Jemsɨ 1:25 - Mɨkan wu Fi

²⁵ Lá ɨbɛn ba bɨ yɛʼnɨ ɨ shiʼnɨ a nyɔngɔŋ wa a kɔʼnɨ ntɛm ngə́ tsáŋ lá, wa a kyɛtɨnɨ mɨnkɨ mɨ abuʼ a nye ɨbɛn, nkɨ nchigɨ ntəm nɨ wɛrə, nkeʼ tsɛʼ zhwiʼtɨnɨ a njwíʼtə́ ɨ tiʼ kɨ lɨgɨnɨ, lá ngɨə anu za a sóŋnə́ — Ŋwi a mɨ fɔgɨ awa a nye za bo ghɨnə ghe.

Jemsɨ 1:25 Referans Kwoze

Alukasɨ 11:28

Lá Yeso a chwɨ́gɨ́ ngə́, “Nɨdorɨ, baŋnɨ ntsi be a mbó ŋwɔn tsum wa a zúʼnə́ anu a Ŋwi nkə́ ndě a zɛrə ghe!”

Yoane 13:17

Tɨtsɔŋnɨ wa mbáʼ nɨ zhinɨ ngə́ anu zen za ma soŋnɨ a nɨ nkənu lá, ɨfɔgə wu wi ghɨ tsí a mbó bən mbáʼ be nɨ kə ngɨə a zɛrə ghe!

1 Bita 2:16

A nɨ nchyɛ̌ tso ɨbɛn nɨ atú azɨŋ ə; lá á nɨ keʼ tsa a ndzum nchyɛ nɨ atú azən məzen ngɨ anu zə tɔmnɨnɨ zə tse; á nɨ nchyɛ̌ be tso ngaŋ afaʼ Ŋwi ə.

Jemsɨ 2:12

A nɨ ngámə́ nkə́ ngɨ̌ mɨnu tso ɨbɛn ba bɨ ghɨ sáʼ awa nɨ nyɔngɔŋ wa a kyɛtɨnɨ mɨnkɨ mɨ abuʼ a nye bɨgɨnə ghe.

Galesha 5:1

Nchyɛ̌ nɨ atú azɨgɨnə nɨ azúm za bɨgɨnə tsinɨ nɨ zɛrə ghe. Kristo a kyɛtɨnə mɨnkɨ mɨ abuʼ a nye bɨgɨnə ghe! Tɛmnə, nchikɨnə tso ɨbɛn nɨ atú aza, nkeʼ bə nkwiʼ nyɛʼtɨ ɨtumbəm ɨtsən a nye ɨbuʼ ə.

1 Korɨnto 15:58

Ma lan nə ɨbɔmbɨma ɨban, nɨ tɛm á mɨku ɨmɨŋ təntɨ, á nɨ keʼ nchíʼnə́ ghe. A faʼnə ɨfaʼ ɨwən a mbó Maʼmbyí nkfu tsum, mbáʼ nɨ zhinɨ ngə́ ka anu zə tse za nɨ ghɨnə, a mu ɨfaʼ ɨwən a mbó Maʼmbyí a chi tsa ayi adaŋədaŋə lá.

1 Timotyo 4:16

Lə̌tú azo nkɨ ndə̌tú nɨ anu za o diʼnə ghe. A ngěn nɨ mbyi a ngɨ ɨnu tsen, mbɨ́ʼ ngə́ be o ngɨə mə lan, muŋ o mɨ loŋ atuəmbəm azo abɔʼnɨ ɨbɛn ba bɨ zúʼnə́ anu za o sóŋnə́ ghe.

2 Korɨnto 13:5

Nɨ liŋ ɨtumbəm ɨtsən ndzɛn ngə́ nɨ lanɨ mbvurɨ nchwa abeməntəm azən a tɨŋə. A nɨ zhwəŋtɨ ɨtumbəm ɨtsɨŋ ə. Nɨ se zɛn ngə́ Kristo Yeso a tsi a mu ɨnye ɨtsən le? Be a tú ma lá be, a be ngə́ o vwoə.

Roma 11:22

A nɨ ze adzaŋ a nchyɛ nɨ ntəm ngɨ ɨbɔŋ za Ŋwi a tsinɨ nɨ zɛrə abɔʼnɨ ntɛgɨ nɨdɨgɨ ɨzhi ɛ: wɛrə a tɛgɨ nɨdɨgɨ a nye ɨbɛn ba bɨ kɔmnkɨnɨ ngvo, lá nchyɛ̌ nɨ ntəm ngɨ ɨbɔŋ mbáʼ be nɨ ghɔŋ a mu ntəm ngɨ ɨbɔŋ məwiŋ ə; a tú lá be, wɛrə a mɨ kɨ chwántɨ́ awən ɨ nyɛʼə.

Roma 8:15

Mbɨ́ʼ ngə́ Azhwi za Ŋwi a ghanɨ a mbó bən ka a ghɨ ayi awən a nye ɨbuʼ, nkeʼ kə́ ngɨə ngə́ á nɨ tsi nɨ nɨbɔgɨ ə; Azhwi məzen a baŋnə ngɨə awən a nye ɨbɔ bɨ Ŋwi, a mu mɨtən mɨ Azhwi məzen, bɨgɨnə chi tiʼ bugɨ ɨ tɔŋ a Ŋwi ngə́, “Tarɨ! Ta ɨghan!”

Galesha 2:4

le buŋ bə tse kə́ ndǒ ngə́ muŋ bɨ tsəŋə. Ɨbɛn məbiŋ kə́ ngɨ̌ ɨtsi ngə́ bo kɨ́ nɨ́ŋ mɨntəm ɨma a nye Kristo, ma lan, bo bánkɨ́ nkón a tɨtərɨ ngǒtə ɨzɨgɨ tso bɨchwerɨ, taŋ ɨ tsɔʼ aku mbɨ́ʼ adzaŋ za bɨgɨ tíʼnɨ́ ɨbɛn nɨ atú azɨgɨ a nye nyɔngɔŋ bə Yuda ntsa a ndzum adzaŋ za bɨgɨ tsinɨ a mbúm bɨgɨ bɨ Kristo Yeso ghe. Bo kə́ ndǒ ngɨə ngə́ á bɨgɨ ghɔŋ a nye ɨbuʼ nyɔngɔŋ bə Yuda,

Yoane 8:36

Be a be ngə́ Mɔn Mbáŋnɨ́ wa a kyɛtɨ mɨnkɨ mɨ abuʼ a ɨnye gho, o ghɨ tsí nɨ atú azo, tsɛʼ a nkənu ə.

Nkyɛʼə 14:13

Ma tíʼ ndzúʼ nji ɨ lo a fɔməbvurə, ɨ sóŋə́ ngə́, “Ŋwaʼnɨ a ziŋ ə: nɨdorɨ tsi a mbó ŋwɔn tsum wa ɨ lɔgɨnɨ tɨtsɔŋnɨ ɨ ghɛn nɨ mbyi a kfonɨ a mu ɨ faʼə a mbó Maʼmbyí ɛ!” Azhwi za a chwɨgɨ ngə́, “E, tsɛʼ a nkənu ə! Bo ghɨ tsi nɨ ashwetɨ a ntəm a mbó anyuʼnɨ aza, mbɨ́ʼ ngə́ ngɨnɨ mɨnu ɨma ghěn bo bo ghe.”

1 Timotyo 2:15

Lá bɨ ghɨ loŋ a mangye ɨ tsa a ndzum njwǐ ɨbɔ mbáʼ be a ghɔŋ a mu abeməntəm, akɔŋnɨ nɨ nɨfɛm nkə́ ngɨ̌ ɨnu a nye ndóm wa ɨ bɔnɨnɨ ə.

Roma 7:12

Ma lan, Nyɔngɔŋ zɨmboŋ a fɛm, ntɨgə kɨ fɛm, nkuʼnɨ nkɨ mbɔŋə.

Ɨfaʼ 26:22

Ɨ kɔʼ kuʼ ntsu sɨŋə, Ŋwi a kwátə́ aghə. Ma lan, ma tɛm ɨghan ɨ sóŋə́ lá a za a diʼnɨ nkənu a mbó bə kɨʼnɨ nkwiʼtɨ a bə wi ə. Anu za ma sóŋnə́ lá nɨ ndəŋndəŋ anu za ntóm Ŋwi abɔʼnɨ Mǒse sóŋnɨ́ ngə́ a ghɨ fu ngə́:

Ɨfaʼ 13:43

Ngǒtə ghɨnə shɛ́mnkɨ́, bə Yuda bə ghaʼnɨ abɔʼnɨ ɨbɛn ba bɨ kwɛ́nə mbəŋ mɨntəm ɨma ɨ nɨŋ a nye mbɔm nguʼsɨ Ŋwi bə Yuda tíʼə númə́ ndzɔ́ŋə́ a Baolo bo Banabasɨ ə. Ntóm Yeso tsa ghám a mbó bo, ngwɔŋtɨ awa ngə́ á bo nchyɛ̌ tsɛʼ a mu abɔŋəntəm a Ŋwi ə.

Ɛbal 12:15

A nɨ zagɨ ndzɛn ngə́ ŋwɔn tsum a tɨtərɨ bən a kwarɨ abɔŋəntəm a Ŋwi; á ŋwɔn tse a tɨtərɨ bən a keʼ tsi tso atɨ a ndyíʼ za a tomnɨ taŋ ɨ bvugɨ ndum, ɨ shwiʼ a bə ghaʼnɨ ə.

Ɨfaʼ 2:42

Bo tíʼ nde nkfu ɨza tsum a ngyɛ́ʼ a mbó ntóm Yeso, mbómnkə́ táʼ adiʼ, ndzɨ́ə mɨdzɨ ɨma táʼ adiʼ nkə́ ntsáʼtə́ a Ŋwi ə.

Nkyɛʼə 22:14

Nɨdorɨ tsi a mbó ɨbɛn ba bɨ sugɨnɨ ɨtsɛʼ ɨtsa tsɨ fɛm, ma lan, ntiʼ ntsi nɨ abárɨ́ a ndzɨ́ mɨntam mɨ atɨ ma mɨ lonɨ a nye atɨ za a ghánɨ́ ntsi ntən, ɨ kɨ tsi nɨ abárɨ́ a ntsǎ a mɨntsu mɨ abuʼ ɨ kon a mu ntáʼmbagə wu wi wa.

1 Yoane 2:24

A nɨ zɛn ngə́ nɨ len nkən wa nɨ zúʼnɨ́ nchwuʼnɨ a mbiʼnə a mu mɨntəm ɨmɨŋ ə. Be nɨ len nkən məwa muŋ nɨ mɨ tiʼə tsinə a mbúm bɨŋ bɨ Mɔn abɔʼnɨ Tarɨ nkfu tsum ə.

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

Roma 2:13

Mbɨ́ʼ ngə́ ka ɨbɛn nchínə́ awa a ɨshi ɨmɨgɨ Ŋwi lá tsɛʼ mbɨ́ʼ ngə́ bo zuʼ adzaŋ za bɨ tɔŋnɨ a Nyɔngɔŋ wa, a baŋnɨ mbe be ngə́ bo ghɨ ɨnu tsa Nyɔngɔŋ wa a sóŋnə́ ghe.

Roma 8:2

Mbɨ́ʼ ngə́ nyɔngɔŋ wa a tsinɨ a shwúrɨ́ mɨtən mɨ Azhwi wa a ghɨnə bɨgɨnə tsinə atú ntən bɨgɨnə bɨ Kristo, a kyɛtɨnə mɨnkɨ mɨ abuʼ ma nyɔngɔŋ ɨbvu abɔʼnɨ nɨvwo kórɨ́nə́ awɨgɨnə ɨwu ə.

Galesha 6:2

A nɨ nkwátɨ́ ngɨ́ʼ a nye ŋwɔn nɨ ŋwɔn ə. Adzaŋ məwen, nɨ mɨ zúʼnɨ́nə́ a nyɔngɔŋ Kristo ghe.