Jemsɨ 1:19 - Mɨkan wu Fi

¹⁹ O ɨbɔmbɨma ɨban, á nɨ waʼtɨ aziŋ ə! A ŋwɔn tsum ɨ mɔ́ʼɔ́ mɔ́ʼɔ́ a shwaŋ ɨtoŋnɨ ɨchi a ndzúʼ atsum, nkeʼ ngyáŋnə́ ngamə, nkeʼ nkə́ ngyáŋnə́ ndwi ntɔŋ ə.

Jemsɨ 1:19 Referans Kwoze

Ɛfɛso 4:26

O lwi ntɔŋ, koʼ nyɛʼtɨ á alwɛntɔŋ azo a tintɨ agho ntsagɨ a ngɨ ɨbvu ə. Koʼ nyɛʼtɨ á nɨnyom a tsó nkwatɨ alwɛntɔŋ azo ə.

Kolose 3:8

Lá tɨtsɔŋnɨ nɨ mɨ zagɨ nyɛʼ ɨnu mətsiŋ ɨtsum tso: alwɛntɔŋ, mɨlwi wa a faʼkɨnɨ abɔʼnɨ abɨgəntəm ə. A nɨgham nɨ ntsənkɨ ɨkum ŋwɔn wu shiʼnɨ ɨwu kə ɨtɨshwe mɨgham láʼ nkeʼ a ntsu bən fuə.

Ɛfɛso 4:31

A nɨ nyɛʼ ɨnu tsa tsɨ tɔ́bɨ́nɨ́ mɨntəm mɨ ɨbɛn, mɨlwi abɔʼnɨ alwɛntɔŋ, ɨŋwankə a nchyɛ́ nɨ azúm kə anu abɔʼnɨ nɨgham nɨ ntsənkɨ ɨkum ŋwɔn wu shiʼnɨ nkwiʼtɨ awiʼtɨ a kɨban atsum ə.

Kolose 3:15

Mbɔnɨ za Kristo a ghánə́ ɨ tsi lá a ntsɨŋnɨ bən a nye ɨnu tsa nɨ tsɔ́ʼnə́ a mu mɨntəm ɨmən; mbɨ́ʼ ngə́ Ŋwi a chintɨ awən lá mbɨ́ʼ mbɔnɨ məzen a mu táʼ mbəmnye wa. A nɨ tsi nɨ mɨntəm mɨ nga mɨya ghe.

Matyo 5:22

Lá ma soŋ a mbó bən tɨtsɔŋnɨ ngə́: be ntɔŋ ŋwɔn ɨ lwi a nye mɨma ɨyi muŋ bɨ mɨ sáʼ ayi ɛ; ŋwɔn tsum wa a zɔmnɨ a mɨma ɨyi ngə́, ‹Alentɨ zɛnə!› bɨ mɨ sáʼ ayi a ɨshi Ngɔʼ Abyɛn bə Yuda, ŋwɔn tsum wa a zɔmnɨ a mɨma ɨyi ngə́, ‹Abərɨ!› bɨ chi nɨŋ ayi a mu ɨmugɨ nɨnkoŋ wa.

Jemsɨ 1:26

Ŋwɔn nɨ bən wu tse a wiʼtɨ ngə́ zɨə zhi a Ŋwi le? Be nɨ tú chwatɨnɨ ɨlɛm ɨtsən muŋ ndóm wa nɨ zhinɨ a Ŋwi ɨwən a nɨ anu adaŋədaŋə, nɨ kə ntámtɨ́ ɨtumbəm ɨtsɨŋ ə.

1 Tesalonaika 2:13

Anu zə mɔʼɔ a tsi ɨwu za a ghɨnə ngə́ á bɨgɨ ngǎ a mɨya a mbó Ŋwi nkfu tsum ə. A nkfu za bɨgɨ yénɨ́ nɨ nkən Ŋwi a mbó bən lá, nɨ zúʼ a wɛrə nkɨ mbem a wɛrə, nkeʼ be be tso nkən wa ɨ lonɨ a mbó ŋwɔn mɨsɔŋ a ntsu lá mbe be tso nkən Ŋwi, mbáʼ tsɛʼ a nkənu ɨ kɨnɨ mbe wɛrə ghe. Mbɨ́ʼ ngə́ Ŋwi a faʼə a mu ɨnye ɨtsən, bən wa nɨ nɨŋnɨ mɨntəm ɨmən a nye wɛrə lá.

Ɨfaʼ 17:11

Bə Yuda ba bɨ tsínɨ́ ɨwu kə́ nyɔ̌ŋ ɨnye ɨtsa a ɨshe a njwíʼtɨ́ anu, ntsa a ba bɨ tsínɨ́ a Tesalonaika ghe. Bo zhwíʼtɨ́ nkən wa nɨ mɨntəm ɨma mɨtsum ə. Njwi tsum bo kə́ ngyɛ̌ʼ aŋwaʼnɨ a Ŋwi a ndzé ngə́ ɨnu tsa Baolo kɨ́nə́ sóŋnə́ lánɨ́ mbe nkənu ə.

Alukasɨ 19:48

lá nchi keʼ ndóm zɛn, mbɨ́ʼ ngə́ ŋwɔn tsum a kə́ njwíʼtə́ anu za a kɨ́nə́ sóŋə́, nkeʼ ndǒ samə tsɛʼ táʼ atú a nɨgham ə.

Marɨkusɨ 2:2

Ɨnɔ ɨbɛn yén ngótɨ́ adiʼ wa, adiʼ a ntɛm bə mɔʼɔ a keʼ bə mbe, kə́ tsɛʼ a ntsundá ə. Yeso kə́ sóŋə́ anu a Ŋwi a mbó bo ghe.

Ɨfaʼ 10:33

Ma lan, ma kɨ chi mbyi ntsagɨ ɨbɛn ngə́ á bɨ yen ntɔŋ agho, o kɨ ngɨ ɨ shiʼnɨ mbáʼ o yenɨ lá. Tɨtsɔŋnɨ bɨgɨnə bɨtsum tsi adiʼ wa Ŋwi a tsinɨ ɨwu, njwíʼtə́ a ndzúʼ anu atsum za Maʼmbyí a tɨgɨtɨnɨ agho ngə́ o soŋə.”

Ɨfaʼ 2:42

Bo tíʼ nde nkfu ɨza tsum a ngyɛ́ʼ a mbó ntóm Yeso, mbómnkə́ táʼ adiʼ, ndzɨ́ə mɨdzɨ ɨma táʼ adiʼ nkə́ ntsáʼtə́ a Ŋwi ə.

Alukasɨ 15:1

Njwi tse wa ngaŋ nkwárɨ́ ashɛbɨ tsə ghaʼnɨ abɔʼnɨ ngaŋ ngɨ mɨbvu yénɨ́ a njwíʼtə́ a mbó Yeso,

1 Yoane 2:21

Ma tiʼə ŋwaʼnə a mbó bən lá, a keʼ be be mbɨ́ʼ ngə́ nɨ se nkənu zhyɛ; a baŋnɨ mbe be ngə́ nɨ zhi a zɛrə, nkɨ nji ngə́ ka ɨchwenu tse ndáʼə ndǒ ayi a mbó nkənu ə.

Ɨfaʼ 13:48

Mbáʼ ba a se bə Yuda be zúʼnɨ́ a məzen lá, ɨnye ɨtsa shá, ntiʼ nkɨ soŋ ngə́ nkən Maʼmbyí bɔŋ be tɨsɨŋə. Ɨbɛn ba bɨ kwɛ́nə ntsɔ́ʼ awa ngə́ á bɨ ghɨ́ ntsí nɨ ntsi ntən nɨnkoŋ za tíʼ mbəŋ mbe ɨbɛn ba bɨ nɨ́ŋnɨ́ mɨntəm ɨma a nye Kristo ghe.

Marɨkusɨ 12:37

Devidɨ zɨmboŋ a tɔ́ŋ a wɛrə ngə́, ‹Maʼmbyí ɛ›; ma lan, a mɨ tsa lá ɨ nə́ ngə́ Wa bɨ Zɔ́ʼnɨ́ a nɨ ŋwɔn ɨlə̌ Devidɨ le?” Ɨnɔ ɨbɛn kə́ njwíʼtə́ a mbó Yeso nɨ nɨdorɨ nə wi ə.

Ɨfaʼ 1:15

A ndzum njwi tsɨ tse a nɨsháŋnɨ́, ɨbɛn ba bɨ nɨ́ŋnɨ́ mɨntəm ɨma a nye Yeso wɛ́m ngǒtə ghe. Ɨbɛn bɨtsum ba bɨ tsínɨ́ ɨwu bɨ bé tso 120 ghe. Bita a ló atɨ́ a ngamə ɨ soŋ ngə́,

Jemsɨ 1:2

Ɨbɔmbɨma ɨban, á nɨ lɔgɨ ɨtumbəm ɨtsən a nye ngaŋ abɔŋətú mbáʼ be akwaʼnɨ abə́ŋ abə́ŋ a bom awɨŋ ə,

Jemsɨ 1:16

O ɨbɔmbɨma ɨban, á ŋwɔn tse a keʼ awən tamtə!

Jemsɨ 2:1

Ɨbɔmbɨma ɨban, tso ɨbɛn ba bɨ nɨŋnɨ mɨntəm ɨma a nye Maʼmbyí Yeso Kristo ɨwɨgɨnə, Maʼmbyí wu nɨfáŋ, nɨ mɨ zagɨ ɨ keʼ ngɨ̌ ɨnu a nye ɨbɛn atú atú ndzɔ̌ŋ adzaŋ za nkyerɨ za ɨ benə.

Jemsɨ 2:5

O ɨbɔmbɨma ɨban, zuʼnə! Ŋwi a tsɔ́ʼ ngaŋ afúm tsɨ atuəshe zen ngə́ á bo be ngaŋ afuʼ zə wi a mu abeməntəm aza, ɨ kɨ tsi nɨ nɨfɔ na wɛrə a káʼnɨ́ a mbó ɨbɛn ba bɨ kɔŋnɨ ayi ɛ.

Jemsɨ 3:10

Mɨgham mɨ nga mɨya abɔʼnɨ mə ndɔʼə fúə tsɛʼ a mu táʼ ntsu ə. Ɨbɔmbɨma ɨban, á ziŋ anu a keʼ fuə!

Jemsɨ 4:11

Ɨbɔmbɨma ɨban á nɨ keʼ ngǎm ɨnu tsɨ tɔmnɨnɨ mbɨ́ʼ a ŋwɔn nɨ ŋwɔn ə. Be nɨ ngǎm ɨnu tsɨ tɔmnɨnɨ mbɨ́ʼ ɨbɛn ba bɨŋ bo zɔŋnə a Kristo kə ɨ sáʼə awa, nɨ ghǎm ɨnu tsɨ tɔmnɨnɨ lá mbɨ́ʼ a Nyɔngɔŋ nkə́ sáʼə a wɛrə ghe. Be o sáʼə a Nyɔngɔŋ, lá be ngə́ ka o bvurɨ mbe agho ŋwɔn wa a zúʼnɨ́nə́ a Nyɔngɔŋ, lá mbe be ŋwɔn wa a sáʼnə́ a wɛrə ghe.

Jemsɨ 5:12

Za a tsanɨ atsum nə ɨbɔmbɨma ɨban, a nɨ ngə́ á nɨ keʼ kan mbáʼ nɨ ghɨnə akaʼ ə. A nɨ keʼ kan nɨ ɨkum fɔməbvurə kə nɨ ɨkum atuəshe kə nɨ ɨkum azúm zə tsɛrə zədaŋ ə. A e ɨgho a be e, á ngáŋ ɨgho a be ngáŋ, taŋ á bɨ keʼ soŋ ngə́ o vwo ɨsáʼ ə.

Jemsɨ 5:19

Ɨbɔmbɨma ɨban, be ŋwɔn tse a nyɛʼ nkənu nkarɨ ngɛn ayi nɨ mɨndóm mədaŋ, ŋwɔn wu mɔʼɔ a lɔgɨ ayi mbə mbən nɨ zɨ,