Ɛbal 4:3 - Mɨkan wu Fi

³ A mbó bɨgɨnə ba bɨ nɨŋnɨ mɨntəm ɨmɨgɨnə a nye Ŋwi lá, bɨgɨnə kwárə́ azhwitɨ məza, za Ŋwi a káʼnɨ́ lá. A mbó ba bɨ se nɨŋ mɨntəm ɨma a nye Ŋwi, a kɨ nyáʼ mbe lá adzaŋ za Ŋwi a sóŋnɨ́ ngə́, “Ma lwí ntɔŋ, nkan ngə́: ‹Bo láʼ keʼ kon a mu abɨŋ a ɨshe za ma tsinɨ ɨ ghɨ gha azhwitɨ ɨwu a mbó bo lá!›” A báʼtɨ́ mɛtɨ ɨfaʼ ɨyi ɨ mɛtɨnɨ nchwuʼnɨ nkfu za wɛrə a káʼnɨ́ mbyi lá, wɛrə bvúrɨ́ sóŋ a məziŋ ə.

Ɛbal 4:3 Referans Kwoze

1 Bita 1:20

Bɨ tsɔ́ʼ a wɛrə bɔŋ á Ŋwi a kaʼ atuəshe, nkɨ nkyɛʼ ayi a nye njwi ntsɨrɨndzum tsen lá mbɨ́ʼ atú azɨŋ ə.

Ɛbal 9:26

mbe be lá mə lan muŋ wɛrə a tsí nɨ ndzě ngɨ́ʼ nkfu tsə ghaʼnɨ nchwuʼnɨ nkfu za Ŋwi a káʼnɨ́ mbyi ɛ. Lá, adzaŋ za a benɨ, wɛrə a fu a ɨshe táʼ nkfu wa a ghɔŋnɨ nɨnkoŋ a nye nkfu zɨ ndwɨgɨnɨnɨ zen a sugɨ ɨbvu ntsa a ndzum nga atuəmbəm azhi tso mɨtsuʼnɨ mɨ atú ə.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Ɛbal 3:11

A mu alwɛntɔŋ məza, ma kán ngə́: ‹Bo láʼ keʼ kon a mu abɨŋ a ɨshe za ma tsinɨ ɨ ghɨ gha azhwitɨ ɨwu a mbó bo lá!›”

Matyo 13:35

A kə́ ngɨə mə lan lá taŋ á kɔʼ mbomnkɨ bo ɨnu tsa ntom Ŋwi kwɛ́nə́ soŋ ngə́: “Ma mɨ tɨ ghamə a mbó bo ɨ na nɨgham, ma mɨ soŋ ɨnu tsa bɨ kwɛ́nɨ́ ndwɛ́ʼ a mbó bo nchwuʼnɨ nkfu za Ŋwi a káʼnɨ́ mbyi ɛ.”

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.