Jemsɨ 1:18 - Mɨkan wu Fi

¹⁸ A ntsǎ a ndzum adzaŋ za wɛrə a kɨ́nə́ ndǒ, wɛrə a káʼ awɨgɨnə ntsa a ndzum nɨgham nɨ nkənu, taŋ á bɨgɨnə be ntsambyi nɨfuʼ na bɨ ghanɨ a mbó wɛrə tso akáŋ a Ŋwi ə.

Jemsɨ 1:18 Referans Kwoze

1 Bita 1:23

A nɨ kɔŋ a ŋwɔn nɨ ŋwɔn mbɨ́ʼ ngə́ a ntsǎ a ndzum nɨgham nɨ Ŋwi na nɨ ghánɨ́ ntsi ntən nkə́ nghɔ́ŋə́ nɨnkoŋ lá, bɨ bənə nkwiʼ njwi awən tso ɨbɔ bɨ tarɨ wa ka a nkfǒ ayi, nkeʼ ɨbɔ bɨ tarɨ wa a kfónə́ be.

Yoane 1:13

Bo sé bé ɨbɔ bɨ Ŋwi lá adzaŋ za ŋwɔn a bénə́ mɔn, lá be ngə́, bɨ sé jwi awa tso ɨbɔ bɨ tarɨ wu atuəshe; Ŋwi zɨmboŋ a bé Ta ɨwa ghe.

1 Bita 1:3

A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,

Nkyɛʼə 14:4

Bo lá ɨbɛn ba bɨ bvurɨ tɨ shwiʼ ɨtumbəm ɨtsa bo bɨ bəngye, bo nɨ ngo ghe. Bo zɔŋə a Mɔn Mbyindzɨ wa adiʼ atsum za wɛrə ghɛnə ghe. Bɨ zonɨ ɨtú ɨtsa a mbó ngwəgɨ ŋwɔn mɨsɔŋ a ntsu tsum, ntiʼ mbe bɨtsabɨmbyi ba bɨ ghanɨ awa a mbó Ŋwi nkɨ nga a mbó Mɔn Mbyindzɨ wa.

Ɛfɛso 1:12

Bɨgɨnə ba bɨ tsánɨ́ mbyi ntsi nɨ ntsiŋə nɨ ntəm tsum a nye Kristo, bɨ tiʼ ntsɔʼ awɨgɨnə ngə́ á ntsi mbyi ɨzɨgɨnə ɨ tsi a mbontɨ nɨfáŋ ɨni ɛ.

1 Yoane 3:9

Ka ŋwɔn tse wa a nɨ mɔn Ŋwi a ngěn ayi nɨ mbyi a ngɨ ɨbvu, mbɨ́ʼ ngə́ ngótɨ́ mbě Ŋwi ɨ tsi a mu ɨnye zɨ; mbɨ́ʼ ngə́ Ŋwi a nɨ Ta ɨyi, a chi keʼ ngěn nɨ mbyi a ngɨ ɨbvu ə.

Ɛbal 12:23

Nɨ yenə nkuʼ a nye ngǒtə za ɨ fi be ngǒtə bɨtsabɨmbyi bɨ ɨbɔ ba bɨ ŋwaʼnɨnɨ mɨkum ɨma a fɔməbvurə, a nye tabyɛn wa a nɨ Ŋwi ŋwɔn tsum, a nye ɨzhwi ɨbɛn ba bɨ chinɨnɨ, bɨ ghɨ bo kɔʼ ntɛm ngə́ tsáŋ ə.

Jemsɨ 1:21

Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.

1 Korɨnto 4:15

Mbɨ́ʼ ngə́ be nɨ kwɛ ntsi nɨ ɨbɛn a ɨnɔ ɨnɔ ba bɨ tɨ́gɨ́tɨ́nə́ awən a mu ntsi mbyi ɨzən a ndzɔŋ Kristo, nɨ tsi tsɛʼ nɨ táʼ tarɨ ə. Mbɨ́ʼ ngə́ a mu ntsi mbyi ɨzən a mbúm bɨŋ bɨ Kristo Yeso, ma nɨ ta ɨwən mbɨ́ʼ ngə́ ma yén nɨ Nkən wu Shiʼnɨ a mbó bɨŋ ə.

Roma 4:17

Aŋwaʼnɨ a Ŋwi a soŋ ngə́, “Ma ghɨ agho a nye ta bɨ ɨtom tsɨ ghaʼnə” — a ɨshi Ŋwi, zɨ wa wɛrə a nɨ́ŋnɨ́ ntəm ɨyi wə ɨnye, wa a ghánɨ́ ntsi ntən a mbó bɨkfú nkə́ ngɨə ɨdzúm tsa tsɨ kwɛ́nɨ́ keʼ tsi, á tsɨ chyɛ.

2 Korɨnto 6:7

Nkən wa bɨgɨ sóŋnə́ nɨ nkən wu nkənu, nkə́ ndɔ́gə́ lá mɨtən mɨ Ŋwi ɨ sóŋə́ a wɛrə ɨwu ə. Mbɨ́ʼ ngə́ anu za bɨgɨ ghɨnə nɨ anu zə chinɨnɨ, ka ŋwɔn tse a tsi ayi nɨ anu a tɨbɔŋ zə tsɛrə a sóŋə́ mbɨ́ʼ ɨfaʼ ɨwɨgɨ ə.

Ɛfɛso 1:13

Ntsa a ndzum zɨ, bən ba nɨ kɨnə nkɨ ndzuʼ nɨgham nɨ nkənu, Nkən wu Shiʼnɨ wu ndoŋ bɨŋ ə. Nɨ kɨnə nkɨ nɨŋ mɨntəm ɨmən a nye Kristo, Ŋwi a lyigɨ awən nɨ Azhwi zə Fɛmnɨ za wɛrə a káʼnɨ́ lá.

2 Timotyo 2:15

Ghɨ atsum a ndzé ngə́ o tɛm a ɨshi ɨmɨgɨ Ŋwi tso ŋwɔn wa bɨ bemtɨnɨ ayi, tso ngaŋ afaʼ za ka ɨ ndɨrə ayi atú mbɨ́ʼ afaʼ azhi, ŋwɔn wa a diʼnɨ nkən mbɨ́ʼ nkənu Ŋwi ɨ shiʼnɨ ə.

Jemsɨ 1:15

Ɨnu tsɨ tɔmnɨnɨ ɨtsa mətsiŋ tɛ́mə́ nɨ mɔn njwǐ ɨbvu ə; ɨbvu ghɨ́ nkwí ntiʼ ndəmə, ɨ jwi nɨvwo ə.

Jemsɨ 3:14

Lá be a be ngə́ a mu ntəm ɨgho a tsi aghɨʼnɨ abɔʼnɨ ɨkarɨ, koʼ ntɛ́rə́ mbɨ́ʼ a zóŋ ɨgho mbɨ́ʼ ngə́ o diʼə ngə́ nkən Ŋwi se nkənu be ə.