Jemsɨ 1:16 - Mɨkan wu Fi

¹⁶ O ɨbɔmbɨma ɨban, á ŋwɔn tse a keʼ awən tamtə!

Jemsɨ 1:16 Referans Kwoze

Jemsɨ 1:19

O ɨbɔmbɨma ɨban, á nɨ waʼtɨ aziŋ ə! A ŋwɔn tsum ɨ mɔ́ʼɔ́ mɔ́ʼɔ́ a shwaŋ ɨtoŋnɨ ɨchi a ndzúʼ atsum, nkeʼ ngyáŋnə́ ngamə, nkeʼ nkə́ ngyáŋnə́ ndwi ntɔŋ ə.

Filibi 2:12

Ma lan nə bɨson ɨban ba ma kɔŋnɨ tsɛʼ a nkan, adzaŋ za nɨ kɨ chinə ndzúʼnə́ aghan nkfu tsum mbáʼ ma tsínɨ́ bɨgɨnə lá, anu za a təntɨnɨ tɨtsɔŋnɨ a nɨ ngə́ á nɨ ndzúʼnə́ aghan ngɛn nɨ mbyi mbáʼ ma sa bɨgɨnə bə mbvurɨ ntsi lá. A nɨ ngěn nɨ mbyi ɨ faʼə nɨ nɨbɔgɨ abɔʼnɨ mbɨŋnə a ɨshi ɨmɨgɨ Ŋwi taŋ ɨ dzɨ ɨloŋ ə.

Galesha 6:7

A nɨ keʼ ɨtumbəm ɨtsən tamtə; ŋwɔn tse a chi keʼ a Ŋwi werə. Ɨbɛn ghɨ fuʼ tsɛʼ ndəŋndəŋ azúm za bo bínə́.

Kolose 2:8

A nɨ tiʼ ndzɛn ngə́ á ŋwɔn tse a keʼ ghɨ awən a nye ɨbuʼ ntsa a ndzum ntam tənu zóŋ ŋwɔn mɨsɔŋ a ntsu za ɨ lonə a nye ɨnu tsa ŋwɔn mɨsɔŋ a ntsu a diʼnə ndo a mbó bɨtarɨ nkon a mbó ɨbɔ nkɨ ndo a mbó ɨzhwi tsa tsɨ sáʼnɨ́ mbyi-mbyi tsum, nkeʼ be a mbó Kristo lo lá.

Ɛbal 13:1

A ɨbɔmbɨma a ndzum Kristo ngěn nɨ mbyi nkɔŋnə awa bo nɨ bo ghe.

Kolose 2:4

Ma tiʼə sóŋə́ a mbó bɨŋ ə, á ŋwɔn tse a keʼ awən tamtɨ nɨ mɨgham mɨ ndɛgɨ ma ka anu zə tsɛrə a tsi ayi ɨwu, kɔ́ŋ mɨ fi tso mɨ bɔŋ be lə́ ghe.

Jemsɨ 2:5

O ɨbɔmbɨma ɨban, zuʼnə! Ŋwi a tsɔ́ʼ ngaŋ afúm tsɨ atuəshe zen ngə́ á bo be ngaŋ afuʼ zə wi a mu abeməntəm aza, ɨ kɨ tsi nɨ nɨfɔ na wɛrə a káʼnɨ́ a mbó ɨbɛn ba bɨ kɔŋnɨ ayi ɛ.

2 Timotyo 2:18

Bo nyɛʼtɨnə ndómnji nkənu nkə́ ntíʼə ntɔ́bə́ abeməntəm a ɨbɛn bə tse ba bɨ nɨŋnɨ mɨntəm ɨma a nye Kristo, adzaŋ za bo sóŋnə́ ngə́ nzhwemnə ɨzɨgɨnə a mbó nɨvwo kwɛnə ndɔgɨ adiʼ ə.

Filibi 4:1

Ɨbɔmbɨma ɨban, ma kɔŋ awən be tɨ́sə́n nkə́ ndǒ nɨ ntəm ɨghə ɨtsum a ndzé bɨŋ ə! Nɨ ghɨə ma dorɨnə be tɨsɨŋə! Ma kə́ ŋǔʼ ɨnye ɨzan be tɨ́sə́n mbɨ́ʼ awɨŋ ə! O ɨbɔmbɨma, nə tiʼ mbe adzaŋ za nɨ tsinɨ nɨ ɨ tɛm ɨ tɨŋənə ngə́ twə́ŋ a mu ntsi mbyi ɨzən a mbúm bɨŋ bɨ Maʼmbyí ɛ.

1 Korɨnto 6:9

Nɨ se zhi ngə́ ɨbɛn ba bɨ se chinɨ a ɨshi ɨmɨgɨ Ŋwi ghɨ keʼ kon a mu Nɨfɔ nɨ Ŋwi le? A nɨ keʼ ɨtumbəm ɨtsən tamtə; ɨbɛn ba bɨ ghɨnɨ ɨnu ntɔrɨ ɨlɛbɨ, kə ba bɨ ghúʼsɨ́nɨ́ ɨbɔ bɨ abe, kə ɨbɛn ba bɨ chwurɨnə, kə mbáŋnɨ́ tsa tsɨ lɔgɨnə a tsə mɔʼɔ,

Marɨkusɨ 12:27

Wɛrə a nɨ Ŋwi wu ba bɨ tsinɨ ntən, nkeʼ wu bɨkfú be. Nɨ fan ngɛn mɛtə!”

Marɨkusɨ 12:24

Yeso a chwɨ́gɨ́ awa ngə́, “Nɨ fan be tɨsɨŋə! Nɨ zhi anu za a ghɨnɨ ma lan lá le? A nɨ mbɨ́ʼ ngə́ nɨ se zuʼ nkɨ nji Aŋwaʼnɨ a Ŋwi kə mɨtən mɨ Ŋwi ə.

Matyo 22:29

Yeso a chwɨ́gɨ́ a mbó bo ngə́, “Nɨ fan be tɨsɨŋə! A nɨ mbɨ́ʼ ngə́ ka nɨ zhi awən anu za a tsinɨ a mu Aŋwaʼnɨ a Ŋwi kə mɨtən mɨ Ŋwi ə.

Ɨfaʼ 1:15

A ndzum njwi tsɨ tse a nɨsháŋnɨ́, ɨbɛn ba bɨ nɨ́ŋnɨ́ mɨntəm ɨma a nye Yeso wɛ́m ngǒtə ghe. Ɨbɛn bɨtsum ba bɨ tsínɨ́ ɨwu bɨ bé tso 120 ghe. Bita a ló atɨ́ a ngamə ɨ soŋ ngə́,

Jemsɨ 1:2

Ɨbɔmbɨma ɨban, á nɨ lɔgɨ ɨtumbəm ɨtsən a nye ngaŋ abɔŋətú mbáʼ be akwaʼnɨ abə́ŋ abə́ŋ a bom awɨŋ ə,

Jemsɨ 2:1

Ɨbɔmbɨma ɨban, tso ɨbɛn ba bɨ nɨŋnɨ mɨntəm ɨma a nye Maʼmbyí Yeso Kristo ɨwɨgɨnə, Maʼmbyí wu nɨfáŋ, nɨ mɨ zagɨ ɨ keʼ ngɨ̌ ɨnu a nye ɨbɛn atú atú ndzɔ̌ŋ adzaŋ za nkyerɨ za ɨ benə.

Jemsɨ 2:14

Ɨbɔmbɨma ɨban, ɨbɔŋ tse tsi ɨwu a mbó ɨbɛn a sóŋə́ ngə́ bo tsi nɨ abeməntəm mbáʼ be ɨfaʼ ɨwa chi keʼ diʼ a zɛrə le? Be abeməntəm məza a loŋ awa le?

Jemsɨ 3:1

Ɨbɔmbɨma ɨban, á bən bə ghaʼnɨ keʼ be bɨdiʼ bɨ aŋwaʼnɨ ə. Adzaŋ za nɨ zhinɨ lá, bɨ ghɨ sáʼ awɨgɨ bɨdiʼ bɨ aŋwaʼnɨ nɨ ntɛgɨ nɨdɨgɨ za ɨ ghɛnɨ nɨ mbyi ɛ.

Jemsɨ 3:10

Mɨgham mɨ nga mɨya abɔʼnɨ mə ndɔʼə fúə tsɛʼ a mu táʼ ntsu ə. Ɨbɔmbɨma ɨban, á ziŋ anu a keʼ fuə!

Jemsɨ 4:11

Ɨbɔmbɨma ɨban á nɨ keʼ ngǎm ɨnu tsɨ tɔmnɨnɨ mbɨ́ʼ a ŋwɔn nɨ ŋwɔn ə. Be nɨ ngǎm ɨnu tsɨ tɔmnɨnɨ mbɨ́ʼ ɨbɛn ba bɨŋ bo zɔŋnə a Kristo kə ɨ sáʼə awa, nɨ ghǎm ɨnu tsɨ tɔmnɨnɨ lá mbɨ́ʼ a Nyɔngɔŋ nkə́ sáʼə a wɛrə ghe. Be o sáʼə a Nyɔngɔŋ, lá be ngə́ ka o bvurɨ mbe agho ŋwɔn wa a zúʼnɨ́nə́ a Nyɔngɔŋ, lá mbe be ŋwɔn wa a sáʼnə́ a wɛrə ghe.

Jemsɨ 5:12

Za a tsanɨ atsum nə ɨbɔmbɨma ɨban, a nɨ ngə́ á nɨ keʼ kan mbáʼ nɨ ghɨnə akaʼ ə. A nɨ keʼ kan nɨ ɨkum fɔməbvurə kə nɨ ɨkum atuəshe kə nɨ ɨkum azúm zə tsɛrə zədaŋ ə. A e ɨgho a be e, á ngáŋ ɨgho a be ngáŋ, taŋ á bɨ keʼ soŋ ngə́ o vwo ɨsáʼ ə.

Jemsɨ 5:19

Ɨbɔmbɨma ɨban, be ŋwɔn tse a nyɛʼ nkənu nkarɨ ngɛn ayi nɨ mɨndóm mədaŋ, ŋwɔn wu mɔʼɔ a lɔgɨ ayi mbə mbən nɨ zɨ,