Ɛbal 7:8 - Mɨkan wu Fi

⁸ A nye zə bɨntumshe, bo kwárə́ a táʼ adiʼ a tɨtərɨ ɨdzúm tsa bɨ yɛbtɨnɨ ɨdiʼ tsi nɨghúm, mbe ɨbɛn ba bɨ kfókɨ́nə́ ghe; lá a nye zə Mɛkisɛdɛkɨ, wɛrə a kwárɨ́ a táʼ adiʼ a tɨtərɨ ɨdzúm tsa bɨ yɛ́btɨ́nɨ́ ɨdiʼ tsi nɨghúm, mbe ŋwɔn wa a sé kfo, adzaŋ za aŋwaʼnɨ a Ŋwi a soŋnə.

Ɛbal 7:8 Referans Kwoze

Ɛbal 6:20

A nkfu bɨgɨnə, Yeso a konə ngɛn a mu adiʼ məzen a mbyi bɨgɨnə, ntiʼ mbe ntumshe wu ngwi nɨnkoŋ tso Mɛkisɛdɛkɨ ə.

Ɛbal 5:6

A kɨ́ nkwiʼ soŋ adiʼ zə mɔʼɔ ngə́, “O ghɨ be ntumshe nɨnkoŋ, tso Mɛkisɛdɛkɨ ə.”

Nkyɛʼə 1:18

A nɨ me wa ma ghánɨ́ ntsi ntɨŋ ə! Ma kɨ kfó lá tɨtsɔŋnɨ ma tsi ntən nɨnkoŋ nɨnkoŋ ə. Ma tsi nɨ mɨtən atú nɨvwo abɔʼnɨ mbyi ɨkfú ɨbɛn ə.

Ɛbal 7:23

Anu zə mɔʼɔ a nye akaʼ zə tən zen a bə nkwiʼ nkɨ ntsi ɨwu ə: bɨntumshe bə mɔʼɔ ba tsí ɨwu bə ghaʼnɨ lá mbɨ́ʼ ngə́ bo kə́ nkfókə́, bədaŋ lɔgɨnə adiʼ aza ghe.

Yoane 14:19

A nye məkum a nkfu ɨbɛn bɨ atuəshe mɨ keʼ aghan bə ndzɛn, lá nɨ mɨ zɛn aghan; mbɨ́ʼ ngə́ ma tsi ntən nɨ ghɨ kɨ tsi ntɨŋ ə.

Ɛbal 3:16

A bé bɨwa ba bɨ zúʼnɨ́ nji Ŋwi ntón awa a ndzɔŋ zɨ lá le? A sé bo bɨtsum ba Mǒse a tsɨ́ŋnɨ́nɨ́ awa ɨ fu nɨ bo Alaʼ Gyibto lá be le?

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Ɛbal 9:27

Tso mbáʼ ŋwɔn mɨsɔŋ a ntsu a tsinɨ nɨ nkfo tsɛʼ táʼ nkfu, ɨ zɔŋtɨ, á Ŋwi a kyɛgɨnɨ abyɛn azhi lá,

Ɛbal 7:7

Ka aməŋnɨ zə tse a tsi ayi ɨwu ə, ŋwɔn wa a fɔ́gɨ́nə́ a nɨ ŋwɔn wu ngwi ntsa a ŋwɔn wa bɨ fɔgɨnɨ ayi ɛ.

Ɛbal 7:9

Ŋwɔn chi kwɛ soŋ ngə́ Levi zɨmboŋ (zɨ wa ɨbɛn bɨ ɨlə̌ ɨbyi kwárɨ́nə́ a táʼ adiʼ a tɨtərɨ ɨdzúm tsa bɨ yɛbtɨnɨ ɨdiʼ tsi nɨghúm lá) a kɨ́ ngá a táʼ adiʼ a tɨtərɨ ɨdzúm tsa bɨ yɛbtɨnɨ ɨdiʼ tsi nɨghúm ntsa a ndzum Abraʼm wa a ghánɨ́ a táʼ adiʼ a tɨtərɨ ɨdzúm tsa bɨ yɛ́btɨ́nɨ́ ɨdiʼ tsi nɨghúm lá.