Ɛbal 8:2 - Mɨkan wu Fi

² Wɛrə a faʼə tso Ntumshe wu Ngwi a mu Adiʼ za a Fɛmnɨ ntsa Atsum, lá be ngə́, a mu ngótɨ́ ntaŋ wa a vwúnɨ́ Maʼmbyí nkeʼ be ŋwɔn mɨsɔŋ a ntsu be.

Ɛbal 8:2 Referans Kwoze

2 Korɨnto 5:1

Bɨgɨnə zhi ngə́ a nkfu za ntaŋ wen wa bɨgɨnə tsínə́ wə mu — mbe lá mbəmnye ɨzɨgɨnə ɨghan atuəshe — bɨ kum, Ŋwi a mɨ tsi nɨ ndá a mbó bɨgɨnə a nchyɛ̌ ɨwu a fɔməbvurə, njwuʼ za a vwunɨ zɨmboŋ, za ɨ ghɨnɨ ghɔŋ nɨnkoŋ ə.

Roma 15:8

Mbɨ́ʼ ngə́ ma sóŋə́ awən ngə́ a mu ntsi mbyi Kristo, wɛrə a kə́ faʼə a mbó bə Yuda, a ndiʼə ngə́ ka Ŋwi a nchwě ayi ɨnu ə. Məzen a tsi lá a ngɨə ngə́ ɨnu tsa zɨə káʼnɨ́ a mbó bɨta ɨba bə kɔ́ʼɔ́nguʼ á tsɨ fu a nye nkənu,

Ɛbal 11:10

Mbɨ́ʼ ngə́ Abraʼm a kə́ ntsiŋə a nchyɛ́ a mu ntáʼmbagə wu wi wa ɨ tsínɨ́ nɨ ndá tsa tsɨ tsínɨ́ nɨ ɨtsé ndá tsə nɨnkoŋ tsa Ŋwi a kwɛ́nə nkyaŋtɨ nkorɨ ndɛn ɨwu ə.

Ɛbal 10:21

Bɨgɨnə tsi nɨ ntumshe wu ngwi wa a faʼnə a mu ndá za a nɨ zɨ Ŋwi ə.

Kolose 2:11

A mbúm bɨŋ bɨ Kristo, bɨ tsə́ŋ ɨlagɨ ɨtsən, nkeʼ ntsəŋ alagɨ za a tsəŋnə ŋwɔn mɨsɔŋ a ntsu be, lá mbe be ntsəŋ alagɨ za a tsəŋnə Kristo mbáʼ lá nkyɛtɨ mɨnkɨ mɨ abuʼ ma mbəmnye zɨ ɨbvu zen ɨ korɨnɨ awən ɨwu ə.

Alukasɨ 24:44

A tíʼ sóŋ a mbó bo ngə́, “Nə nɨ ɨnu tsa ma sóŋnɨ́ a mbó bən mbáʼ ma bvúrɨ́nɨ́ ntsi bɨgɨnə lá: anu atsum za bɨ ŋwáʼnɨ́nɨ́ a mu Nyɔngɔŋ Mǒse, ɨnu tsa ntóm Ŋwi ŋwáʼnɨ́nɨ́ ndzɔŋ nkwiʼtɨ a tsa bɨ ŋwáʼnɨ́nɨ́ a mu bɨsalms lá, ɨ ghɨ́ ntsí nɨ ɨ fuə a nye anu ə.”

Ɛbal 9:1

Akan zə ntsambyi za a tsí nɨ mbɔm za ɨbɛn kɨ́nə́ ndzɔŋə a ngúʼsɨ́ Ŋwi abɔʼnɨ adiʼ za bɨ kɨ́nə́ ngúʼsə́ a Ŋwi ɨwu atuəshe.

Ɛbal 10:11

Ntumshe tsum a faʼə ɨfaʼ ɨyi nɨ njwi nɨ njwi, nkwátə́ ngǎ ndəŋndəŋ mɨtsuʼnɨ mɨ atú ma mɨ chinɨ láʼ keʼ mɨbvu sugə.

Nkyɛʼə 21:3

Ma zúʼ nji zɨ ntən ɨ ghamnə ndo atú abərɨ za ɨ sóŋə́ ngə́: “Tɨtsɔŋnɨ njwuʼ Ŋwi tsi a tɨtərɨ ŋwɔn mɨsɔŋ a ntsu ə! Wɛrə a mɨ tsi bo bo, á bo tiʼ nkɨ mbe ɨbɛn ɨbyi ɛ. Ŋwi zɨmboŋ a mɨ tsi bo bo, ɨ kɨ be Ŋwi ɨwa ghe.