Ɛbal 4:2 - Mɨkan wu Fi

² Mbɨ́ʼ ngə́ bɨgɨnə zuʼnə Nkən wu Shiʼnɨ ndəŋndəŋ adzaŋ za bo kɨ́nɨ́ nkɨ́ ndzúʼə. Bo zúʼ nkən wa, lá ɨ sé ɨbɔŋ wu tse a mbó bo ghɨ mbɨ́ʼ ngə́ a nkfu za bo zúʼnɨ́ nkən məwa lá, bo sé a wɛrə kwarɨ nɨ abeməntəm ə.

Ɛbal 4:2 Referans Kwoze

1 Tesalonaika 2:13

Anu zə mɔʼɔ a tsi ɨwu za a ghɨnə ngə́ á bɨgɨ ngǎ a mɨya a mbó Ŋwi nkfu tsum ə. A nkfu za bɨgɨ yénɨ́ nɨ nkən Ŋwi a mbó bən lá, nɨ zúʼ a wɛrə nkɨ mbem a wɛrə, nkeʼ be be tso nkən wa ɨ lonɨ a mbó ŋwɔn mɨsɔŋ a ntsu lá mbe be tso nkən Ŋwi, mbáʼ tsɛʼ a nkənu ɨ kɨnɨ mbe wɛrə ghe. Mbɨ́ʼ ngə́ Ŋwi a faʼə a mu ɨnye ɨtsən, bən wa nɨ nɨŋnɨ mɨntəm ɨmən a nye wɛrə lá.

Ɛbal 11:6

Tɨ abeməntəm o chi koʼ ghɨ á ɨnye Ŋwi bɔŋə. Mbɨ́ʼ ngə́ ŋwɔn tsum wa a ghɛnə a mbó Ŋwi, a tsi nɨ ɨ nɨŋə a mu ntəm zɨ ngə́ Ŋwi a tsi ɨwu nkə́ nkyǎŋ ɨbɛn ba bɨ lɔnə ayi ɛ.

Ɛbal 3:12

Ɨbɔmbɨma ɨban, á nɨ lə̌ ɨtú ɨtsən mbɨ́ʼ táʼ ŋwɔn a tɨtərɨ bən a ghɨ ntsí nɨ abɨgəntəm, nkeʼ nɨŋ ntəm ɨyi a nye Ŋwi, ɨ ghɨ ayi á furɨ ndzum ɨzhi nga a mbó Ŋwi, zɨ wa a tsinɨ ntɨŋ ə.

1 Timotyo 4:8

Ɨ shintɨ ɨkwɛn ɨnye ɨ tsi nɨ ɨlɨŋ tse ghe, lá ɨ mərɨsɨ atuəmbəm azo a mu azhwi tsi nɨ ɨlɨŋ bɨbagɨ bɨtsum, mbɨ́ʼ ngə́ ɨ kaʼə ntsi ntən tɨtsɔŋnɨ abɔʼnɨ nkfu za ɨ ghɨnɨ yiŋə.

Roma 2:25

Be o ndě a Nyɔngɔŋ muŋ ntsəŋ alagɨ zən ɨ tsi nɨ ɨlɨŋ ə; lá be o tú a Nyɔngɔŋ lenə muŋ a mɨ be tso bɨ sé tsəŋ alagɨ azo ə.

Ɨfaʼ 13:46

Lá Baolo bo Banabasɨ ghám tɨ nɨbɔgɨ ngə́: “A chi nkuʼnɨ ngə́ á bɨ fom soŋ nɨgham nɨ Ŋwi lá a mbó bɨŋ ə. Lá mbáʼ nɨ tonɨ awən a nɛrə, nkeʼ wiʼtɨ ngə́ nɨ kuʼnɨ a nkúŋə́ a mu ntsi ntən nɨnkoŋ za lá, ma lan, bɨgɨ mɨ nyɛʼtɨ awən ɨ ghɛn a mbó ba a se bə Yuda be ə.

Jemsɨ 1:21

Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.

Ɛbal 4:6

Ɨbɛn ba bɨ tsánɨ́ mbyi ndzuʼ Nkən wu Shiʼnɨ mbɨ́ʼ azhwitɨ za sé kwárɨ́ azhwitɨ za, mbɨ́ʼ ngə́ bo sé nɨŋ mɨntəm ɨma a nye Nkən wu Shiʼnɨ wa. Bə mɔʼɔ bvurɨ ba bɨ ghɨnɨ kwárɨ́ a zɛrə ghe.

1 Korɨnto 13:3

Be a be ngə́ ma chi gha atsum za ma tsinɨ nɨ zɛrə, be a be ngə́ ma chi nyɛʼtɨ ɨnye ɨzan á bɨ tɔn, lá be ma tú nɨ akɔŋnɨ tsi muŋ ma mɨ kaʼ azúm zə tsɛrə səŋə.

1 Bita 1:12

Ŋwi a kyɛ́ʼ a mbó ntóm Ŋwi tsen ngə́ afaʼ aza a sé tsi ngə́ á bo sə́ŋə́ ɨwu, lá ngə́ nɨ ghɨ baŋnɨ sə́ŋ ɨwu, adzaŋ za bo ghámnɨ́ mbɨ́ʼ ɨnu tsa nɨ zuʼnə mbɨ́ʼ a tsɛrə a mbó ntóm tsa tsɨ chwítɨ́nɨ́ Nkən wu Shiʼnɨ wa lá. Bo chwítɨ́ a wɛrə ntsa lá a ndzum mɨtən mɨ Azhwi zə Fɛmnɨ ma mɨ lónɨ́ a fɔməbvurə ghe. Nə nɨ ɨnu tsa tsɛʼ bɨtsen bɨ ndá bɨ Ŋwi mɨ kɔŋ a ndzúʼə kɨ zhyɛ.

1 Tesalonaika 1:5

Mbɨ́ʼ ngə́ bɨgɨ yén nɨ Nkən wu Shiʼnɨ a mbó bən, nkeʼ tsɛʼ a mu nɨgham nɨ ntsu be, lá nkɨ mbe abɔʼnɨ mɨtən nkwiʼtɨ Azhwi zə Fɛmnɨ tə́ mə́ŋnə́ anu zə tsɛrə za a nɨ nkənu ə. Nɨ zhi adzaŋ za bɨgɨ kɨ́nə́ nchyɛ̌ a nkfu za bɨgɨ tsínɨ́ bɨgɨnə; a bé lá mbɨ́ʼ atú azɨŋ ə.

Galesha 3:8

Aŋwaʼnɨ a Ŋwi a fóm ndzɛ́n ngə́ Ŋwi a mɨ ghɨ á ba a se bə Yuda be tɛmnɨ a ɨshi ɨmɨgɨ zɨ ntsa a ndzum abeməntəm ə. Ma lan, aŋwaʼnɨ a Ŋwi a chwítɨ́ Nkən wu Shiʼnɨ wa a mbó Abraʼm ngə́: “A ntsǎ a ndzum gho, Ŋwi a mɨ fɔgɨ ngwəgɨ ŋwɔn mɨsɔŋ a ntsu tsum ə.”

Galesha 4:13

Nɨ waʼtɨ anu za a ghɨ́nɨ́ ma soŋ nkən wu shiʼnɨ a mbó bən a nye ntsambyi nkfu lá; a bé mbɨ́ʼ ngə́ ma kə́ ngǒ ghe.

Ɨfaʼ 3:26

Ma lan, Ŋwi a tsɔ́ʼ Ngaŋ Afaʼ ɨzhi, ntyigɨ ayi a ntsambyi a mbó bən ngə́ á fɔgɨ awən, a ngɨə á ŋwɔn tsum a tɨtərɨ bən a furɨ ndzum ɨzhi a nye abɨgəntəm azhi ɛ.”

Roma 3:3

Ake mɨ ghɨ mbáʼ be bə tse sé ghɨ ɨnu tsa bo tsínɨ́ nɨ ngɨə le? Məzen a diʼ lá ngə́ Ŋwi a mɨ keʼ bə ngɨ ɨnu tsa wɛrə a káʼnɨ́ a ngɨə le?

Galesha 3:2

Soŋnə aghan nɨ táʼ anu wiŋ ə: nɨ kwárɨ́ Azhwi a Ŋwi ntsa lá a ndzum ngɨ̌ za Nyɔngɔŋ Mǒse a lɔnə kə ntsa a ndzum ndzǔʼ nkən wu shiʼnɨ ɨ kɨ nɨŋ mɨntəm ɨmən a nye wɛrə le?