1:4 Referans Kwoze

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

Alukasɨ 21:19

Nɨ tɛm ntɨŋə ngə́ kɔ́ŋ, nɨ mɨ loŋ ɨtumbəm ɨtsɨŋ ə.”

Matyo 5:48

Bən, nɨ tsi nɨ ɨ zagɨ kɔʼ tɛm ngə́ tsáŋ tso mbáʼ ta ɨwən a fɔməbvurə a kɨnɨ nkɨ nkɔʼ ntɛm ngə́ tsáŋ lá!”

2 Timotyo 3:17

taŋ á ngaŋ afaʼ Ŋwi chi tiʼ tsi nɨ atsum za wɛrə a tsinɨ nɨ nchyɛ nɨ zɛrə a ngɨ ɨbə́ŋ ngɨnɨ mɨnu mə shiʼnɨ mɨtsum ə.

Ɛbal 13:21

á Ŋwi a gha awən nɨ azúm atsum zə shiʼnɨ za a kuʼnɨnɨ a ngɨ za wɛrə a lɔnə ghe. A wɛrə, a ntsǎ a ndzum Yeso Kristo a ghɨ a nye bɨgɨnə a za a bɔŋnə ayi; á nɨfáŋ tsi a mbó Kristo nɨnkoŋ ə. A be lá.

Galesha 6:9

Ma lan, á bɨgɨnə keʼ kán a ngɨ ɨnu tsɨ shiʼnɨ; mbɨ́ʼ ngə́ be bɨgɨnə tú kyɛntɨ a ngɨ ɨnu tsɨ shiʼnɨ, muŋ nkfu ghɨ yen za bɨgɨnə ghɨ fuʼ a za bɨgɨnə bínə́.

Jemsɨ 3:2

Bɨgɨnə bɨtsum ghɨ̌ ɨfənu ə. Lá, be a be ngə́ ka ŋwɔn tse a ndáʼə fə̌ ayi ntsu nɨgham ɨyi, muŋ a kɔʼ ntɛm ngə́ tsáŋ nkɨ chi tsɨŋnɨ atuəmbəm azhi atsum ə.

Jemsɨ 1:5

Lá be ŋwɔn nɨ bən wu tse a boŋ a zóŋ, á wɛrə a tsaʼtɨ a Ŋwi, zɨ wa a mɨ gha a wɛrə wəmbo; mbɨ́ʼ ngə́ Ŋwi a ghǎ a mbó ŋwɔn tsum tə́ ndéntə́, nkə́ ngǎ a nye ndóm wa ɨ diʼnə ngə́ wɛrə a kɔŋ awɨgɨnə nkə́ ndə̌tú nɨ bɨgɨnə ghe.

1 Korɨnto 2:6

Lá bɨgɨ chwítɨ́ nkən mbɨ́ʼ a zóŋ a mbó ɨbɛn ba bo kwinɨ a mu azhwi ə. Lá ka a be ayi zóŋ atuəshe wen kə zóŋ wa a tsinɨ a mbó ɨdzɔŋ ɨlaʼ tsa tsɨ sáʼnə́ atuəshe — ɨdzɔŋ ɨlaʼ tsa tsɨ byɛ́gɨ́nɨ́ mɨtən ɨma ghe.

Kolose 4:12

Ebafrasɨ a kə́ ntɔ́ŋtə́ awɨŋ ə. Wɛrə nɨ táʼ ŋwɔn a mu ngǒtə ɨzən nkɨ mbe ngaŋ afaʼ Kristo Yeso ghe. Wɛrə a tsaʼtə a Ŋwi tsɛʼ nɨ ntəm ɨyi ɨtsum nkfu tsum mbɨ́ʼ awən, ndɔ́ntə́ a mbó Ŋwi ngə́ á wɛrə a ghɨ á nɨ tɛm ntɨŋə ngə́ twə́ŋ, nkwi, nkeʼ nɨ aməŋnɨ zə tsɛrə nyam ntsi mbɨ́ʼ ɨnɨŋ mɨntəm ɨzɨgɨnə a nye Kristo, nkɨ ntsi a mu ndzuʼnə a nɨ́lónɨ́ anu za Ŋwi a lɔnə ghe.

Alukasɨ 8:15

Mbum tsa tsɨ vwókɨ́nɨ́ atú ɨshe nɨkomə lá, tsɨ diʼ lá ɨbɛn ba bɨ zuʼnɨ anu a Ŋwi ndɛn a zɛrə a mu ntəm wu shiʼnɨ nkə́ nchigɨ mɨntəm ɨma ɨ kɔʼ kuʼ nkfu za a ghɨ yen nɨ anu zə shiʼnɨ ə.”

Matyo 10:22

Ŋwɔn tsum a ghɨ ban awən mbɨ́ʼ atú azə. Lá ŋwɔn tsum wa a chigɨnɨ ntəm ɨ ghɛn kuʼ a ndwitə, bɨ ghɨ loŋ ayi ɛ.

2 Bita 1:9

Lá ɨbɛn ba ka bɨ tsi awa nɨ ɨnu mətsen tsi lá tso ɨbɛn ba bɨ se ɨdiʼ ɨ shiʼnɨ a ndzě, ma lan, ɨ fɨ́gɨ́ nkɨ ndɨgɨnɨ ngə́ bɨ sugɨnə awa a nye mɨbvu ɨma mə mbyi ɛ.

Yoane 17:23

á ma tsi a mbúm bɨgɨ bo, o kɨ ntsi a mbúm bɔgə, taŋ á bo be táʼ azúm ɨ ghɛn mɛtɨ, taŋ á atuəshe a chi zhi ngə́ o tságɨ́ aghan, nkɨ nkɔŋ awa adzaŋ za o kɔŋnɨ aghan lá.

Alukasɨ 18:22

Mbáʼ Yeso a zúʼnɨ́ a məzen lá, ɨ soŋ wəmbo ngə́, “Táʼ anu a bvurɨ wa o tsinɨ nɨ ngɨə ghe. Fiŋ ɨdzúm ɨtso ɨtsum nga nkáb za o fenɨ ɨwu a mbó ɨfúm ə, o mɨ tiʼ tsi nɨ afuʼ azo a fɔməbvurə; ntiʼ ngyen ndzɔŋ aghə.”

Marɨkusɨ 10:21

Yeso a kyérɨ́ ayi nɨ akɔŋnɨ ɨ soŋ wəmbo ngə́, “O bvurɨ mboŋ a táʼ anu ə; ghɛn fiŋ ɨdzúm ɨtso ɨtsum, nga nkáb zɨ wu a mbó ngaŋ afúm, o mɨ tsi nɨ afuʼ zə wi a fɔməbvurə; ntiʼ ngyen ndzɔŋ aghə.”

Matyo 19:20

Mɔn mbáŋnɨ́ nchwiʼ nɨkɔŋ wa a tíʼ nchwɨ́gɨ́ wəmbo ngə́, “Ma lɛnə ntɨgə tsiŋ ɨtsum ə. Ma bə nkwiʼ mboŋ lá ake le?”

1 Tesalonaika 5:23

A Ŋwi, zɨ wa a ghánɨ́ mbɔnɨ a mbó bɨgɨnə a ghɨ awən á nɨ fɛm a mu azhwi, gharɨ abɔʼnɨ mbəmnye a nye mɨndóm mɨtsum nkɨ ntsi tɨ ɨfərɨ a nkfu za Maʼmbyí Yeso Kristo ɨwɨgɨnə a ghɨnɨ yen lá.