Ɛbal 3:6 - Mɨkan wu Fi

⁶ Lá Kristo a faʼə nɨ táʼ ntəm a mbó ɨbɛn bɨ Ŋwi bɨtsum tso mɔn mbáŋnɨ́ ə. Bɨgɨnə nɨ ɨbɛn bɨ Ŋwi mbáʼ be bɨgɨnə ngěn nɨ mbyi nɨ nkotɨ mbáŋnɨ́ abɔʼnɨ nchyɛ̌ tɨ nɨbɔgɨ a nye ntsiŋə nɨ ntəm tsum za bɨgɨnə tsinɨ nɨ zɛrə lá.

Ɛbal 3:6 Referans Kwoze

2 Korɨnto 6:16

Be nɨshwim nɨ Ŋwi bo bɨ ɨbɔ bɨ abe bemnɨ lá ɨ nə́ le? Ma soŋə a məzen lá mbɨ́ʼ ngə́ bɨgɨnə lá nɨshwim nɨ Ŋwi, zɨ wa a tsinɨ ntɨŋ ə! Ŋwi zɨmboŋ a soŋ ngə́: “Ma mɨ ghɨ njwuʼ ɨzan a tɨtərɨ ɨbɛn ɨban ɨ tiʼ tsi a tɨtərɨ bɛrə; ma mɨ be Ŋwi ɨwa, á bo tiʼ mbe ɨbɛn ɨbə.

1 Korɨnto 3:16

Tsɛʼ a nkənu, nɨ zhi ngə́ nɨ lá nɨshwim nɨ Ŋwi, Azhwi a Ŋwi a chyɛnə lá a mu ɨnye ɨtsɨŋ ə!

1 Bita 2:5

Yenə tso ngɔʼ tsa tsɨ ghánɨ́ ntsi ntən, ɨ nyɛʼtɨ ɨtumbəm ɨtsən á bɨ lɔgɨ a tsɛrə ngvwu nɨshwim nɨ azhwi na ɨwu, mbe adiʼ za nɨ mɨ faʼnə ɨwu tso bɨntumshe bə fɛmnɨ a ngá mɨtsuʼnɨ mɨ atú mɨ azhwi ma bɨ bemnɨ a mbó Ŋwi ntsa a ndzum Yeso Kristo ghe.

Ɛbal 10:35

Ma lan, á nɨ keʼ nyɛʼtɨ nkotɨ mbáŋnɨ́ mbɨ́ʼ ngə́ ɨ yiŋə nɨ mɨkyaŋnɨ mə wi ə.

Ɛbal 6:11

Za bɨgɨ lɔnə nɨ mɨntəm ɨmɨgɨ mɨtsum a nɨ ngə́ á ŋwɔn tsum a tɨtərɨ bən a ngěn nɨ mbyi nɨ ntəm ɨyi ɨtsum a ngɨ ɨnu tsa a ghɨnə ɨ kɔʼ kuʼ a ndwitə, taŋ á anu za nɨ tsenə nɨ mɨntəm ɨmən mɨtsum a ghɨ́ fú mbe nkənu ə.

1 Korɨnto 6:19

O so zhi ngə́ mbəmnye ɨzo nɨ nɨshwim nɨ Ŋwi na Azhwi zə Fɛmnɨ a tsínə́ wə mu, Azhwi zə Fɛmnɨ za Ŋwi a ghánɨ́ a mbó gho lá le? Ntsi mbyi ɨzo se lá a nkfu gho chyɛ, ntsi mbyi ɨzo tsi lá a nkfu Ŋwi;

Ɛbal 10:23

A bɨgɨnə chwa tə nchiʼnə ntsiŋə nɨ ntəm tsum za bɨgɨnə sóŋnə́ ngə́ bɨgɨnə tsi nɨ zɛrə, mbɨ́ʼ ngə́ Ŋwi, zɨ wa a káʼnɨ́ awɨgɨnə a soŋ a mɔ́ʼɔ́ lá a nu mɔ́ʼɔ́ ghe.

Ɛbal 4:11

Ma lan, á bɨgɨnə ghɨ atsum a nchyɛ́ nɨ azhwitɨ məza, taŋ á táʼ ŋwɔn nɨ bɨgɨnə a ghɨ́ nkeʼ sam azhwitɨ məza tso bo ba bɨ sámnɨ́ a zɛrə mbɨ́ʼ ngə́ bo sé tsi nɨ abeməntəm lá.

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

Nkyɛʼə 3:11

A bvurɨ tsɛʼ məbaŋtɨ á ma yiŋə. A nɨ ngěn nɨ mbyi ntiʼtɨ abeməntəm azən ɨ shiʼnɨ, taŋ á ŋwɔn tse a keʼ kwarɨ nɨ adaʼ ɨsáʼfɔ ɨzən za ɨ nɨ mɨkyaŋnɨ ɨmən lá.

Ɛbal 4:14

Tso mbáʼ bɨgɨnə tsinɨ nɨ ntumshe wu ngwi, Yeso, Mɔn Ŋwi, zɨ wa a ghɛnə adiʼ wa Ŋwi a tsinɨ ɨwu lá, á bɨgɨnə chwa anu za bɨgɨnə nɨŋnɨ mɨntəm ɨmɨgɨnə ɨwu lá, ɨ shiʼnɨ ə.

Ɛbal 1:2

Lá a nye njwi tsen tsa tsɨ lwɨgɨnɨnɨ lá, Ŋwi a ghamnə a mbó bɨgɨnə ntsǎ a ndzum Mɔn ɨyi ɛ. Ŋwi a káʼ mbyi-mbyi tsum ntsa lá wə ndzum, zɨ wa Ŋwi a tsɔʼnɨ ngə́ á ghɨ ntsí nɨ ɨdzúm ɨtsum a ndwitə lá.

1 Timotyo 3:15

Lá be bɨ chwuŋsɨ aghan, muŋ aŋwaʼnɨ zen a mɨ ghɨ o zhi adzaŋ za bɨgɨnə tsinɨ nɨ ngɨ ɨnu a mu ndáŋwi, mbáʼ ɨ lá ndáŋwi zɨ Ŋwi, zɨ wa a tsinɨ ntən, mbe ntɛʼ abɔʼnɨ atwɛmtɨ a nkənu lá.

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

Matyo 10:22

Ŋwɔn tsum a ghɨ ban awən mbɨ́ʼ atú azə. Lá ŋwɔn tsum wa a chigɨnɨ ntəm ɨ ghɛn kuʼ a ndwitə, bɨ ghɨ loŋ ayi ɛ.

1 Tesalonaika 5:16

A nɨ ndórɨ́kə́ tsɛʼ nkfu tsum,

Roma 15:13

A Ŋwi, zɨ wa a ghánə́ ntsiŋə nɨ ntəm ɨtsum, a lwɨgɨ awən nɨ nɨdorɨ abɔʼnɨ mbɔnɨ, ntsa a ndzum abeməntəm azən a nye zɨ taŋ á ntsiŋə ɨzən nɨ mɨntəm ɨmən mɨtsum ngěn nɨ mbyi nkwiə a tsǎ a ndzum mɨtən mɨ Azhwi zə Fɛmnɨ ə.

Matyo 24:13

Lá ŋwɔn tsum wa a ghɨnɨ kórɨ́ ntəm ɨyi ɨ ghɛn kuʼ a ndwitə, bɨ ghɨ loŋ ayi ɛ.

Nkyɛʼə 2:25

Nɨ tsi nɨ ɨ zagɨ chwa ɨ faŋnɨ a za nɨ tsinɨ nɨ zɛrə ɨ kɔʼ kuʼ nkfu za ma ghɨ yiŋə.

Nkyɛʼə 2:18

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Tiatira ngə́: Nə nɨ nkən wa ɨ lonɨ a mbó Mɔn Ŋwi, zɨ wa ɨmɨgɨ ɨmyi kwárɨ́nə́ tso ɨmugɨ, wa mɨku ɨmyi dzinkɨnə tso broŋsɨ wa bɨ sugɨnɨ a mu alam lá.

2 Tesalonaika 2:16

A Maʼmbyí ɨwɨgɨnə, Yeso Kristo zɨmboŋ bo Ŋwingɔŋ Ta ɨwɨgɨnə, zɨ wa a kɔ́ŋnɨ́ awɨgɨnə nga awɨgɨnə nɨ nkotɨ mbáŋnɨ́ za ka ɨ nkyɛ́ntə́ ayi abɔʼnɨ ntsiŋə nɨ ntəm tsum za ka ɨ nchíʼnə́ ayi a mu abɔŋəntəm azhi,

Roma 5:2

A ndzum Yeso Kristo bɨgɨnə zɛnə abɔʼ ɨ tsa ɨwu ɨ tsi nɨ abɔŋəntəm məzen za bɨgɨnə tíʼnə́ nchyɛ̌ wə mu lá. Ma lan, bɨgɨnə tɛrə mbɨ́ʼ ntsiŋə nɨ mɨntəm ɨmɨgɨnə mɨtsum ngə́ bɨgɨnə ghɨ kɨ tsi nɨ nɨfáŋ nɨ Ŋwi ə.

1 Bita 1:8

Nɨ kɔŋ ayi ɛ, lebuŋ nɨ bvurɨ tɨ zɛn ayi ɛ. Nɨ nɨŋ mɨntəm ɨmən wə ɨnye, lebuŋ nɨ se ayi tɨtsɔŋnɨ a ndzě ghe. Ma lan, á nɨ tsi nɨ nɨdorɨ nə wi nə nɨfáŋ na ntsu chinɨ keʼ soŋ,

Galesha 6:9

Ma lan, á bɨgɨnə keʼ kán a ngɨ ɨnu tsɨ shiʼnɨ; mbɨ́ʼ ngə́ be bɨgɨnə tú kyɛntɨ a ngɨ ɨnu tsɨ shiʼnɨ, muŋ nkfu ghɨ yen za bɨgɨnə ghɨ fuʼ a za bɨgɨnə bínə́.

Roma 11:22

A nɨ ze adzaŋ a nchyɛ nɨ ntəm ngɨ ɨbɔŋ za Ŋwi a tsinɨ nɨ zɛrə abɔʼnɨ ntɛgɨ nɨdɨgɨ ɨzhi ɛ: wɛrə a tɛgɨ nɨdɨgɨ a nye ɨbɛn ba bɨ kɔmnkɨnɨ ngvo, lá nchyɛ̌ nɨ ntəm ngɨ ɨbɔŋ mbáʼ be nɨ ghɔŋ a mu ntəm ngɨ ɨbɔŋ məwiŋ ə; a tú lá be, wɛrə a mɨ kɨ chwántɨ́ awən ɨ nyɛʼə.

Matyo 16:18

Ma lan, ma soŋ a mbó gho ghe, gho Bita, o nɨ aláŋsə́ ngɔʼ, atú aláŋsə́ ngɔʼ məzen ma mɨ korɨ ndaŋwi ɨzan, á mɨtən mɨ nɨvwo keʼ nɨ mɨtən mə tsɛrə atú zɛrə chyɛ.

Roma 12:12

A ntsiŋə ɨzən nɨ ntəm ɨwɨŋ ɨtsum gha nɨdorɨ a mbó bɨŋ ə, á nɨ tsi nɨ nchigə a mu ngɨ́ʼ, nkə́ ntsáʼtə́ a Ŋwi tsɛʼ nkfu tsum ə.

Galesha 6:10

Ma lan, nkfu tsum za bɨgɨnə tsinɨ nɨ abárɨ́, á bɨgɨnə ghɨ ɨbɔŋ a mbó ŋwɔn tsum, tɨ́sə́n tɨ́sə́n a mbó bə ngwəgɨ ɨzɨgɨnə a mu abeməntəm ə.

Ɛfɛso 3:12

A ntsǎ a ndzum adzaŋ za bɨgɨnə tsinɨ a mbúm bɨgɨnə bɨ Kristo abɔʼnɨ abeməntəm wə ɨnye, bɨgɨnə tiʼ ntsi nɨ mɨtən a ngěn a ɨshi Ŋwi tɨ nɨbɔgɨ ə.

Ɛbal 4:16

A bɨgɨnə nkɔ́ʼtə́ a mbyɛn alaŋ a nɨfɔ a Ŋwi tɨ nɨbɔgɨ, adiʼ wa abɔŋəntəm a tsinɨ ɨwu ə. Ɨwu, bɨgɨnə mɨ kwarɨ akômɨlɨŋnɨ abɔʼnɨ abɔŋəntəm a nkwátɨ́ bɨgɨnə tsɛʼ a nyom wa bɨgɨnə lɔnə a zɛrə ghe.

Ɛbal 6:18

Ɨnu tsenə tsi bá tiʼ ntsi ɨwu tsa tsɨ chinɨ keʼ kwebtɨ, Ŋwi a chi keʼ kɨ chwe ɨnu mbɨ́ʼ a tsɛrə ghe. Ma lan, bɨgɨnə ba bɨ kɨənɨ ngɛn a shwúrɨ́ Ŋwi taŋ á wɛrə a kɨnkɨ awɨgɨnə lá, bɨ wɔŋtə awɨgɨnə be tɨ́sə́n ngə́ á bɨgɨnə chwa ntsiŋə nɨ ntəm tsum ngə́ za wɛrə a káʼnɨ́ lá a ghɨ fuə.

Ɛbal 7:19

(Nyɔngɔŋ Mǒse a kɨ chi keʼ ghɨ anu zə tsɛrə á kɔʼ ntɛm ngə́ tsáŋ ə); lá tɨtsɔŋnɨ, bɨ ghɨnə bɨgɨnə tsi nɨ ntsiŋə nɨ ntəm tsum za ɨ bɔŋtɨnɨ, za bɨgɨnə mɨ tsa ɨwu ɨ yen fatɨ a Ŋwi ə.

Ɛbal 10:19

Ma lan nə ɨbɔmbɨma ɨban, ntsa a ndzum nɨvwo nɨ Yeso, ka azúm zə tsɛrə a chi tsuʼnɨ ayi awɨgɨnə a nkúŋə́ a mu Adiʼ zə Fɛmnɨ Ntsa Atsum za.

Ɛbal 10:21

Bɨgɨnə tsi nɨ ntumshe wu ngwi wa a faʼnə a mu ndá za a nɨ zɨ Ŋwi ə.

Ɛbal 11:1

A nchyɛ́ nɨ abeməntəm, a nɨ nji ɨ shiʼnɨ ngə́ ɨnu tsa bɨgɨnə tsenə nɨ ntəm tsum tsɨ tsi ɨwu, ɨ keʼ nkə́ mə́ŋnə́ ngə́ tsa o so ndzě tsɨ tsi ɨwu ə.

1 Bita 4:17

Nkfu ɨ kuʼnə á nɨsáʼ biʼnə. Ɨbɛn bɨ Ŋwi, a nɨ bo ba bɨ mɨ tsa mbyi ɨ sáʼ awa ghe. Be bɨ biʼnɨ nɨ bɨgɨnə, a ghɨ tíʼ lwɨgɨnɨ be ɨ nə́ nɨ ba bɨ se nɨŋ mɨntəm ɨma a nye Nkən wu Shiʼnɨ wa ɨ lonɨ a mbó Ŋwi lá le?

Nkyɛʼə 2:26

A mbó ɨbɛn ba bɨ tokɨnɨ ntsi nɨ ayanguʼ məzen, mbáʼ bɨ ghɨnɨ ɨnu tsa ma lɔnə ngɛn fu a ndwitə, ma mɨ gha ndəŋndəŋ mɨtən ma ma kwárɨ́nɨ́ a mbó Ta ɨghə. Ma mɨ ghɨ á bo tsi nɨ mɨtən atú ɨlaʼ,