Jemsɨ 1:14 - Mɨkan wu Fi

¹⁴ Lá bɨ kwaʼnɨ ɨbɛn lá a nkfu za ɨnu tsɨ tɔmnɨnɨ tsa bo lɔnə sɨtɨnɨ awa nkɨ mbentɨ awa nkoə.

Jemsɨ 1:14 Referans Kwoze

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Matyo 15:18

Lá, ɨnu tsa ŋwɔn a fɨ́gɨ́nə́ ɨ sóŋə́ nɨ ntsu ɨyi, tsɨ lǒ lá wə mu ntəm, nkɨ mbe lá ɨnu tsa tsɨ ghɨnə ŋwɔn a keʼ fɛm a ɨshi ɨmɨgɨ Ŋwi ə.

Ɛbal 3:13

Lá, a ngɨə ngə́ á ɨbvu keʼ tamtɨ a táʼ ŋwɔn nɨ bən á ntiʼə ntɨŋə atú a mbó Ŋwi, nɨ tsi nɨ ngwɔŋtɨ ŋwɔn nɨ ŋwɔn njwi tsum ɨ kɔʼ kuʼ a nye nkfu za bɨgɨnə zuʼnɨ bɨ soŋ atú a nɨgham zen ngə́ “Sɨŋə” ghe.

Roma 7:13

Lá məzen a diʼ ngə́ anu zə shiʼnɨ a báŋnɨ́ ngɨ ma kfo le? Kə́ kə́! A nɨ ɨbvu mbáʼ ɨ ghɨ́nɨ́ ma kfo; ɨbvu ɨ tsá a ndzum anu zə shiʼnɨ ngyen nɨ nɨvwo a ɨnye me, taŋ á ngótɨ́ mbě ɨzhi tso ɨbvu tiʼ ntsi asaŋəsaŋ ə. Ma lan, a ntsǎ a ndzum ntɨgə, ɨbvu diʼ ngə́ zɨə bɨ́gɨ́ ntsa mbó ə.

Matyo 5:28

Lá tɨtsɔŋnɨ ma soŋ a mbó bən ngə́: ŋwɔn tsum wa a lenɨ a mangye nghɨʼnɨ a nchyɛ́ nɨ anu bo zɨ, a binə nchwurɨ bo mangye məwa a mu ntəm zɨə.

Roma 7:11

Ɨbvu ɨ tsí nɨ abárɨ́, ntsa a ndzum ntɨgə ntamtɨ aghan nkɨ njwitɨ aghə.

Matyo 15:20

Nə nɨ ɨnu tsa tsɨ ghɨnə ŋwɔn a keʼ fɛm a ɨshi ɨmɨgɨ Ŋwi ə. Lá a ndzɨ́ə tɨ sugɨ mbó adzaŋ za bo sóŋnə́ lá — ka məzen a ngɨə ayi á ŋwɔn a keʼ fɛm á ɨshi ɨmɨgɨ Ŋwi ə.”

Matyo 4:1

Azhwi a tíʼ ngɨ Yeso a ghɛn a mu mɨkɨghonɨ ngə́ á Dəbɨrɨ a kwaʼnɨ ayi ɛ.

Jemsɨ 1:13

Be bɨ kwaʼnɨ ɨbɛn nɨ ɨbə́ŋ ɨkwaʼnɨ mətsa, á bo keʼ zagɨ soŋ ngə́, “Akwaʼnɨ zen a lo a mbó Ŋwi ə.” Mbɨ́ʼ ngə́ ɨnu tsɨ tɔmnɨnɨ chi keʼ a Ŋwi kwaʼnɨ, wɛrə zɨmboŋ a keʼ nkə́ nkwáʼnə́ a ŋwɔn tsɛrə ghe.

Jemsɨ 1:15

Ɨnu tsɨ tɔmnɨnɨ ɨtsa mətsiŋ tɛ́mə́ nɨ mɔn njwǐ ɨbvu ə; ɨbvu ghɨ́ nkwí ntiʼ ndəmə, ɨ jwi nɨvwo ə.