Ɛbal 8:1 - Mɨkan wu Fi

¹ Tɨtsɔŋnɨ, nkɔʼ anu za bɨgɨ sóŋnə́ lá a nɨ ngə́: bɨgɨnə tsi nɨ ntumshe wu ngwi wen wa a shiʼtɨnɨ ntsi a bagɨ abó abərɨ a Ŋwi Akɔ́ʼɔ́ntsɨrə zə maʼə a fɔməbvurə ghe.

Ɛbal 8:1 Referans Kwoze

Kolose 3:1

Ŋwi a zhwemnɨnə awən bɨŋ bɨ Kristo a mbó nɨvwo ə. Ma lan, á nɨ tɛgɨ mɨntəm ɨmən a nye ɨdzúm tsa tsɨ tsinɨ a fɔməbvurə, adiʼ wa Kristo a shiʼtɨnɨ ntsi atú abərɨ azhi a bagɨ abó a Ŋwi zə maʼə lá.

Ɛbal 1:3

Mɔn wa a lá malum wa bɨ lɔgɨnə ndzě nɨfáŋ nɨ Ŋwi ɨwu, mbe ngótɨ́ afi a Ŋwi ə. Mɨtən mɨ nɨgham ɨni byɛʼ mbyi-mbyi tsum ə. A nkfu za wɛrə a ghɨ́nə a ŋwɔn mɨsɔŋ a ntsu a fɛm a mbó mɨbvu ɨmyi lá, wɛrə a tíʼ nkɔ́ʼ ngɛ́n a fɔməbvurə, ɨ shiʼtɨ ntsi a bagɨ abó Ŋwi zə maʼə, zɨ wa a benɨ Mɨtən mɨ Akɔ́ʼɔ́ntsɨrə lá.

Nkyɛʼə 3:21

A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

Ɛbal 2:17

Ma lan, nə nɨ anu za mbáʼ a tsínɨ́ nɨ mbe tso ɨbɔmbɨma ɨbyi a nye mɨndóm mɨtsum, taŋ ɨ be ntumshe wu ngwi ɨwa, wa a faʼnə tsɛʼ nɨ táʼ ntəm abɔʼnɨ akômɨlɨŋnɨ a mu afaʼ azhi a mbó Ŋwi, taŋ á Ŋwi a lɨgɨnɨ mɨbvu mɨ ɨbɛn ə.

Ɛbal 10:12

Lá mbáʼ Yeso a ghánɨ́ atuəmbəm azhi a nye mɨtsuʼnɨ mɨ atú mɨ nɨnkoŋ mə mɨbvu táʼ nkfu lá, wɛrə a tíʼ shíʼtɨ́ ntsí a bagɨ abó Ŋwi zə maʼə,

Ɛbal 1:13

Ŋwi a láʼ nkeʼ sóŋ a mbó ntsendá Ŋwi zɨ tse ngə́: “Shiʼtɨ ntsi ɨghan, a bagɨ abó me zə maʼə ɨ kuʼ nkfu za ma ghɨ ghɨ o nyəŋtɨ ngaŋ kɨban ɨtso nɨ mɨku ɨmo.”

Ɛfɛso 6:20

Ma nɨ tamandóm nkən wu shiʼnɨ məwiŋ ə, le buŋ ma tsi be atsáŋ tɨtsɔŋnɨ ə. A nɨ ntsáʼtə́ a Ŋwi mbɨ́ʼ aghan taŋ á ma sǒŋ nkən wu shiʼnɨ məwen adzaŋ za ma tsinɨ nɨ ɨ soŋə, tɨ nɨbɔgɨ lá.

Marɨkusɨ 16:19

Mbáʼ Maʼmbyí Yeso a mɛ́tɨ́nɨ́ a sóŋ ɨnu tsen ɨtsum a mbó bo, bɨ lɔ́gɨ́ ayi nkɔ́ʼ ngɛ́n nɨ zɨ a fɔməbvurə, a tiʼ shiʼtɨ ntsi a bagɨ abó Ŋwi zə maʼə ghe.

Ɛbal 3:1

Ma lan nə ɨbɔmbɨma ɨban a ndzum Kristo, bən ba Ŋwi a kɨnɨ nkɨ ntsɔʼ awən lá, á nɨ tɛgɨ ɨmɨgɨ ɨmən ɨ shiʼnɨ a Yeso məwiŋ ə. A nɨ zɨ wa Ŋwi a tságɨ́nɨ́ ngə́ á be ntumshe wu ngwi wu anu za bɨgɨnə nɨŋnɨ mɨntəm ɨmɨgɨnə ɨwu lá.

Ɛbal 4:14

Tso mbáʼ bɨgɨnə tsinɨ nɨ ntumshe wu ngwi, Yeso, Mɔn Ŋwi, zɨ wa a ghɛnə adiʼ wa Ŋwi a tsinɨ ɨwu lá, á bɨgɨnə chwa anu za bɨgɨnə nɨŋnɨ mɨntəm ɨmɨgɨnə ɨwu lá, ɨ shiʼnɨ ə.