Jemsɨ 1:21 - Mɨkan wu Fi

²¹ Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.

Jemsɨ 1:21 Referans Kwoze

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Ɛfɛso 1:13

Ntsa a ndzum zɨ, bən ba nɨ kɨnə nkɨ ndzuʼ nɨgham nɨ nkənu, Nkən wu Shiʼnɨ wu ndoŋ bɨŋ ə. Nɨ kɨnə nkɨ nɨŋ mɨntəm ɨmən a nye Kristo, Ŋwi a lyigɨ awən nɨ Azhwi zə Fɛmnɨ za wɛrə a káʼnɨ́ lá.

1 Bita 2:11

Bɨson ɨban, ma bǔʼ mbó a mbó bən tso ɨbɛn ba bo nɨ bɨngyen-yenɨ bɨ atuəshe abɔʼnɨ ɨbɛn ba bɨ tumnɨ nɨ fɨnyaʼ ntsagɨ atuəshe ə! A nɨ tsɔʼ mɨntəm ɨmən a nye ɨnu tsa mbəmnye lɔnə, ɨnu tsa tsɨ tónɨ́ ntso bo bɨ gharɨ ɨwən nkfu tsum lá.

Yoane 6:63

Azúm za a ghɨnə o ntsi ntən a nɨ Azhwi ə; ka adaʼ a ŋwɔn mɨsɔŋ a tsi ayi nɨ ɨlɨŋ tse, kə́ tsɛʼ mɨnyiə ghe. Mɨgham ma ma ghamnə a mbó bən lá, mɨ yiŋə nɨ Azhwi a ntsi ntən za a lonɨ a mbó Ŋwi ə.

1 Bita 2:1

Ma lan, á nɨ kyɛntɨ ɨnu tsɨ tɔmnɨnɨ ɨtsum; nkeʼ mbɨŋə nchwě ɨnu kə mbɨŋə ngɨ̌ ɨtsi kə nkwiʼə nchyɛ̌ nɨ aghɨʼnɨ kə ngǎm mɨgham mɨ ntsənkɨ ɨkum ŋwɔn wu shiʼnɨ ə.

Ɛbal 12:1

Ma lan, mbáʼ bətɛmə-ndzě a ɨnɔ karɨsɨnɨ awɨgɨnə lá, á bɨgɨnə tiʼ nkɨ nyɛʼ ntasɨ tsum abɔʼnɨ ɨbvu ɨtsum wa ɨ korɨnɨ awɨgɨnə tso ŋwɔn a laʼnɨ a mu mɨndyiʼ, ntintɨ a tsɛrə ndɛn táʼ bagɨ ə. A bɨgɨnə nkɨə nɨkɨə nɨ amaŋnɨ na nɨ tsinɨ a ɨshi bɨgɨnə nɨ achigəntəm,

Jemsɨ 4:8

A nɨ nkɔ́ʼtə́ a mbyɛn Ŋwi ə, wɛrə a mɨ kɨ kɔʼtɨ a mbyɛn bɨŋ ə. Bɨŋ ngaŋ ngɨ mɨbvu, á nɨ kyɛntɨ a ngɨ mɨbvu ə! Bɨŋ ngaŋ ngɨ ɨtsi, á nɨ kyɛntɨ a ngɨ ɨtsi ə!

Tɨ́tósɨ 2:11

Mbɨ́ʼ a məzen, Ŋwi a kyɛʼnə abɔŋəntəm taŋ á bɨ loŋ a ŋwɔn mɨsɔŋ a ntsu tsum ə.

Roma 1:16

Ka ma ndɨrə aghə atú a nye nkən wu shiʼnɨ ə; ɨ lá mɨtən mɨ Ŋwi a ndoŋ ŋwɔn tsum wa a nɨŋnɨ ntəm ɨyi a nye zɨ, a ntsambyi, bə Yuda, ntiʼ ndzɔŋtɨ nɨ ba a se bə Yuda be ə.

Ɛbal 4:2

Mbɨ́ʼ ngə́ bɨgɨnə zuʼnə Nkən wu Shiʼnɨ ndəŋndəŋ adzaŋ za bo kɨ́nɨ́ nkɨ́ ndzúʼə. Bo zúʼ nkən wa, lá ɨ sé ɨbɔŋ wu tse a mbó bo ghɨ mbɨ́ʼ ngə́ a nkfu za bo zúʼnɨ́ nkən məwa lá, bo sé a wɛrə kwarɨ nɨ abeməntəm ə.

Ɛbal 2:3

Nɨ kwaʼtɨ ngə́ bɨgɨnə ghɨ lɛʼ ɨnɨŋ ngɨ́ʼ məzen lá ɨ nə́ mbáʼ be bɨgɨnə tú tɛgɨ ɨtú ɨtsɨgɨnə a nye ɨloŋ wu wi məwen le? Nkən mbɨ́ʼ ɨloŋ məwen a fóm nchwítɨ́ Maʼmbyí Yeso zɨmboŋ, ɨbɛn ba bɨ zúʼnɨ́ ɨnu tsa wɛrə a sóŋnɨ́ tíʼ ndiʼ a mbó bɨgɨ ngə́ ɨ nɨ nkənu ə.

1 Korɨnto 15:2

Ma sóŋə́ lá nkən wu shiʼnɨ wa ma sóŋnɨ́ a mbó bən lá. Nkən məwiŋ ghɨ loŋ awən mbáʼ be nɨ tiʼtɨ a wɛrə ɨ shiʼnɨ ə. Be a tú mə lá be muŋ a mɨ diʼ ngə́ nɨ nɨ́ŋ mɨntəm ɨmən a nye nkən məwen lá atú adaŋədaŋə ghe.

Roma 6:17

Lá mɨya a mbó Ŋwi, ngə́ a yén mbe a nkfu tse lá nɨ be ɨbuʼ tsə ngɨ ɨbvu, lá tɨtsɔŋnɨ nɨ zuʼnɨnə nɨ mɨntəm ɨmən mɨtsum nkənu tsum za ɨ tsinɨ a mu anu za bɨ diʼnə awən ɨwu lá.

Yoane 6:68

Samɔn Bita a chwɨ́gɨ́ wəmbo ngə́, “Maʼmbyí, bɨgɨ mɨ lo tiʼ ghɛn lá a mbó ɨwa le? O tsi nɨ mɨgham ma mɨ ghánɨ́ ntsi ntɨŋ ə.

1 Tesalonaika 2:13

Anu zə mɔʼɔ a tsi ɨwu za a ghɨnə ngə́ á bɨgɨ ngǎ a mɨya a mbó Ŋwi nkfu tsum ə. A nkfu za bɨgɨ yénɨ́ nɨ nkən Ŋwi a mbó bən lá, nɨ zúʼ a wɛrə nkɨ mbem a wɛrə, nkeʼ be be tso nkən wa ɨ lonɨ a mbó ŋwɔn mɨsɔŋ a ntsu lá mbe be tso nkən Ŋwi, mbáʼ tsɛʼ a nkənu ɨ kɨnɨ mbe wɛrə ghe. Mbɨ́ʼ ngə́ Ŋwi a faʼə a mu ɨnye ɨtsən, bən wa nɨ nɨŋnɨ mɨntəm ɨmən a nye wɛrə lá.

2 Korɨnto 7:1

Mbáʼ bɨ ghɨnə ɨkaʼ tsen ɨtsum a mbó bɨgɨnə lá, nə bɨbɔŋ bɨson ɨban, á bɨgɨnə sugɨ ɨtumbəm ɨtsɨgɨnə a nye ɨnu ɨtsum tsa tsɨ ghɨnə mbəmnye nɨ azhwi keʼ fɛ́mə́, ngɨə á nɨfɛm kɔʼ ndon a mu mbɔgɨtɨ Ŋwi ə.

Ɨfaʼ 13:26

Ɨbɔmbɨma ɨban, ɨbɛn bɨ ɨlə̌ Abraʼm abɔʼnɨ bən bɨtsum ba bɨ ghúʼsɨ́nə́ a Ŋwi: bɨ tsagɨ nkən ɨloŋ məwen lá a mbó bɨgɨnə ghe!

1 Bita 1:9

mbɨ́ʼ ngə́ nɨ kwárə́ lá ɨloŋ bɨgharɨ ɨbən, mbáʼ lá anu za abeməntəm azən a nye wɛrə a lɔnə lá.

Roma 11:17

Bɨ chwántɨ́ mbó mɨ atɨ a olif za bɨ binɨ mə mɔʼɔ, ntiʼ nchwuʼsɨ abó atɨ a olif wu ɨmu mɨbaʼ ɨwu ə. Bɨŋ ba a se bə Yuda be fi abó atɨ a olif zə ɨmu mɨbaʼ za, tɨtsɔŋnɨ nɨ tiʼə nchyɛ̌ nɨ nkyi a nye mɨngaŋ mɨ atɨ a olif za bɨ bínɨ́ lá.

Ɨfaʼ 10:33

Ma lan, ma kɨ chi mbyi ntsagɨ ɨbɛn ngə́ á bɨ yen ntɔŋ agho, o kɨ ngɨ ɨ shiʼnɨ mbáʼ o yenɨ lá. Tɨtsɔŋnɨ bɨgɨnə bɨtsum tsi adiʼ wa Ŋwi a tsinɨ ɨwu, njwíʼtə́ a ndzúʼ anu atsum za Maʼmbyí a tɨgɨtɨnɨ agho ngə́ o soŋə.”

Matyo 5:5

Nɨdorɨ tsi a mbó ɨbɛn ba bo shíʼtɨ́nə́ nɨ ɨtumbəm ɨtsa a tɨshe; bo ghɨ tsí nɨ za Ŋwi a káʼnɨ́ awa nɨ zɛrə ghe!

1 Tesalonaika 1:5

Mbɨ́ʼ ngə́ bɨgɨ yén nɨ Nkən wu Shiʼnɨ a mbó bən, nkeʼ tsɛʼ a mu nɨgham nɨ ntsu be, lá nkɨ mbe abɔʼnɨ mɨtən nkwiʼtɨ Azhwi zə Fɛmnɨ tə́ mə́ŋnə́ anu zə tsɛrə za a nɨ nkənu ə. Nɨ zhi adzaŋ za bɨgɨ kɨ́nə́ nchyɛ̌ a nkfu za bɨgɨ tsínɨ́ bɨgɨnə; a bé lá mbɨ́ʼ atú azɨŋ ə.

Ɛfɛso 5:4

Kə ngə́ á ɨtɨshwe mɨgham, ɨlentɨ mɨgham abɔʼnɨ mɨgham mɨ atságɨ́ a mɨ fúə a ntsu bɨŋ ə. A nɨ mbáŋnə́ ngǎ a mɨya a mbó Ŋwi ə.

Ɛfɛso 4:25

Ma lan, á ɨchwenu keʼ ɨwu bə mbe ə! Ŋwɔn nɨ ŋwɔn a tsi nɨ ɨ zagɨ soŋ nkənu a mbó wu mɔʼɔ mbɨ́ʼ ngə́ bɨgɨnə bɨtsum lá ɨlam ɨnye táʼ mbəmnye za a nɨ Kristo lá.

Jemsɨ 5:20

á nɨ waʼtɨ a zen ngə́: ŋwɔn tsum wa a lɔgɨnɨ a ngaŋ ngɨ mɨbvu a nye ndóm ngɨ mɨbvu ɨyi wa mbə mbən nɨ zɨ, a mɨ loŋ a gharɨ ngaŋ ngɨ mɨbvu wa a mbó nɨvwo, ɨ kɨ ghɨ á ndɨgɨnɨ mɨbvu mə ghaʼnɨ be ɨwu ə.

1 Bita 1:22

Tɨtsɔŋnɨ wa a ntsǎ a ndzum ndzuʼnɨ nkənu za, nɨ sugɨnɨ ɨtumbəm ɨtsən ɨ fɛm, nkɨ ntsi nɨ ngótɨ́ akɔŋnɨ a nye ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo lá, á nɨ tiʼ nkɔŋ a ŋwɔn nɨ ŋwɔn nɨ mɨntəm ɨmən mɨtsum ə.