Ɛbal 4:1 - Mɨkan wu Fi

¹ Tɨtsɔŋnɨ, tso mbáʼ akaʼ a nkúŋə́ a mu adiʼ azhwitɨ za Ŋwi a ghánə́ a bvurɨnɨ ntsi ɨwu lá, á bɨgɨnə tiʼ ndə̌ ɨtú mbɨ́ʼ táʼ ŋwɔn nɨ bən a ghɨ ntsí tɨ kon ɨwu ə.

Ɛbal 4:1 Referans Kwoze

Ɛbal 12:15

A nɨ zagɨ ndzɛn ngə́ ŋwɔn tsum a tɨtərɨ bən a kwarɨ abɔŋəntəm a Ŋwi; á ŋwɔn tse a tɨtərɨ bən a keʼ tsi tso atɨ a ndyíʼ za a tomnɨ taŋ ɨ bvugɨ ndum, ɨ shwiʼ a bə ghaʼnɨ ə.

Ɛbal 4:11

Ma lan, á bɨgɨnə ghɨ atsum a nchyɛ́ nɨ azhwitɨ məza, taŋ á táʼ ŋwɔn nɨ bɨgɨnə a ghɨ́ nkeʼ sam azhwitɨ məza tso bo ba bɨ sámnɨ́ a zɛrə mbɨ́ʼ ngə́ bo sé tsi nɨ abeməntəm lá.

Ɛbal 4:9

Lá adzaŋ za a tsinɨ, Njwi Alaʼ Ŋwi, njwi azhwitɨ a mbó ɨbɛn bɨ Ŋwi kɨ mbvurɨ ntsi ɨwu a mbó bo a nkúŋə́ ɨwu ə.

Ɛbal 13:7

Nɨ ngwáʼtə́ bɨntsagɨnɨ ɨbən, bo ba bɨ sóŋnɨ́ nɨgham nɨ Ŋwi a mbó bən; ngwáʼtə́ adzaŋ za bo tsínɨ́ ntsi mbyi ɨza abɔʼnɨ adzaŋ za bo kfónɨ́, ntiʼə nyíʼsə́ abeməntəm aza ghe.

2 Timotyo 2:13

Be bɨgɨnə tú faʼnə tsɛʼ nɨ táʼ ntəm, wɛrə a ghɔŋ a faʼə tsɛʼ nɨ táʼ ntəm mbɨ́ʼ ngə́ wɛrə a chi keʼ chwe ɨnu a mbó atuəmbəm azhi ɛ.”

1 Korɨnto 10:12

Bo wa bɨ kwaʼtɨnɨ ngə́ bo tɛm ɨ shiʼnɨ tsi nɨ ndə̌tú mbɨ́ʼ bo vwoə.

Roma 11:20

Tsɛʼ a nkənu ə. Bɨ ló nchwántɨ́ mbó ma lá mbɨ́ʼ ngə́ bo sé nɨŋ mɨntəm ɨma a nye Ŋwi ə, lá o chwuʼnɨ ntən ɨ shiʼnɨ lá mbɨ́ʼ ngə́ o nɨŋ ntəm ɨgho a nye Ŋwi ə. Koʼ ntiʼə ŋǔʼ ɨnye, baŋnɨ ntsi be nɨ abɔgɨtɨ ə.

Roma 3:23

mbɨ́ʼ ngə́ ŋwɔn tsum a ghɨnɨ ɨbvu nchi keʼ ghɛn fátɨ́ nɨfáŋ nɨ Ŋwi ə.

Ɛbal 12:25

A nɨ zɛn ngə́ nɨ se a zɨ wa a ghamnə lá tuŋə. Mbɨ́ʼ ngə́, be a be ngə́ bo sé lɛʼ a zɨ wa a kwántɨ́nɨ́ awa atuəshe, bɨgɨnə ghɨ keʼ byi njwəŋtɨ a ndɛ́ʼ zɨ wa a kwantɨnə awɨgɨnə a fɔməbvurə ghe.

Ɛbal 3:11

A mu alwɛntɔŋ məza, ma kán ngə́: ‹Bo láʼ keʼ kon a mu abɨŋ a ɨshe za ma tsinɨ ɨ ghɨ gha azhwitɨ ɨwu a mbó bo lá!›”

Matyo 24:48

Lá be ŋwɔn afaʼ wa a be wu abɨgəntəm, a wiʼtɨ a mu ntəm zɨ ngə́, ‹Tafaʼ ɨghan a mɨ tɨʼ a nkwé ghe,›

Ɨfaʼ 3:19

Tiʼ lá nyɛʼnə mɨbvu ɨmən, mbəŋ mɨntəm ɨmən nga a mbó Ŋwi, taŋ á Ŋwi a chi lɨgɨnɨ mɨbvu ɨmɨŋ ə. Be nɨ ghɨ mə lan,

2 Korɨnto 6:1

Ma lan, mbáʼ bɨgɨ faʼnə abó mɔ́ʼɔ́ bɨgɨ bɨ Ŋwi lá, bɨgɨ bǔʼ mbó a mbó bən ba nɨ kwarɨnə abɔŋəntəm a Ŋwi ngə́ á nɨ keʼ a zɛrə atú adaŋədaŋə kwarə.

Galesha 5:4

Bən ba nɨ lɔnɨ ntɛmnə a ɨshi ɨmɨgɨ Ŋwi a ntsǎ a ndzum ndzuʼnɨ Nyɔngɔŋ Mǒse lá, nɨ fɨgɨnɨnə ɨtumbəm ɨtsən a nye Kristo ghe. Nɨ ton awən abɔŋəntəm a Ŋwi ə.