Jemsɨ 1:12 - Mɨkan wu Fi

¹² Nɨdorɨ tsi a mbó ba bɨ chigɨnɨ ntəm a nkfu za bɨ zhwəŋtɨnɨ awa, mbɨ́ʼ ngə́ be bo tsa abə́ŋ a njwəŋtə məza muŋ bo mɨ kwarɨ mɨkyaŋnɨ ma mɨ lá ntsi mbyi za Ŋwi a kaʼnɨ a mbó ba bɨ kɔŋnɨ ayi ɛ.

Jemsɨ 1:12 Referans Kwoze

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

Nkyɛʼə 2:10

A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.

Jemsɨ 5:11

Bɨgɨnə lɔgɨ awa tso ɨbɛn ba bɨ fɔ́gɨ́nɨ́ lá mbɨ́ʼ ngə́ bo chígɨ́ ntəm ə. Nɨ zuʼnə mbɨ́ʼ nchigə zɨ Jobɨ, nkɨ nji adzaŋ za Maʼmbyí a ghánɨ́ wəmbo a ndwitə ghe. Maʼmbyí a lon nɨ akômɨlɨŋnɨ abɔʼnɨ ngɨ ɨbɔŋ ə.

Roma 8:28

Bɨgɨnə zhi ngə́ anu atsum za a fúnə́ a nye bɨgɨnə, Ŋwi a kyáŋtə́ ngə́ á fu mbe zə shiʼnɨ a mbó bɨgɨnə ba bɨ kɔŋnɨ ayi, bɨgɨnə ba Ŋwi a tsɔʼnɨ taŋ ɨ ghɨ á anu za wɛrə a lɔnə á fuə.

Matyo 10:22

Ŋwɔn tsum a ghɨ ban awən mbɨ́ʼ atú azə. Lá ŋwɔn tsum wa a chigɨnɨ ntəm ɨ ghɛn kuʼ a ndwitə, bɨ ghɨ loŋ ayi ɛ.

1 Korɨnto 9:25

Ŋwɔn nɨkɨə tsum a tɛ́gɨ́ atú azhi tsɛʼ ɨ shiʼnɨ a nye mɨndóm mɨtsum tsɛʼ taŋ ɨ kwarɨ mɨkyaŋnɨ ma mɨ mɨ keʼ ghɔŋ nɨnkoŋ ə; lá bɨgɨnə ghɨə mə lan lá a nkwárɨ́ mɨkyaŋnɨ ma mɨ mɨ ghɔŋ nɨnkoŋ ə.

1 Bita 3:14

Lá be a kwɛ mbe ngə́ nɨ mɨ ze ngɨ́ʼ mbɨ́ʼ ngɨ anu zə kuʼnɨnɨ, nɨ tsi nɨ nɨdorɨ be tɨsɨŋə! A nɨ keʼ a ŋwɔn tsɛrə a mbɔ́gə́, nkeʼ ɨnye ɨtsən nkə́ mbúʼə ghe.

2 Timotyo 4:8

Azúm za a zhwíʼtɨ́nə́ aghan tɨtsɔŋnɨ a nɨ ndɔ́ŋ ayanguʼ mbɨ́ʼ ngə́ ma tsinə ntsi mbyi za ɨ chinɨnɨ a ɨshi ɨmɨgɨ Ŋwi, zɛrə za Maʼmbyí, zɨ wa a nɨ Tabyɛn, a ghɨnɨ gha a mbó me a Njwi wa. Wɛrə a mɨ keʼ tsɛʼ a mbó me gha, lá ɨ kɨ gha a mbó ŋwɔn tsum wa a tsenə a wɛrə nɨ akɔŋnɨ ngə́ á wɛrə a ghɨ fú a ɨshe lá.

Jemsɨ 2:5

O ɨbɔmbɨma ɨban, zuʼnə! Ŋwi a tsɔ́ʼ ngaŋ afúm tsɨ atuəshe zen ngə́ á bo be ngaŋ afuʼ zə wi a mu abeməntəm aza, ɨ kɨ tsi nɨ nɨfɔ na wɛrə a káʼnɨ́ a mbó ɨbɛn ba bɨ kɔŋnɨ ayi ɛ.

1 Bita 5:4

A nkfu za atú a ngaŋ ntsiŋ mɨnyam a ghɨnɨ fú a ɨshe, nɨ ghɨ kwárɨ́ ɨsáʼfɔ zɨ nɨfáŋ za ka ɨ shwetə ayi lá.

1 Korɨnto 2:9

Lá aŋwaʼnɨ a Ŋwi soŋ ngə́: “Za ŋwɔn tse a láʼnɨ́ nkeʼ zɛn kə ndzuʼ, za ŋwɔn tse a láʼnɨ́ nkeʼ kwaʼtɨ ngə́ a chi fu, a nɨ tsɛʼ zɛrə mbáʼ Ŋwi a kyáŋtɨ́nɨ́ a mbó ɨbɛn ba bɨ kɔŋnɨ ayi ɛ.”

Nkyɛʼə 3:21

A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

1 Bita 4:13

A nɨ báŋnə́ ndórə́ be ngə́ nɨ kə́ ndzě ngɨ́ʼ za Kristo a zɛ́nɨ́, taŋ á nɨ chi lon nɨ nɨdorɨ a nkfu za Ŋwi a kyɛʼnɨ nɨfáŋ ɨni ɛ.

1 Korɨnto 8:3

Lá ŋwɔn wa a kɔŋnɨ a Ŋwi, Ŋwi a zhi ayi ɛ.

Nkyɛʼə 3:19

Ma ghamtə nkə́ nɨ̌ŋ ngɨ́ʼ a nye ŋwɔn tsum wa ma kɔŋnə. A nɨ mbɛ́bə́ a mbəŋ mɨntəm ɨmən a nye mɨbvu ɨmɨŋ ə.

Ɛbal 10:32

Lá nɨ waʼtɨ adzaŋ za a tsínɨ́ nɨ bən a mbyi ɛ. A nye njwi mətsa, mbáʼ nɨ fómnɨ́ nɨŋ mɨntəm ɨmən a nye Nkən wu Shiʼnɨ lá, nɨ zé ngɨ́ʼ a mbó ɨnu tsə ghaʼnɨ, lá ngɨ́ʼ məzen ɨ sé awən gháʼə.

Ɛbal 6:15

Abraʼm a tsí nɨ nchigə, ma lan, wɛrə a kwárɨ́ a za Ŋwi a káʼnɨ́ ayi nɨ zɛrə ghe.

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.

Ɛbal 11:17

A ndzum abeməntəm, Abraʼm a ghá a mɔn ɨyi Isak tso mɨtsuʼnɨ mɨ atú a nkfu za bɨ zhwə́ŋtɨ́nɨ́ a zɨ Abraʼm ə. Abraʼm, zɨ wa Ŋwi a káʼnɨ́ ayi a sé baŋnɨ nton a ngá mɔn ɨyi məwen wa a núnɨ́ zɨzɨ tso mɨtsuʼnɨ mɨ atú ə.

1 Yoane 4:19

Bɨgɨnə kɔŋə mbɨ́ʼ ngə́ Ŋwi a fóm nkɔŋ awɨgɨnə ghe.

Ɛbal 12:5

Nɨ kɨnə nkɨ ndɨgɨnɨ ngwɔŋtə za Ŋwi a wɔŋtɨnə awən nɨ zɛrə tso ɨbɔ ɨbyi le? Wɛrə a soŋ ngə́, “Mɔn ɨghan, o koʼ lɔgɨ nchisə za Maʼmbyí a chísɨ́nə́ agho ɨwu tso ɨnu adaŋədaŋə, kə nkoʼ kɨ ntsi tɨ nkotɨ mbáŋnɨ́ ɨtso a nkfu za wɛrə a shwómnə́ agho ə.

Alukasɨ 6:22

“Nɨdorɨ tsi a mbó bən wa ɨbɛn banə awən, ntánə́ awən ɨ nyɛ́ʼnə́, ndzɔ́mə́ awən, ɨ sóŋə́ ngə́ nɨ nɨ ɨbɛn bɨ ngɨ ɨnu tsɨ tɔmnɨnɨ, ɨtsum tsɛʼ mbɨ́ʼ a Mɔn ŋwɔn!

Roma 5:4

achigəntəm a ghɨə Ŋwi a bemtɨnə awɨgɨnə, mbemtə ɨzhi məzen ɨ ghɨə bɨgɨnə tsinə nɨ ntsiŋə nɨ ntəm tsum ə.

2 Timotyo 2:15

Ghɨ atsum a ndzé ngə́ o tɛm a ɨshi ɨmɨgɨ Ŋwi tso ŋwɔn wa bɨ bemtɨnɨ ayi, tso ngaŋ afaʼ za ka ɨ ndɨrə ayi atú mbɨ́ʼ afaʼ azhi, ŋwɔn wa a diʼnɨ nkən mbɨ́ʼ nkənu Ŋwi ɨ shiʼnɨ ə.

1 Bita 4:14

Nɨdorɨ tsi a mbó bən mbáʼ be bɨ ndzɔ́mə́ awən mbɨ́ʼ ngə́ nɨ nɨ ɨbɛn ba bɨ zɔŋnə a Kristo ghe; məzen a diʼ lá ngə́ Azhwi a nɨfáŋ za, mbe Azhwi a Ŋwi a tsi a nye bɨŋ ə.