Ɛbal 5:1 - Mɨkan wu Fi

¹ A tsɔ́ʼə Ŋwi ntsɔʼə a ntumshe wu ngwi tsum a tɨtərɨ ɨbɛn ɨbyi ngə́ á faʼə a mbó Ŋwi nɨ ɨkum ɨwa a ngá mɨtsuʼnɨ mɨ atú abɔʼnɨ akáŋ a Ŋwi mbɨ́ʼ mɨbvu ɨma ghe.

Ɛbal 5:1 Referans Kwoze

Ɛbal 8:3

Bɨ tsɔʼə a Ntumshe wu Ngwi tsum lá ngə́ á ngǎ akáŋ a Ŋwi abɔʼnɨ mɨtsuʼnɨ mɨ atú ma a nɨ mɨnyam a mbó Ŋwi; ma lan, Ntumshe wu Ngwi ɨwɨgɨnə mɨ kɨ zagɨ tsi nɨ azúm zə ghanə.

Ɛbal 10:11

Ntumshe tsum a faʼə ɨfaʼ ɨyi nɨ njwi nɨ njwi, nkwátə́ ngǎ ndəŋndəŋ mɨtsuʼnɨ mɨ atú ma mɨ chinɨ láʼ keʼ mɨbvu sugə.

Ɛbal 11:4

A ndzum abeməntəm, Abɛrɨ a ghá mɨtsuʼnɨ mɨ atú ma mɨ bɔ́ŋnɨ́ ngɛn nɨ mbyi ntsa a mə Kain ə. A ndzum abeməntəm azhi, Ŋwi a bémtɨ́ ngə́ wɛrə a bé ŋwɔn wa a chínɨ́nɨ́, mbɨ́ʼ ngə́ Ŋwi zɨmboŋ a bémtɨ́ azúm zə ghanɨ zə Abɛrɨ ə. Abɛrɨ a baʼtɨ nkfo ɨ kfonɨ lá, a ndzum abeməntəm azhi, wɛrə a bvurə ngamə ghe.

Ɛbal 9:9

Nə nɨ alisɨ za a fɨʼtɨnɨ anu mbɨ́ʼ nkfu tɨtsɔŋnɨ ə. A tiʼ ndiʼ ngə́ ɨkáŋ Ŋwi abɔʼnɨ mɨtsuʼnɨ mɨ atú, mbe ɨdzúm tsa bɨ ghánə́ a mbó Ŋwi chi keʼ ghɨ á ntəm ŋwɔn wu wu wa a ghúʼsɨ́nə́ a Ŋwi kɔʼ ntɛm ngə́ tsáŋ,

Ɛbal 7:27

Ka wɛrə a be ayi tso bɨntumshe bə wi bə mɔʼɔ, ba bɨ tsinɨ nɨ ɨ fom gha mɨtsuʼnɨ mɨ atú njwi tsum taŋ ɨ sugɨ mɨbvu ɨma zaʼnɨ bɔŋ ɨ tiʼ sugɨ mə ɨbɛn ɨba ghe. Wɛrə a ghɨ́ a məzen táʼ nkfu nɨnkoŋ a nkfu za wɛrə a ghánɨ́ atuəmbəm azhi lá.

Ɛbal 2:17

Ma lan, nə nɨ anu za mbáʼ a tsínɨ́ nɨ mbe tso ɨbɔmbɨma ɨbyi a nye mɨndóm mɨtsum, taŋ ɨ be ntumshe wu ngwi ɨwa, wa a faʼnə tsɛʼ nɨ táʼ ntəm abɔʼnɨ akômɨlɨŋnɨ a mu afaʼ azhi a mbó Ŋwi, taŋ á Ŋwi a lɨgɨnɨ mɨbvu mɨ ɨbɛn ə.

Roma 15:17

A nchyɛ̌ a mbúm bɨgɨ Kristo Yeso, ma chi ŋuʼ ɨnye ɨzan mbɨ́ʼ afaʼ za ma faʼnə a mbó Ŋwi ə.

1 Korɨnto 15:3

Mbɨ́ʼ ngə́ ma chwítɨ́ lá nkən wa ma kɨ́nɨ́ nkɨ́ nkwárɨ́; ntiʼ nkɨ nga a wɛrə a mbó bən tso anu za a tsanɨ mbyi ɨnu ɨtsum: ngə́ Kristo a kfó mbɨ́ʼ mɨbvu ɨmɨgɨnə, adzaŋ za aŋwaʼnɨ a Ŋwi a soŋnə;

Ɛbal 8:4

A be be ngə́ wɛrə a tsi lá atuəshe muŋ ka wɛrə a kwaŋ mbe ayi ntumshe tsɛʼ benɨ, mbɨ́ʼ ngə́ bɨntumshe tsi ɨwu ba bɨ ghánɨ́ ɨdzúm tsə ghanɨ ndzɔŋə a Nyɔngɔŋ bə Yuda ghe.

Ɛbal 10:12

Lá mbáʼ Yeso a ghánɨ́ atuəmbəm azhi a nye mɨtsuʼnɨ mɨ atú mɨ nɨnkoŋ mə mɨbvu táʼ nkfu lá, wɛrə a tíʼ shíʼtɨ́ ntsí a bagɨ abó Ŋwi zə maʼə,