Ɛbal 8:3 - Mɨkan wu Fi

³ Bɨ tsɔʼə a Ntumshe wu Ngwi tsum lá ngə́ á ngǎ akáŋ a Ŋwi abɔʼnɨ mɨtsuʼnɨ mɨ atú ma a nɨ mɨnyam a mbó Ŋwi; ma lan, Ntumshe wu Ngwi ɨwɨgɨnə mɨ kɨ zagɨ tsi nɨ azúm zə ghanə.

Ɛbal 8:3 Referans Kwoze

Ɛbal 5:1

A tsɔ́ʼə Ŋwi ntsɔʼə a ntumshe wu ngwi tsum a tɨtərɨ ɨbɛn ɨbyi ngə́ á faʼə a mbó Ŋwi nɨ ɨkum ɨwa a ngá mɨtsuʼnɨ mɨ atú abɔʼnɨ akáŋ a Ŋwi mbɨ́ʼ mɨbvu ɨma ghe.

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Ɛbal 9:14

Mbáʼ məzen a nɨ nkənu lá, a ghɨ tíʼ be ɨ lə́ a mbó alɛm a Kristo le? A ntsǎ a ndzum Azhwi a nɨnkoŋ, wɛrə a ghá atuəmbəm azhi tso mɨtsuʼnɨ mɨ atú ma mɨ tsinɨ tɨ alɔʼ a mbó Ŋwi ə. Alɛm a wɛrə a mɨ sugɨ mɨntəm ɨmɨgɨnə a nye mbɔm alaʼ tsa tsɨ se nɨ ɨlɨŋ tse tsi, taŋ á bɨgɨnə faʼə a mbó Ŋwi, zɨ wa a tsinɨ atú ntən lá.

Ɛbal 7:27

Ka wɛrə a be ayi tso bɨntumshe bə wi bə mɔʼɔ, ba bɨ tsinɨ nɨ ɨ fom gha mɨtsuʼnɨ mɨ atú njwi tsum taŋ ɨ sugɨ mɨbvu ɨma zaʼnɨ bɔŋ ɨ tiʼ sugɨ mə ɨbɛn ɨba ghe. Wɛrə a ghɨ́ a məzen táʼ nkfu nɨnkoŋ a nkfu za wɛrə a ghánɨ́ atuəmbəm azhi lá.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

Yoane 6:51

Ma nɨ abán za a ghánɨ́ ntsi ntən za a lónɨ́ a fɔməbvurə ɨ shiʼə. Be ŋwɔn a kfurɨ abán məzen, muŋ a mɨ tsi ntən nɨnkoŋ ə. Abán za ma mɨ ghɨ gha a mbó ɨbɛn bɨ atuəshe a nɨ ɨnyam ɨnye ɨzan za ma ghánə́ taŋ atuəshe a chi tsi atú ntɨŋ ə.”

Roma 4:25

Mbɨ́ʼ mɨbvu ɨmɨgɨnə, bɨ ghá a wɛrə a mbó nɨvwo, nkɨ ntiʼ nzhwemnɨ ayi ngə́ á tsi ntən taŋ ɨ ghɨ á Ŋwi a bem ngə́ bɨgɨnə chinɨ a ɨshi ɨmɨgɨ zɨə.

Roma 5:6

A nkfu za bɨgɨnə chínɨ́ keʼ kwatɨ ɨtumbəm ɨtsɨgɨnə, Kristo a kfó mbɨ́ʼ atú a bə abɨgəntəm a nkfu za ɨ kúʼnɨ́nə́.

Roma 5:8

Lá Ŋwi a diʼnə ngə́ zɨə kɔŋ awɨgɨnə be tɨ́sə́n a nye ndómnji wɛnə ngə́ mbáʼ bɨgɨnə bvúrɨ́ mbé ngaŋ ngɨ mɨbvu, Kristo a kfó atú bɨgɨnə ghe!

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Ɛbal 2:17

Ma lan, nə nɨ anu za mbáʼ a tsínɨ́ nɨ mbe tso ɨbɔmbɨma ɨbyi a nye mɨndóm mɨtsum, taŋ ɨ be ntumshe wu ngwi ɨwa, wa a faʼnə tsɛʼ nɨ táʼ ntəm abɔʼnɨ akômɨlɨŋnɨ a mu afaʼ azhi a mbó Ŋwi, taŋ á Ŋwi a lɨgɨnɨ mɨbvu mɨ ɨbɛn ə.

Ɛbal 3:1

Ma lan nə ɨbɔmbɨma ɨban a ndzum Kristo, bən ba Ŋwi a kɨnɨ nkɨ ntsɔʼ awən lá, á nɨ tɛgɨ ɨmɨgɨ ɨmən ɨ shiʼnɨ a Yeso məwiŋ ə. A nɨ zɨ wa Ŋwi a tságɨ́nɨ́ ngə́ á be ntumshe wu ngwi wu anu za bɨgɨnə nɨŋnɨ mɨntəm ɨmɨgɨnə ɨwu lá.

Ɛbal 8:4

A be be ngə́ wɛrə a tsi lá atuəshe muŋ ka wɛrə a kwaŋ mbe ayi ntumshe tsɛʼ benɨ, mbɨ́ʼ ngə́ bɨntumshe tsi ɨwu ba bɨ ghánɨ́ ɨdzúm tsə ghanɨ ndzɔŋə a Nyɔngɔŋ bə Yuda ghe.