Jemsɨ 1:22 - Mɨkan wu Fi

²² A nɨ keʼ ntámtɨ́ ɨtumbəm ɨtsən tsɛʼ a njwíʼtɨ́ nɨgham nɨ Ŋwi ə; á nɨ nkə́ ngɨə anu za nɨ sóŋnə́ ghe.

Jemsɨ 1:22 Referans Kwoze

Roma 2:13

Mbɨ́ʼ ngə́ ka ɨbɛn nchínə́ awa a ɨshi ɨmɨgɨ Ŋwi lá tsɛʼ mbɨ́ʼ ngə́ bo zuʼ adzaŋ za bɨ tɔŋnɨ a Nyɔngɔŋ wa, a baŋnɨ mbe be ngə́ bo ghɨ ɨnu tsa Nyɔngɔŋ wa a sóŋnə́ ghe.

Yoane 13:17

Tɨtsɔŋnɨ wa mbáʼ nɨ zhinɨ ngə́ anu zen za ma soŋnɨ a nɨ nkənu lá, ɨfɔgə wu wi ghɨ tsí a mbó bən mbáʼ be nɨ kə ngɨə a zɛrə ghe!

Jemsɨ 4:17

Ma lan, ɨbɛn ba bɨ sě ngɨ̌ ɨnu tsɨ shiʼnɨ tsa bo zhinɨ ngə́ bo tsi nɨ ngɨ tsɛrə, bo ghɨ ɨbvu ə.

1 Yoane 2:3

Be bɨgɨnə ndzúʼnɨ́ ntɨgə Ŋwi, muŋ bɨgɨnə zhi ɨ shiʼnɨ ngə́ bɨgɨnə zhi ayi ɛ.

Alukasɨ 11:28

Lá Yeso a chwɨ́gɨ́ ngə́, “Nɨdorɨ, baŋnɨ ntsi be a mbó ŋwɔn tsum wa a zúʼnə́ anu a Ŋwi nkə́ ndě a zɛrə ghe!”

Matyo 12:50

Ŋwɔn tsum wa a ghɨnə anu za Ta ɨghan a fɔməbvurə a lɔnə ngə́ á ghɨ, a nɨ mɨma ɨghan wu mbáŋnɨ́ kə mɨma ɨghan wu mangye kə nɨmi ɨghə.”

Kolose 3:17

Anu atsum za nɨ ghɨnə kə ɨ sóŋə́, nɨ tsi nɨ ngɨ zɛrə lá nɨ ɨkum Maʼmbyí Yeso, adzaŋ za nɨ ghánə́ a mɨya a mbó Ŋwi, zɨ wa nɨ Tarɨ ntsǎ a ndzum wɛrə lá.

Nkyɛʼə 22:7

Yeso a soŋ ngə́, “Zhwiʼtə! Mɨmboŋnɨ, ma mɨ yiŋə! Nɨdorɨ tsi a mbó bo ba bɨ zúʼnɨ́nɨ́ mɨgham men ma bɨ ŋwaʼnɨnɨ a mu aŋwaʼnɨ zen mɨ ghamnə mbɨ́ʼ a za a mɨ fu tɨtsɔŋnɨ abɔʼnɨ za a ghɨnɨ fú a nkfu ndzum lá!”

1 Yoane 3:7

Ɨbɔ ɨban, á ŋwɔn tse a keʼ awən tamtə. Ŋwɔn tsum wa a ghɨnɨ anu za a kuʼnɨnɨ a chinɨ, tsɛʼ adzaŋ za Kristo a kɨnɨ nkɨ nchinɨ lá.

Jemsɨ 1:26

Ŋwɔn nɨ bən wu tse a wiʼtɨ ngə́ zɨə zhi a Ŋwi le? Be nɨ tú chwatɨnɨ ɨlɛm ɨtsən muŋ ndóm wa nɨ zhinɨ a Ŋwi ɨwən a nɨ anu adaŋədaŋə, nɨ kə ntámtɨ́ ɨtumbəm ɨtsɨŋ ə.

Galesha 6:7

A nɨ keʼ ɨtumbəm ɨtsən tamtə; ŋwɔn tse a chi keʼ a Ŋwi werə. Ɨbɛn ghɨ fuʼ tsɛʼ ndəŋndəŋ azúm za bo bínə́.

3 Yoane 1:11

Mbɔŋ ɨson ɨghan, koʼ nyiʼsɨ a zə tɨbɔŋ, lá nyiʼsɨ a za a bɔŋnɨ ə. Ŋwɔn tsum wa a ghɨnɨ ɨbɔŋ a nɨ ŋwɔn Ŋwi; ŋwɔn tsum wa a ghɨnə a za a bɨ́gɨ́nɨ́, ka a zɛnə ayi a Ŋwi ə.

Galesha 6:3

Be ŋwɔn tse a kwaʼtɨ ngə́ zɨə nɨ ŋwɔn tse wu ndɨtɨnɨ, mbáʼ tsɛʼ nkan ka a be ayi ŋwɔn tse wu ndɨtɨnɨ, muŋ a támtə́ lá atuəmbəm azhi ɛ.

1 Korɨnto 6:9

Nɨ se zhi ngə́ ɨbɛn ba bɨ se chinɨ a ɨshi ɨmɨgɨ Ŋwi ghɨ keʼ kon a mu Nɨfɔ nɨ Ŋwi le? A nɨ keʼ ɨtumbəm ɨtsən tamtə; ɨbɛn ba bɨ ghɨnɨ ɨnu ntɔrɨ ɨlɛbɨ, kə ba bɨ ghúʼsɨ́nɨ́ ɨbɔ bɨ abe, kə ɨbɛn ba bɨ chwurɨnə, kə mbáŋnɨ́ tsa tsɨ lɔgɨnə a tsə mɔʼɔ,

Matyo 28:20

nkə́ ndiʼnə awa ngə́ á bo ndzúʼnɨ́ ɨnu ɨtsum tsa ma tɨ́gɨ́tɨ́nɨ́ awən ɨwu ə. Ma mɨ tsi bɨgɨnə nkfu ɨtsum ɨ kɔʼ kuʼ a ndwitɨ mbyi ɛ.”

1 Yoane 1:8

Be bɨgɨnə soŋ ngə́ bɨgɨnə se nɨ ɨbvu tsi a mu ɨnye ɨtsɨgɨnə, bɨgɨnə tamtɨnə ɨtumbəm ɨtsɨgɨnə, nkənu keʼ a tɨtərɨ bɨgɨnə chyɛ.

Filibi 4:8

A ndwɨgɨnə nə ɨbɔmbɨma ɨban, á nɨ lwɨgɨ ɨtú ɨtsən nɨ ɨnu tsə shiʼnɨ, ɨnu tsa tsɨ tsinɨ ngə́ á bɨ bontɨ a tsɛrə ghe. Ɨnu tsen lá ɨnu tsa a nɨ tsə nkənu, tsa tsɨ yenə nɨ nkɔʼsə atɨ́, tsə kuʼnɨnɨ, tsə fɛmnɨ, tsa bɨ kɔŋnɨ abɔʼnɨ tsa tsɨ bɔŋnɨ ɨbɛn ə.

1 Korɨnto 15:33

A bɨ keʼ awən tamtə, lá á nɨ zhi ngə, “Be o nkárə́ bɨŋ bɨ ɨbɛn bɨ tɨbɔŋ muŋ o mɨ yɛʼ mbɔm tɨbɔŋ ə.”

Nkyɛʼə 12:9

Bɨ tyíŋ a tə́fəm dragɔn wa ɨ maʼ a ntáʼə — ɨnyo bənguʼ za bɨ tɔ́ŋnə́ ngə́ Dəbɨrɨ, kə Satan, mbáʼ ɨ támtɨ́nɨ́ atuəshe atsum lá. Bɨ máʼ ayi a shiʼ ngyen atuəshe, ndzɔŋ nkwiʼtɨ ɨtsendá Ŋwi ɨchi ɨtsum ə.

2 Bita 2:13

bɨ ghɨ tfu awa nɨ ndzě ngɨ́ʼ mbɨ́ʼ ndzě ngɨ́ʼ za bo yénɨ́ nɨ zɛrə ghe. Anu za a bɔŋnə awa a nɨ ngɨ anu atsum a ntɨŋə azhwɨgɨnɨ za a zhwúrɨ́sɨ́nɨ́ ɨnu tsa ɨnyam ɨnye lɔnə lá; bo nɨ adɨrətú nkɨ mbyɛgɨ ndiʼ mbɔm zɨ shiʼnɨ za ɨ lonə a mbó ɨbɛn mbáʼ be bo tsi atú atɛkɨ a ndzɨ́ə bɨŋ bo, le buŋ bo kə́ ndórə́ awa a nye mɨndóm mɨ ntám ɨma ghe!

Tɨ́tósɨ 3:3

Mbɨ́ʼ ngə́ bɨgɨnə mboŋ, a bé a nkfu tse lá bɨgɨnə dzɨŋtɨ, ntɨŋə atú nkə́ fə̌ ghe. Bɨgɨnə bé ɨbuʼ a mbó ɨnu tsa mbəmnye lɔnə abɔʼnɨ ɨbə́ŋ ɨnu ɨtsum tsa tsɨ ghɨnə ɨnye ŋwɔn bɔŋənə ghe. Bɨgɨnə lén ntsi mbyi ɨzɨgɨnə tsum tsɛʼ a nye abɨgəntəm abɔʼnɨ aghɨʼnɨ; ɨbɛn bə mɔʼɔ bán awɨgɨnə, bɨgɨnə kɨ mban awa ghe.

1 Korɨnto 3:18

A ŋwɔn tse a keʼ atuəmbəm azhi tamtə. Be ŋwɔn tse a tɨtərɨ bən a kwaʼtɨ ngə́ zɨə tsi nɨ zóŋ ndzɔŋə a za atuəshe a kwaʼtɨnɨ ngə́ a nɨ zóŋ, á baŋnɨ mbəŋ atuəmbəm azhi a nye abərɨ taŋ ɨ tsi nɨ ngótɨ́ zóŋ ə.

2 Timotyo 3:13

le buŋ ɨbɛn bə tɔmnɨnɨ abɔʼnɨ ba bɨ ghɨnɨ ɨtsi ngə́ bo nɨ ɨbɛn ba bo se bɛrə be lá, anu aza mɨ bɨ́gɨ́nɨ́ ɨ bɨ́gɨ́nɨ́ ɨ ghɛnə nɨ mbyi, á bo ntámtɨ́ ɨbɛn bədaŋ, á bɨ kə́ ntámtə́ awa ghe.

Jemsɨ 4:11

Ɨbɔmbɨma ɨban á nɨ keʼ ngǎm ɨnu tsɨ tɔmnɨnɨ mbɨ́ʼ a ŋwɔn nɨ ŋwɔn ə. Be nɨ ngǎm ɨnu tsɨ tɔmnɨnɨ mbɨ́ʼ ɨbɛn ba bɨŋ bo zɔŋnə a Kristo kə ɨ sáʼə awa, nɨ ghǎm ɨnu tsɨ tɔmnɨnɨ lá mbɨ́ʼ a Nyɔngɔŋ nkə́ sáʼə a wɛrə ghe. Be o sáʼə a Nyɔngɔŋ, lá be ngə́ ka o bvurɨ mbe agho ŋwɔn wa a zúʼnɨ́nə́ a Nyɔngɔŋ, lá mbe be ŋwɔn wa a sáʼnə́ a wɛrə ghe.