Ɛbal 4:6 - Mɨkan wu Fi

⁶ Ɨbɛn ba bɨ tsánɨ́ mbyi ndzuʼ Nkən wu Shiʼnɨ mbɨ́ʼ azhwitɨ za sé kwárɨ́ azhwitɨ za, mbɨ́ʼ ngə́ bo sé nɨŋ mɨntəm ɨma a nye Nkən wu Shiʼnɨ wa. Bə mɔʼɔ bvurɨ ba bɨ ghɨnɨ kwárɨ́ a zɛrə ghe.

Ɛbal 4:6 Referans Kwoze

Matyo 21:43

Ma lan, ma soŋə a mbó bən ngə́, bɨ ghɨ kwárɨ́ Nɨfɔ nɨ Ŋwi a mbó bən ɨ gha a mbó ɨbɛn ba bɨ kónɨ́nɨ́ mɨntam mɨ Nɨfɔ məna.”

Ɛbal 4:2

Mbɨ́ʼ ngə́ bɨgɨnə zuʼnə Nkən wu Shiʼnɨ ndəŋndəŋ adzaŋ za bo kɨ́nɨ́ nkɨ́ ndzúʼə. Bo zúʼ nkən wa, lá ɨ sé ɨbɔŋ wu tse a mbó bo ghɨ mbɨ́ʼ ngə́ a nkfu za bo zúʼnɨ́ nkən məwa lá, bo sé a wɛrə kwarɨ nɨ abeməntəm ə.

Ɨfaʼ 28:28

Baolo a tíʼ ndwɨgɨnɨ soŋ a mbó bo ngə́: “A nɨ tiʼ nji ngə́ bɨ ghanə nkən Ŋwi wu ɨloŋ a mbó ba a se bə Yuda be ə. Bo mɨ kwarɨ a wɛrə ghe!”

Ɛbal 4:9

Lá adzaŋ za a tsinɨ, Njwi Alaʼ Ŋwi, njwi azhwitɨ a mbó ɨbɛn bɨ Ŋwi kɨ mbvurɨ ntsi ɨwu a mbó bo a nkúŋə́ ɨwu ə.

Galesha 3:8

Aŋwaʼnɨ a Ŋwi a fóm ndzɛ́n ngə́ Ŋwi a mɨ ghɨ á ba a se bə Yuda be tɛmnɨ a ɨshi ɨmɨgɨ zɨ ntsa a ndzum abeməntəm ə. Ma lan, aŋwaʼnɨ a Ŋwi a chwítɨ́ Nkən wu Shiʼnɨ wa a mbó Abraʼm ngə́: “A ntsǎ a ndzum gho, Ŋwi a mɨ fɔgɨ ngwəgɨ ŋwɔn mɨsɔŋ a ntsu tsum ə.”

1 Korɨnto 7:29

Ɨbɔmbɨma ɨban, anu za ma sóŋnə́ lá a nɨ ngə́: a bvurɨ tsɛʼ mə baŋtɨ lanə, ɨ kɨ biʼnɨ tɨtsɔŋnɨ ɨ ghěn nɨ mbyi, mbáŋnɨ́ nɨzɔ́ʼ tsi nɨ nchyɛ be tsɛʼ tso ngə́ bo láʼnə mbvurɨ tɨ zɔ́ʼə;

Ɛbal 4:11

Ma lan, á bɨgɨnə ghɨ atsum a nchyɛ́ nɨ azhwitɨ məza, taŋ á táʼ ŋwɔn nɨ bɨgɨnə a ghɨ́ nkeʼ sam azhwitɨ məza tso bo ba bɨ sámnɨ́ a zɛrə mbɨ́ʼ ngə́ bo sé tsi nɨ abeməntəm lá.